Jeremi 13:16 - U TIENU MAAMA TILI 2013

¹⁶ Kpiagi mani o Diedo yi Tienu Hali ke o daa teni ke li biigili cua, Ke yi taana mo daa tuudi li biigili juali. Yi bi daani mi yenma, Ama o lebidi ma ke mi tua kuuma biigili. O baa teni man tua tawaligu Yaagu n biigi boncianla.

Gourmanchéma Bible

¹⁶ Kpiagi mani Li Miali Diedo yi Tienu Hali ke o daa teni ke li *biigili cua, Hali ke yi taana daa tuudi li biigili juali, Yi baa guudi mi yenma, Wan go lebidi man tua biigicianli. O baa teni man tua tawaligu yaagu n biigi boncianla.

Jeremi 13:16 Iomraidhean Croise

Jobi 3:5

Li biigili leni mi kuuma n buali lipo! Yaa tawadi n biigi n cua ki libini li! Yaa bonla n bia n cua ki yaa jiendi li!

Pisomi 107:10

Bi tianba den ye li biigili nni Leni mi kuuma jinjingu nni, Ki tie kpaada ki luo leni ti kudi ki ye fala nni,

Pisomi 107:14

O den ñani ba li biigili Leni mi kuuma jinjingu nni, Ki kua kua bi kpaadi.

Pisomi 29:2

Teni mani o Diedo o yeli kpiagidi. Gbaani mani ki kpiagi o leni yaa tiadi n gagidi.

Pisomi 44:19

Ti pala mo naa lebidi ki ŋaa ŋa, Ti taana mo naa jadi ki ŋaa a sanu,

Mi Ñama 10:21

O Diedo den yedi Musa: «Yugidi a nuu tanpoli, ke li biigili n yaa ye Ejipiti diema nni hali ke nilo n fidi ki sii li.»

Mi Kpanjama 4:19

Ama bi nibiadiba yaa sanu wani tie biigile, Baa nua yaala n baa guli ba.

O Yanfuodaano 11:8

O nilo yaa ye bina boncianla, wan mangi o pali leni laa bina kuli, ki tiadi ke li biigili yaa dana baa yaa yabi boncianla, kelima yaala n tiendi kuli tie bonpendikaale.

Esayi 5:30

Landaali ku fuugu baa tieni Mi diema nni bi po, Nani mi ñincianma yaa fuugu yeni. Bi baa diidi mi diema nni Ki sua biigili leni paboanli bebe. Ku tawabiigu baa teni mi yenma n kpandi biigili.

Esayi 59:10

Ti baali u bilinu ki tulibi Nani a juama yeni. Ti tulibi nani yaaba n luo i nuni yeni. Ti tuudi u yensiinu, Nani ku yenjuaboandigu yeni. Ba ke ti pia laafia, Ti naani leni bi tinkpiba yene.

Esayi 59:9

Li tie lani yaa po yo ke yaa bujiali N tiegi foagi leni ti, Ke mi teginma mo ki pundi ti kani. Ti bi sugini ki baa mi yenma, Ama li tua biigili. Ti bi sugini lan yaa yieni Ama ti cuoni li ciñuuli nni.

Esayi 60:2

Diidi, li biigili ŋoagini ki tinga, Li biigicianli mo baa i nibuoli po, Ama o Diedo cua a kani, O kpiagidi mo doagidi a po.

Esayi 8:22

Li yaa yuandi bi baa tibini Ki noanli tiipo, Ki sua ke paboanli, li biigili Leni i yanbani bebe. Bi yen baa sua ke bi se laa biigicianli nne.

Jeremi 14:19

Naani a luni ki diani Juda cain yo? Naani a pali kuli fa Siyon po yo? Be yaa po yo ke a pua ti, Ke gaapo naa ye ti po? Ti bi daani mi yanduanma, Ama bonŋanliba kuli ki ye. Ti den daani laafia, Ama ti jawaandi bebe n cua ki taani ti!

Jeremi 2:6

Baa buali bi yula: ‹O Diedo yua n teni ke ti ñani Ejipiti diema yeni ye le yo? Wani yua n gobidi Ki gedini ti mi fanpienma nni, I tiali leni ti buodi diema nni, U yialu leni li biigili tinga nni, Yaa tinga ke nisaalimialiba ki poandi ki niinni yeni ye le yo?›

Jeremi 23:12

Lani n teni ke bi sanu baa yaa ŋaligi ki go biigi. Bi baa ŋmadi ki baa. N yaa fii ki sedi bi po yaa binli, N baa teni mi yebiadima n ŋmaa ba. Mini o Diedo n yedi yeni.›

Jeremi 4:23

N diidi ki tinga ki sua kaa pia nunga, Puu ki ye ki niinni mo. N diidi tanpoli mo ki sua yenma ki go ye.

