Jeremi 14:12 - U TIENU MAAMA TILI 2013

¹² Ba bi yaa loli bu ñoabu, n kan cengi bi paboandanmoe. Ba bi yaa cuani a padijuukaana leni bu paabu pada, n kan gaa bi po, kelima n baa teni bu toabu, mi koma leni u yianbiadipuodiko n dudi ba.»

Gourmanchéma Bible

¹² Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 14:12 Iomraidhean Croise

Jobi 27:9

Naani U Tienu cengi o moe, O yaa ye leni li paboanli yaa yogunu?

Mi Kpanjama 1:28

Yi baa yini nni, N kan guani. Ki lingi nni, yi kan le nni.

Mi Kpanjama 15:8

O Diedo nani bi nibiadiba pada, Ama o pali mani bi niteginkaaba jaandi po.

Mi Kpanjama 21:27

Bi nibiadiba padili yaa tie cagindi, Bi yaa ji cuani li leni i janbi mo te?

Mi Kpanjama 28:9

Nilo yaa biini o tuba kaa bua Ki cengi li bali maama, Ba o jaandi mo tie caginde.

Esayi 58:3

Bi buali bi yula: «Mi ñoalolima pia ti po be yaa fuome, O Diedo yàá nua tin tiendi yaala? Ki yaa wangi ti yula fala, mo pia be yaa todima, O Diedo yàá faami li po?» O Diedo yedi: «N yàá nua la, Li tie ke yi ñoalolima daali, Yi yen pa yi yula yi bonbuakaala po, Ki yaa wangi yi tuonsoanba fala.»

Jeremi 11:11

Lani n teni ke o Diedo yedi mi naa maama: «N teni ke fala nandi ba. Bi kan fidi ki cia, bi baa yaa mua ki yi nni, nmo nan kan cengi ba.

Jeremi 11:14

Fini, da jaandi laa niba po, da kpaani ki mia bi po, da jaandi bi po, kelima bi yaa mia n todima bi yebiadima po, mii yen cengi ba.

Jeremi 15:1

O Diedo den yedi nni: «Ba Musa leni Samueli yaa cua n kani, n yama kan guani bi naa niba kani. Deli ba ban foagidi n kani. Deli ba ban yaa caa!

Jeremi 16:4

‹Bi baa yiage ki kpe. Bi kan baa kuŋanbili. Bi kan baa ban bogidi ba. Bi baa kpandi ki tua bugidi u tingbanu po. Bu toabu leni mi koma baa dudi ba. Bi gbanandi baa tua jiema, tanpoli nuani leni ti yandi kuli po.› »

Jeremi 21:6

N baa pua u naa dogu niba leni li yandi kuli. U yianbiadipuodiko n baa je ba.›

Jeremi 24:10

N baa soani ki jugisiega, mi koma leni u yianbiadipuodiko bi siiga, hali ban bodi mi diema nni, min den puni bani leni bi baanba yaama yeni niinni.»

Jeremi 32:24

Yibalinba gaani ki lindi, ki bua ki guli u dogu. Bani Babilonni yaaba, yaaba n fii ki sedi u dogu po yeni, baa diedi u. Bu toabu, mi koma leni u yianbiadipuodiko baa teni ban paadi u dogu yeni. Ŋan den tuodi ki waani yaala tieni, a nua la mo.

Jeremi 6:20

N baa tieni be yo Saba diema dugibila? Yaa kpenmuadi yaa nuulu n mani, Ki ñani hali yaa diema n ye foagima, Pia be yaa fuome n po? Mii bua yi padijuukaana, Yin kpendinni n po yaa pada mo fa.»

Jeremi 8:13

O Diedo yedi: «N baa baa min baa bili ba naani. Duven tiidi kan luoni puu kuli. Bu kankanbu kan go yaa pia kankana, Ti faadi baa mali, N baa ŋaa ba bi yibalinba nuu nni.»

Jeremi 9:16

Li Miali Diedo U Paaciamu Kuli Daano yedi nanda: «Kpaagi mani! Yini mani yaa puoba n mua i kumoe, Yini ba mani ban cua. Ban yini mani yaa puoba n bani li tuonli, Ki teni ban cua.

Esekieli 14:19

Li yaa tie ke n didi go soani u yianbiadipuodiko laa diema nni, bi n yaa wuli mi po n pabienli, ki teni ke laa fala bolini bi niba leni ti yandi,

Esekieli 14:21

Li Miali Diedo U Tienu den yedi nni mi naa maama: «Ba n yaa soani Jerusalemi po falabiadonaa: bu toabu, mi konbiadima, u yianbiadipuodiko leni ti fuayanbiaditi, ke lani kuli n bolini bi niba leni ti yandi.

Esekieli 8:18

Mini moko, n baa soani ba tuonli leni n pali n fii maama. N kan mua bi po, n kan gbadi bi po ninñima mo. N kan cengi ba, ba bi yaa kuudi ki miadi nni ke min faabi ba.»

Ose Tili 5:6

Bi baa taa bi yanbidi leni bi yanciandi, Ki ban lingi o Diedo, Ama bi kan le o, Kelima o pidi ki luni ba.

Amosi 5:21

O Diedo yedi: «N sengi ki go nani yi jaanma. Mii bua ki go gbadi yi taana laabaalo mo.

Mise 3:4

Li tie lani yaa po yo, ke yi yaa ti kpaani, Ki miadi o Diedo wan faabi yi yaa yogunu, O kan lebidi yi liba kelima yi soani yaa tuona n bia. Lanyogunu o baa buli yi o nunga.»

Sakari 7:13

ke n yedi: ‹Min den yini ba ke baa tuo yeni, n moko yie kaa guani ba, ban den yi nni ke mia nni mi todima yaa yogunu.

Malaki 1:10

Li Miali Diedo U Paaciamu Kuli Daano go yedi: «Li baa yaa ŋani ki cie yinba bi kopadicianba po, yi siiga nni yendo n luoni n diegu buliñoana, ke yin da go cuondi n padibinbinli po u mu fanma fanma. N pali ki mani yi po ba waamu. Mii go bua ki gaa yi nuu nni padiliba kuli mo.

Malaki 2:13

Bontoala go ye ke yi tiendi la. Yi mua ki ñiidi, hali ke yi nunsiidi milini U Tienu padibinbinli, kelima waa go nua ki faadi yi pada, kaa go tuo ki gaani liba kuli yi nuu nni mo.

Mi Doagidima 6:8

N den diidi ki laa yaa taamo n bua ki yaa tie suudi yeni. Bi den yi yua n jagi o yeni mi “Kuuma”, ke bi tinkpiba diema ye o puoli. Bi den puni ba u paalu ki tinga kaannaadi kuli siiga kaanyendu, ban teni ki jugisiega, mi koncianma, u yianbiadipuodiko leni ki tinga fuayanbiaditi, n kpa likani yaaba.