Jeremi 16:17 - U TIENU MAAMA TILI 2013

¹⁷ Kelima n nuni diidi ban tiendi yaala kuli. Bi tuona naa duagi n nuni po, n nua bi tagili kuli mo.

Gourmanchéma Bible

¹⁷ Kelima n nuni diidi ban tiendi yaala kuli. Bi tuona naa duagi n nuni po N nua bi tagili kuli mo.

Jeremi 16:17 Iomraidhean Croise

2 Bi Badiba Jama 16:9

O Diedo diidi ki tinga nni kuli ki baa todi yaaba n bua o leni bi pala kuli. Lanwani, moala ŋan soani nani o yanluodaano yeni, dinla liiga, a kan go luo toabu.»

Jobi 10:14

N yaa tieni ti tuonbiadi a nua nni. Ŋan da yedi ke mii pia tagili.

Jobi 31:4

Naani U Tienu ka diidi min tagini yaa sanu, Ki coadi n taayaagima kuli?

Pisomi 109:15

Lani kuli n yaa ye O Diedo nintuali yogu kuli, Ki teni ban sundi laa niba po ki tinga nni!

Pisomi 139:3

A bani n yaa cuoni leni n yaa dua, A bani n sani mo kuli cain.

Pisomi 33:15

Wani n tagi bikuli yaa pala, Ki faami bi tuona kuli po.

Pisomi 51:9

Taa isope faadi ki mii ki ŋanbi nni, Yeni n baa ŋanbi cain. Ŋuudi ki ŋanbi nni, Lani, n baa yaa pieni ki cie a tatana.

Pisomi 90:8

A bili ti tagili a nintuali, Ki go bili tin wuoni yaa tuonbiadi Kuli a yenma nni.

Mi Kpanjama 15:3

O Diedo nuni nua i kaani kuli, O diidi bi nibiadiba leni bi niŋanba kuli.

Mi Kpanjama 5:21

O Diedo nua nilo kuli bontienkaala. Ŋan tagi yaa sanu kuli, o nua.

Esayi 29:15

Mi yebiadima baa baa yaaba N wuondi o Diedo bi jaga, Ki tiendi bi tuona kuli li biigili nni. Bi maadi ki tua: «Ŋme n nua ti, ŋme n bani ti?»

Esayi 66:18

Mini, n bani bi tuona leni bi yantiana. U yogunu pundi ke min taani i nibuoli Leni i mabuoli kuli, ban cua ki le n kpiagidi.

Jeremi 2:22

Ba a yaa bi wuu leni mi jiama, Ki duundi leni bu ciebu boncianla, A tagili baa yaa baa ki ye n nintuali. Li Miali Diedo U Tienu n yedi yeni.

Jeremi 23:24

Naani o nilo pia wan baa wuoni naani ke n kan le o? O Diedo n yedi yeni. Naani mii gbieni ki tinga leni tanpoli kuli?» O Diedo n yedi yeni.

Jeremi 29:23

Bi tieni ti cagindi Isidayeli diema nni, ki ban conbi leni bi lieba puoba, ki pua mi faama n yeli nni, yaa yogunu ke n naa den puogi ba liba. N bani la, mini n go tie li siedo mo. Mini o Diedo n yedi yeni.»

Jeremi 32:19

A yanjagili yabi, a bontienkaala mo ki pia lie. A nuni ŋubidi ki nua bi nisaaliba tuada kuli, ki baa pa yuakuli o tuona panpaani.

Jeremi 7:11

Naani yi tama ban taagi n yeli yaa diegu nne niinni, tie suuda wuonkaanu yo? Mini o Diedo, n laa ke li tie yene. O Diedo n yedi yeni.

Esekieli 8:12

U Tienu den yedi nni: «Nisaalo biga, ŋaa laa Isidayeli yaaba nikpela, yuakuli o dieli nni, wan gagidi yaa kaanu, ki tiendi yaala li biigili nni o bulo po? Bi tua: ‹O Diedo naa nua ti, o ŋaa mi diema.› »

Esekieli 9:9

O den guani ki yedi nni: «Isidayeli leni Juda yaaba n tieni yaa tuonbiadi yabi hali boncianla. Mi diema gbie leni mi nisoama ke u dogu mo gbie leni ti tuonbiadi, kelima bi tua: ‹O Diedo ŋaa mi diema. O Diedo kan fidi ki le liba kuli.›

Sofoni 1:12

Landaali, n baa gaani Jerusalemi nni kuli leni mu fidisanmu, Ki lingi ki faligi yaa niba n dua ki fuo ki maadi bi pala nni, Ki tua: ‹O Diedo kan fidi ki tieni yaala n ŋani bi yaala n bia.›

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.