Jeremi 14:16 - U TIENU MAAMA TILI 2013

¹⁶ Ban pua yaaba yaa po saawali, mi koma leni bu toabu baa bolini ba Jerusalemi sani nni, bi kan baa yua n baa doagini ba mo, bani, bi puoba, bi bijaba leni bi bisiaba. N baa teni bi biadima n jiidi bi yula po.»

Gourmanchéma Bible

¹⁶ Ban pua yaaba yaa po sawali, Mi koma leni bu toabu Baa bolini ba Jelusalema sani nni, Bi kan baa yua n baa doagini ba mo. Bani bi puoba, bi bijaba leni bi bisiaba, N baa teni bi biadima n jiidi bi yula po.»

Jeremi 14:16 Iomraidhean Croise

Mi Kpanjama 1:31

Lani kuli yaa po, yi baa gaa yi tagu bonluonkaala, Ki gaa yi jagili panpaani.

Esayi 51:20

Yi bijaba gbali Ki bili bili i sankuni nni, Nani yaa kabilo n baa ku diagu nni yeni. O Diedo pabienli jagi bi yula po. Yi Tienu mo fu leni ba.

Esayi 9:16

Lani n teni ke o Diedo kan fidi Ki mangi o pali bi jawaaba po, Bi ki gbadi mi ninñima bi kpepuona Leni bi kpienbila po, Kelima bikuli tie tuongunda danba Leni nibiadiba. Bi ñoana mo ki pia maŋanma. Ba leni lani kuli o Diedo pali daa kuugi bi po, O nuu mo baa ki tiane ki baa waani ba fala.

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema, tanpoli nuani leni ti yandi kuli po.› »

Jeremi 18:21

Lani yaa po, ŋan teni mi koma N nandi bi bijaba. Ŋan kodi ba leni ki jugisiega. Ŋan teni bi puoba n luo a bila. Ŋan teni ban tua kpepuona. Ŋan teni mi kuuma n nandi bi ciaba, Ki go teni bi jawaaba mo n kpe bu toabu nni.

Jeremi 20:6

Fini Pasehuri mo leni yaaba n ye a diegu nni kuli, yi baa gedi ti yonbidi Babilonni. A baa n kpe lipo ban piini a, fini leni a danlinba, ŋan den pua yaaba yaa po mi saawalifaama.› »

Jeremi 27:15

Mini o Diedo ki soani ba, ke bi nan pua saawalifaama n yeli nni, ki bua min ña yi maama nni, ki bolini yi, yinba leni yaa saawalipuaba n pua yi po laa saawalibuoli kuli.»

Jeremi 4:18

A tagu leni a bontienkaala N cuani a po yaali n yeni. Diidi, a biadima li to yo bagibagi. Laa bonla baa nandi hali a pali.

Jeremi 5:31

Lani n tie: Bi saawalipuaba pua mi saawalifaama, Bi kopadicianba lingi bi yucela ŋamu bebe, N niba mo sua ke lani n dagidi bi po. Yi baa tieni lede saala po?

Jeremi 7:33

Bi naa niba tinkpiba baa tua jiema, tanpoli nuani leni ki tinga yandi po, niloba kuli kan cua ki yagi bi yama.

Jeremi 8:1

Lanyogunu o Diedo den yedi: «Bi baa bugidi ki ñani bi takula nni Juda badiba kpaba, a koanbala, bi kopadicianba, bi saawalipuaba leni Jerusalemi niba kpaba kuli.

Jeremi 8:2

Bi baa deni laa kpaba u yienu nni, o ŋmaalo leni a ŋmabila nintuali, ban den bua bani yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi 9:20

Kelima mi kuuma kua ti diebona kani. Mi kua ti dieŋama nni. Mi guu a bila i sani nni, Ki guu bi nipanba mo mu daamu nni.

Jeremi 9:22

O Diedo yedi nanda: «O yanfuodaano n da jigini o yuli o yanfuoma po. O gbanmandaano n da jigini o yuli o gbanmanu po. O piado n da jigini o yuli o piama po.

Esekieli 39:14

Bi baa gandi yaaba n baa yaa goadi mi diema nni hali ŋmaalilele, ki lingi ki go piindi yaa tinkpiba n sieni mi tinfanma nni, ki nan fidi ki ŋanbi mi diema.

Amosi 7:17

Ŋan tieni laa bonla yeni, o Diedo n yedi yaala ne: ‹A pua baa tua puoconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini a ba mo baa n kpe mi nilandiema nni. Bi baa gedini Isidayeli yaaba ti yonbidi yaa kaanu n foagi leni bi diema.› »

Matie 15:14

Cedi ba mani! Bi tie yaa juama n dia a juama. Juamo yaa dadi juamo mo, bani nibilie kuli n baa baa ku buogu nni.»

Mi Doagidima 16:1

N den gbadi u nialiciamu ke u maadi U Tienu diegu nni, ki yedi bi malekileleediba: «Gedi mani ki wuli, ki tinga po U Tienu pabienli cuonu yuu n ye tadibuomulele nni.»