Jeremi 12:5 - U TIENU MAAMA TILI 2013

⁵ A yaa tiini leni a taana danba Ke bi coagini a, A baa tieni lede ki niagi leni i taami? A yama yaa dua kelima a ye yaa dogu N pia mi yanduanma nni, A baa tieni lede Jurden boanjaana Yaa duodi yaa yogunu?

Gourmanchéma Bible

⁵ A yaa tiini leni a taana danba Ke bi coagini a, A baa tieni lede ki niagi leni i taami? A yama yaa dua yaa dogu n ye mi yanduanma nni bebe, A baa tieni lede Judana boanjaana yaa duodi yaa yogunu?

Jeremi 12:5 Iomraidhean Croise

1 Bi Badiba Jama 12:15

Bi den tie Gadi puoliŋuani toagoli yudanba. Yua n den wa ki cie bi siiga den pundi niba kobiga. Yua n den yabi ki cie mo den pundi niba tudili.

Pisomi 42:7

N Tienu, n pali biidi n yuli po, Lani n teni ke n tiadi a po, Min ye Jurden diema nni, Hermon leni Mitiseali juana nni yaa yogunu.

Mi Kpanjama 24:10

A yaa yoaligi a gbanu li paboanli daali, Ba a jama moko kan yaa pia mayuli.

Mi Kpanjama 3:11

N bijua, o Diedo yaa tundi a tundifala, Ŋan da fali o tundi. O yaa funi leni a, lan da biidi a pali.

Jeremi 11:21

Lani n teni ke o Diedo maadi nanda, ki yie Anatoti yaaba po. Bani yaaba n bua a kuuma, ki tua: «Da pua saawali o Diedo yeli nni. Lani yaa ka tinba n baa kpa ŋa.»

Jeremi 26:8

Jeremi n den maadi ki gbeni o Diedo n den soani o wan yedi yaala li nitaanli yaa yogunu, bi kopadicianba, bi saawalipuaba leni li nitaanli kuli den cuo o, ki yedi o: «A maadi a miali gbenma maama n yeni!

Jeremi 36:26

O bado den soani o bijua Yerameeli leni Seraya Asiriyeli bijua leni Selemia Abideeli bijua, ke ban cuo o tidianlo Baruki leni o saawalipualo Jeremi. Ama o Diedo den wuoni ba.

Jeremi 49:19

O Diedo yedi: «N tie nani yaa yangbanlo n ñani Jurden fuali nni, ki caa li ñinbunli po yeni. N li baa yedi bugibu yenma Ki teni Sodomi n sani, Min kaani min gandi yua, Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Jeremi 50:44

O Diedo yedi: «Nani yaa yangbanlo n ñani Jurden fuali nni, Ki kua u yankulu nni ki digi ba yeni, N baa digi Babilonni yaaba yenma, Ban sani ki ŋaa bi tinga. N baa cuani bi kani bi jakoandijawaaba. Ŋme n naani leni nni? Ŋme n baa waani nni min baa yaa tiendi yaala? O laa gobidika mo n baa tuo ki niagi leni nni?

Josue 3:15

Li den tie u jetaagu yogunu, Jurden ñima n yen gbie ki yadi yadi ki do a boanjaana po yaa yogunu. Yaa kopadicianba n den bugi ku ŋantaadikpaku n den pundi Jurden ke bi taana sii mi ñima,

1 Pieri 4:12

N buakaaba, yi yaa ye fala biigima mu nni, lan da ludi yi, nani li tie yi po boncanla yeni.