Jeremi 50:6

N niba den tie yaa yankulu n yaadi. Bi yankpaaba den biani ba, Ki teni ke bi puagi a juana nni. Bi yen ña li naa juali ki ban puodi line, Ki den sundi bi yanloli po.

Jeremi 6:21

Lani n teni ke o Diedo maadi yaa maama n tie ne: «N bili a tantuudikaana u naa nibuolu nintuali, Bi baanba leni bi bijaba kuli baa yaa tuudi ki baali lankane. Bi yieninlieba leni bi danlinba kuli baa kpe.»

Jeremi 8:15

Ti den kaa ki daani mi yanduanma, Ama bonŋanliba kuli naa ye. Ti den guu mi paagima yogunu, Ama ti jawaandi n sani ki cua.

Jeremi Bubula 4:17

Tinba wani yaa nuni baa ki mua yo, Ki guu yaa todima n ki kpendi. Ti den waagi ki se ki guu Yaa nibuolu n baa cua ki kan fidi ga ti.

Esekieli 21:15

Li tie baa kpa po yo ke bi luani ka. Bi kpilini ka ke ki pelini nani mi tañigima yeni.

Esekieli 34:12

Nani o yankpaalo n yen gobidi o yandi, ki bua ki guani yaaba n yadi yadi maama, nmoko baa yaa gobidi n yandi yene. Ku gbangbadigu leni li biigili n den tieni yaa daali, bi den yadi yadi. Lanwani, n baa gedi ki ban ñani ba i kaani kuli ki guani ba.

Esekieli 36:15

Yi kan go yaa gba ke nilanbuoli ñuadi yi ki sugidi yi, feba mo kuli ki go ŋua yi. Yi diema yeni kan go yaa kpaani yi bila. Li Miali Diedo U Tienu n yedi yeni.»

Joeli 2:2

Laa daali tie biigicianli daali, A tawala leni ku gbangbadigu daali. Li daali yeni kpendi nani mi yendanma N yendi a juana maama yeni. Diidi yaa nibuolu n tie ne n yabi Ki go pia u paalu maama. U buolu daa kpa tieni, U kan go tieni mo ba yaa nifiima n baa ŋoadi siiga.

Amosi 4:13

Diidi mani, U Tienu n tagi a juana leni u faalu. O wangi bi nisaaliba o yantiana. O yen teni mi yenma n lebidi ki tua biigili. O cuoni ki tinga joaciama po. O yeli n tie Li Miali Diedo U Tienu U Paaciamu Kuli Daano.

Amosi 5:18

Fala baa baa yaaba n bua o Diedo pabienli daali n cua. Yi guu ki tama ke li daali yeni baa yaa tie lede? Li baa yaa tie biigili daali, Li kan yaa tie yenma daali ka.

Malaki 2:2

Yi yàá teni ke yi bontienkaala kpiagidi n yeli, kaa cengi min yedi yaala, kaa kuani la yi pala nni, n baa soli yi bonbaakaala. Ba moala n soli la, kelima yii kuani n bali maama yi pala nni.

Jan n diani U Tienu Laabaaliŋamo maama 12:35

Jesu den guani ki yedi ba: «Mi yenma da baa yaa ye yi siiga u yogunu waamu po. Yin yaa cuoni mani hali yin pia mi yenma yaa yogunu kuli, ke li biigili n da ludi yi. Yua n cuoni li biigili nni naa bani wan caa naani.

Josue 7:19

Josue den yedi Akan: «N bijua, ŋan kpiagi o Diedo Isidayeli Tienu ki pagi o, ki waani nni ŋan tieni yaala, ki da wuoni nni liba.»

1 Pieri 2:8

Li go yedi: «Li tie li tantuudikaali, Leni li tingbali tancianli.» Bi tuudi kelima baa tuo ki daani U Tienu maama nani lan den bili bi po maama.

1 Samueli 6:5

Yin duadi mani a sinakpina nannana leni yaa dapola n bolindi yi diema yaa nannana. Yin go kpiagi Isidayeli Tienu. Daalinba o baa faabi yi leni o nuu n miabi yi maama, yinba, yi tieni leni yi diema kuli.