Jeremi 15:13 - U TIENU MAAMA TILI 2013

¹³ N baa teni ban fagi a ŋalimano leni a piama kuli, Kelima ŋan tieni yaa tuonbiadi mi diema nni yeni po.

Gourmanchéma Bible

¹³ Ŋan tieni yaa *tuonbiadi kuli mi diema nni po, N baa teni ban fagi a ŋalimano leni a piama kuli.

Jeremi 15:13 Iomraidhean Croise

Pisomi 44:12

A taa ti ki teni, Nani ban baa kodi yaa yandi yeni. A yadi yadi ti i nilanbuoli siiga.

Esayi 52:3

O Diedo yedi: «Bi den kuadi yi ki naa gaa liba. Lanwani, bi kan pa ligi ka ki daa ki faabi yi.»

Esayi 52:5

O Diedo yedi: ‹Ban den ñani n niba Bi diema nni fanma fanma yeni, N baa tieni be moala? Bi tugutondanba tangi bi po, Bi sugidi n yeli yogunu kuli leni daali kuli.

Jeremi 15:8

N teni ke bi kpepuona yabidi Ki cie mi ñincianma tanbiima. N teni ke mi yebiadima ŋmaa O jakoando naa u yensiicocolu, Ki teni ke ti yanyagidi leni i yanbani Mo cua ki ludi o yenma.

Jeremi 17:3

Yinba Juda diema yaaba, n baa teni ban fagi Yi piama leni yi ŋalimano kuli, Kelima yin tieni yaa tuonbiadi Mi diema nni kuli po. Bi baa fie ki taani leni yi juana po padibinbina kuli.

Jeremi 20:5

N baa taa u naa dogu niba n pia yaala, ban duoli ki baa yaala, ban pia yaala ke li tie bonmoanla leni Juda badiba ŋalimano kuli, ki teni bi yibalinba. Bi baa fagi, ki wodi likuli ki tugi ki gedini Babilonni.

Esekieli 38:13

Saba yaaba, Dedani yaaba leni Tarsisi kpenkpenda leni yaa badiba n lindi ba kuli baa buali a: ‹A cua ki bua ki tugi ti fagidi yo? A yegi leni yaa niligu n yabi ki bua ki fagi, ki tugi ŋanjilifa leni wula ki taa ti yandi leni mi piama ki tugi yaa fagidi n yabi yo?›

Sofoni 1:13

Ama bi yibalinba baa tugi bi piama, Ki bolini bi diedi mo. Bi maa ti diedi ki nan kan kua lienni, Ki ŋuu duven tiidi ki nan kan ño li daama.»