Jeremi 17:10 - U TIENU MAAMA TILI 2013

¹⁰ Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yuakuli, Nani o sanbila n tie maama, Ki pa yuakuli mo o panpaani, Nani o tuona n tie maama.»

Gourmanchéma Bible

¹⁰ Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yua kuli nani o sanbila n tie maama, Ki pa yua kuli mo o panpaani nani o tuona n tie maama.»

Jeremi 17:10 Iomraidhean Croise

1 Bi Badiba 8:39

fini yua n ye hali tanpoli ŋan pa ba sugili, ki tieni yuakuli po nani o tagu n tie maama, kelima a bani yuakuli pali. Fini bebe n tie yua n bani bi nisaaliba kuli pala.

1 Bi Badiba Jama 28:9

Lanwani, fini, Salomon n bijua, ŋan bandi a baa Tienu, ki yaa tuuni o po leni payenli leni yantiayenli, kelima o Diedo bani a pala kuli, ki diidi a yantiana kuli. A yaa lingi o, o baa tuo ŋan le o. Ama a yaa ŋaa o, omo baa lu ŋa yaa yogunu kuli po.

1 Bi Badiba Jama 29:17

N Tienu, n bani ke a biigidi O nisaalo pali ki bua mi teginma. N puni a yaa paabu n tie ne kuli leni ti bulicindi leni ku yantugupiengu. N go laa moala leni li pamanli a niba yaaba n ye nekanba n puni a bi paabu leni yaa bulicindi.

2 Bi Badiba Jama 6:30

fini yua n ye hali tanpoli, ŋan pa ba sugili, ki tieni yuakuli po nani o tagu n tie maama, kelima a bani yuakuli pali. Fini bebe n tie yua n bani bi nisaaliba kuli pala.

Jobi 34:11

O guandi o nisaalo nani o tuona n tie maama. O pa yuakuli o panpaani nani o tagu n tie maama.

Pisomi 44:21

Ti yaa den sundi ti Tienu n tie yua, Ki ŋoadi i nilanbuli,

Pisomi 44:22

Naani U Tienu yua n bani li pali nni ŋasiili, Kan bi bandi la?

Pisomi 62:12

Yenma ka ke n gbadi U Tienu kani Yaa maama n tie ne: «Mini n tie u Paalu Daano.»

Pisomi 7:10

Teni bi nibiadiba biadima n gbeni, Paagi a niteginka. Fini yaa Tienu n tiegi, Ki biigidi li pali leni li yantiali kuli.

Pisomi 7:9

O Diedo ja ti buudi leni i nibuoli. Saa n po i moamoani o Diedo, Nani n teginma leni n papienli N pundi maama.

Mi Kpanjama 12:14

O nilo maama kpendinni o po li baali, Nani o tuonli n puuni o li maama.

Mi Kpanjama 17:3

Bi biigidi ŋanjilifa leni wula Ku fantanbuogu nne, Ama yua biigidi a pala wani n tie o Diedo yo.

O Yanfuodaano 9:3

Yaa bonbiadila n ye ne n tiendi ki tinga bontienkaala kuli nni: Lani n tie ke bonyenla n ye ki baali bi niba kuli. Bi nisaaliba pala gbie leni mi biadima leni mi gaadima bi miali dana nni kuli. Lani kuli yaa puoli, bi baa kpe.

Esayi 59:18

O baa pa yuakuli o tuona panpaani. O baa wuli o pabienli o koanginkaaba po, Ki faligi o yibalinba nani lan dagidinni maama, Ki go pa a kpendega yaaba bi tuona panpaani.

Jeremi 11:20

Ama Li Miali Diedo tie yaa bujialo n tiegi, Yua n bani bi niba yantiana bonŋanla. N baa le ŋan baa tuu ba i panpaani maama, Kelima n cua ki buni fine n maama.

Jeremi 12:13

Bi buli ŋalikama Ki baa yendi i konkoni. Bi den coagini bi yula fanma bebe, laa baa yuli. I fe n cuo yi ti naa kpaandi po, Kelima o Diedo pabiencianli po yo, Ke o tieni yi laa bonla.

