Jeremi 11:6 - U TIENU MAAMA TILI 2013

⁶ O Diedo den yedi ke min kpaani laa maama kuli, Juda dogi nni leni Jerusalemi sani nni, ki yedi: «Cengi mani o ŋantaado ne maama, ki tieni wan yedi yaala!

Gourmanchéma Bible

⁶ Li Miali Diedo den yedi ke min kpaani laa maama kuli Juda dogi nni leni Jelusalema sani nni ki yedi: «Cengi mani o ŋantaado nne maama ki tieni wan yedi yaala!

Jeremi 11:6 Iomraidhean Croise

Pisomi 15:5

Waa ledi o ligi ki lingi ñuadi, Kaa gaani suuli, Ki baa janbidi yua n ki pia biili. Yua n tiendi yeni kuli kan ŋmadi ki baa.

Esayi 58:1

Yaadi ki kpaani boncianla ki da ŋmini. Kpedi a nialu nani li naatuntunli yeni, Ki waani n niba bi biadima, Ki waani bani Jakob buolu yeni bi tuonbiadi.

Jeremi 19:2

Ŋan yuandi ki ña a Tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a, ŋan waani ba yaa maama.»

Jeremi 2:2

«Gedi ki ban kpaani Jerusalemi yaaba tuba nni: O Diedo yedi nanda: ‹Fini Jerusalemi, n baa ki tiadi ŋan den tie jafaano, Ki pia n po yaa buama, Ŋan den ŋua nni mi fanpienma nni, Leni yaa tinga yaa niinni N ki pia bonpudikaaliba yaa yogunu.

Jeremi 3:12

Gedi ki ban kpaani nujienu po, ki yedi: Isidayeli o yenyiedo, o Diedo yedi mi naa maama: ‹N kan go yaa pia a po nunbiadiga, Kelima n yama dingi. O Diedo n yedi yeni. N pali mo kan go waagi ki be a po yogunu kuli.

Jeremi 7:2

«Gedi o Diedo diegu buliñoabu kani, ki maadi yaa maama n tie ne, ki yedi: ‹Cengi mani o Diedo maama, yinba yaaba n tie Juda yaaba, ki koa o buliñoana kani, ki baa cua ki gbaani ki pugi o Diedo.›

Sakari 7:7

Naani mii den kpa soani n saawalipuaba hali yogu, ke bi waani laa maama ka? Laa yogunu, Jerusalemi dogu leni u dobila da den kaa leni mi yanduanma, ke nuganu po diema leni Sefela mo da pia bi niba.

Jan n diani U Tienu Laabaaliŋamo maama 13:17

Yi yaa bani lani ki tiendi la, yi pia li pamanli.

LOMA YAABA 2:13

Laa tie yaaba n cengi li bali maama ka tiegi U Tienu nintuali, ama yaaba n tiendi li bali maama n bili yaala, bani n tie bi niteginkaaba.

Mi Tiadima 4:1

Musa den yedi Isidayeli yaaba: «Moala, cengi mani, ki tieni min bangi yi yaa ñoamabona leni yaa bali maama, ki yaa ye, ki go diedi o Diedo yi baanba Tienu n puni yi yaa diema.

Mi Tiadima 4:5

Diidi mani, n den bangi yi mi mabilikaama leni a ñoamabona, nani o Diedo n Tienu n den puogi nni maama, ke yin yaa kubi, ki go tiendi likuli bonŋanla, yin baa kua ki diedi yaa diema yeni niinni.

Jaki 1:22

Yin da cengi U Tienu maama bebe, ki boandi yi yula ke mi cengima yeni dagidi, kali yin yaa tiendi man yedi yaala mo.