Jeremi 12:11 - U TIENU MAAMA TILI 2013

¹¹ Bi teni ke u kuanu yeni kpandi diegbendi. U ye leni mi kuuma paboanli, U kuanu yeni naa go pia mayuli ba waamu. Mi diema kuli ye leni li paboanli. Oba mo ki yagini o yama li po.

Gourmanchéma Bible

¹¹ Bi teni ke u kuanu yeni kpandi diegbendi. U ye leni mi kuuma paboanli, U kuanu yeni naa go pia mayuli baa waamu. Mi diema kukuli ye leni li paboanli. Oba mo ki yagini o yama lipo.

Jeremi 12:11 Iomraidhean Croise

O Yanfuodaano 7:2

A yaa kua kuuma n kpe yaa diegu nni, Cie ŋan gedi badu kani. Mi kuuma n tie yuakuli juodima. Li ŋani yuakuli n yaa tiadi mi po.

Esayi 42:25

Lani yaa po o pali den beni Isidayeli yaaba po ke o den wuli bi po O pabiencianli falabiado Leni bu toabu falabiado. Bu toabu den pebidi bi po i kaani kuli, Ke bi naa den bua ki bandi liba kuli. Bu den buoni ba, ama baa den kpaagi li po.

Esayi 57:1

O niteginka bodi, Ke niloba ki kpaagi lipo. Bi cua ki taa yaa niba n tiendi mi ŋanma, Ke oba ki bandi yaala yaa po Ke bi taa o niteginka, Ke mi yebiadima n da baa o.

Jeremi 10:22

Ti gba ke bu lanbu kpendi. Laa lancianbu ñani nujienu diema po yo, Ki baa teni Juda dogi n tua diegbendi Leni tanboe yekaanu.

Jeremi 10:25

Teni a pabiencianli n jiidi i nilanbuoli po, Bani yaaba n ki bani a Leni yaa nibuoli n ki jaandi ki miadi a todima yeni po, Kelima bi di Jakob buolu. Bi dini o hali ki bolini o, Ki teni ke o tinga tua paboanli kaanu.

Jeremi 14:2

«Juda diema ye leni li paboanli, Mi diema dogi coagi, Ki ye leni li paboanli ki kaa tiipo. A bubula fii ki loli Jerusalemi nni.

Jeremi 19:8

N baa teni u naa dogu n tua i jeje leni li ñuali bonla. Yaaba n baa tagi laa dogu kani kuli baa jie, lan paki ba, ban go ñuadi u mo, kelima wun laa yaa fala kuli po.

Jeremi 23:10

‹Mi diema kuli gbie leni yaa niba N tiendi mi conconma. Bi tiini ki caa mi biadima po yo, Bi gbani saagi yaala n ki ŋani tienma po. Lani yaa po n teni ke mi diema kuli Ye leni li paboanli, Ke bi yankpaakaani kuli mo kuodi.

Jeremi 25:11

U naa dogu kuli baa tua diegbena, nilo n ki ye naani. Babilonni bado baa diedi mi naa diema kuli hali bina piilele.

Jeremi 4:20

Bi puuni laabaalibiado, N tuu laabaalibiado, Mi diema mo kuli jugi cain. Bi li cua ki ludi ti yenme, Ki jugi ti gbandiena. Bi li cua yenme ki bolini ti diena.

Jeremi 4:27

O Diedo yedi mi naa maama: «Mi diema kuli baa jugi, Ama n kan bolini mikuli.

Jeremi 4:28

Lani n teni ke mi diema ye leni li paboanli, Ke tanpoli mo biigi, Kelima lani n tie min jagi yaala. N kan lebidi puu, N kan guani puoli mo.»

Jeremi 6:8

Jerusalemi dogu, gaa mi bangima, Lani n tie min da paadi leni a, Ki teni ŋan kpandi paboanli kaanu Leni diegbengu, Nilo n ki ye yaa diema nni.»

Jeremi 9:10

O Diedo yedi: «N baa teni Jerusalemi diema n tua diegbengu, I tanboe n ye naankani. N baa teni Juda dogi n tua paboanli kaanu, Niba n ki go ye naani.»

Jeremi 9:11

Naani li pia yua yaa yama n fo bonŋanla, Ki baa fidi ki doagidi laa bonla n tie yaala? Li yaa tie ke o Diedo n maadi leni o, Wan doagidi ki waani yaala yaa po, Ke mi diema bodi Leni yaala yaa po ke mi tua fanpienma, Nilo n ki go poandi naankani!

Jeremi 9:9

A juana po, N baa mua ki figindi. Mi fanpienma nni, i yankpaakaani nni, N baa wanli i wanli kelima bi juu ba. Oba ki poandi likani. Baa go gba yankuli lanbu, Ki cili tanpoli nuani, Ki ban taani leni ti yandi, Likuli bodi cain.

Joeli 1:10

I kuani jugi, Ki tinga ye leni li paboanli, Kelima ŋalikama biidi, O duvenpaano gbeni, Mi kpama mo ki go sieni ba kpajualu.

Levi 26:32

Mini n ba, n go baa bolini mi diema, yi yibalinba yaaba n baa cua ki kali mi niinni mo, li pakili n cuo ba.

Sakari 7:5

ke min waani mi diema niba kuli leni bi kopadicianba yaa maama n tie ne: «Yi den luo bu ñoabu ki go buudi cimuu leni cilele ŋmaali nni, hali bina piilele. Ama naani, moamoani, yi den luo laa ñoalolima mini yaa po yo?

Malaki 2:2

Yi yàá teni ke yi bontienkaala kpiagidi n yeli, kaa cengi min yedi yaala, kaa kuani la yi pala nni, n baa soli yi bonbaakaala. Ba moala n soli la, kelima yii kuani n bali maama yi pala nni.

LOMA YAABA 8:22

Ti bani ke hali moala mi tagima kuli ye leni fala, ki duni nani u maditugukoanu n cuo yaa pua yeni.