Jeremi 20:12

Fini Li Miali Diedo U Paaciamu Kuli Daano Biigidi o niteginka. A nua yaa jaga leni yaa yantiana n wuo. N baa le ŋan baa tuu ba li panli maama, Kelima n cua ki piani n yuli fini yaa kane.

Jeremi 21:14

N baa fii ki yie yi po. Nani yi bontienkaala n tie maama, N baa juu yi sediri tiidi fuali, Yaa fantama n baa juu yaala n gaani Ki lindi li kuli. O Diedo n yedi yeni.»

Jeremi 23:2

Lani n teni ke o Diedo Isidayeli Tienu maadi leni yaa gobidikaaba n gobidi o niba, ki yedi: «Yi pua ki yadi n niba, ki deli ba. Yii kubi ba bonŋanla. N baa fii ki sedi yi po kelima yi tuona n bia maama po. O Diedo n yedi yeni.

Jeremi 32:19

A yanjagili yabi, a bontienkaala mo ki pia lie. A nuni ŋubidi ki nua bi nisaaliba tuada kuli, ki baa pa yuakuli o tuona panpaani.

Esekieli 11:5

Lane, U Tienu Fuoma den jiidi n po, ki puogi nni min yedi yaa maama n tie ne: «O Diedo yedi: n bani yinba Isidayeli yaaba yin tua yaala leni yin maliti yaala yi pala nni.

Esekieli 14:5

Yeni, n maguankaama baa yagi Isidayeli yaaba yama, bani yaaba n ŋaa nni kelima bi buli po yeni.»

Mise 7:13

Ama li ŋandunli yaaba baa bodi Kelima bi tuonbiadi po.

Matie 16:27

O Joa Bijua baa ti cua leni o Baa kpiagidi ki yegi leni o malekinba. Lanyogunu o baa guani yuakuli nani o tuona n tie maama.

Matie 6:4

ke a ŋanma n yaa tiendi ŋasiili nni. A Baa yua n nua ŋasiili nni n baa guani a la.

Jan n diani U Tienu Laabaaliŋamo maama 2:25

Laa den tie o po tiladi ban tieni o po siedi niloba kuli po. Wani o ba den bani yaala n ye o nisaalo niinni.

Jesu Tondiba Tuona 1:24

Lani, bi den jaandi ki mia U Tienu ki yedi: «Ti Diedo, fini yua n bani bi niba kuli pala, waani ti bi naa niliediba siiga ŋan gandi yua,

LOMA YAABA 6:21

Moala yi jie i fe leni yin den tiendi yaala lanyogunu. Yi den baa be ñuadi laa bonla po? Laa bonla baa juodi mi kuuma.

LOMA YAABA 8:27

U Tienu yua n biigidi bi niba pala, bani yaala n ye o Fuoma yantiali nni. U Tienu n teni ke o Fuoma miadi o, o nigagidiŋanba po, nani wani U Tienu n bua maama.

Mi Doagidima 2:23

N go baa kpa o bila moko. Lanwani, Kilisiti Nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yuakuli o panpaani, nani wan tieni maama.

Mi Doagidima 20:12

N go den laa bi tinkpiba kuli, bi paatieba leni taliginba kuli, ke bi se li bali kalikaanu nintuali. Bi den gbabidi a tila. Bi go den gbabidi titoali, yaali n tie li miali tili. Bi den jia bi tinkpiba buudi nani bi bontienkaala n den tie maama, ki ŋua ban den diani bi po yaala a tila yeni niinni.

Mi Doagidima 22:12

Jesu yedi: «Diidi, n cuama kan go waagi. N baa cua leni n panpaani, ki pa yuakuli nani o tuona n tie maama.

1 Samueli 16:7

Ama o Diedo den yedi Samueli: «Ŋan da diidi o bugima leni wan foagi maama. Mii gandi wani ka. Mini U Tienu, mii nua ki biigidi nani o nisaalo n nua ki biigidi maama ka. O nisaalo nua i nuni n laa yaale, ama mini o Diedo nua li pali nne.»