Jeremi 11:12 - U TIENU MAAMA TILI 2013

¹² Juda dogi leni Jerusalemi yaaba gedi ki ban mia ban padi yaa buli a dugibila, ama bi nan kan fidi ki gaa ba bi fala daali.

Gourmanchéma Bible

¹² Juda dogi leni Jelusalema yaaba gedi Ki ban mia ban padi yaa *buli a *dugibila, Ama bi nan kan fidi ga ba bi fala daali.

Jeremi 11:12 Iomraidhean Croise

2 Bi Badiba Jama 28:22

O bado Akasi ki den tiendi yaala n tiegi o Diedo po, ba ke o den ye leni fala.

Esayi 45:20

Yin taani ki cua mani ne, Taani ki nagini mani, Yinba i nibuoli siiga yaaba n cia. Yaaba n tugi bi bulo daagu yeni, Baa bani liba kuli. Bi miadi o bulo mi todima Yua n kan fidi ki gaa ba.

Esayi 46:7

Bi yen bugi o bi boacaba po, Ki tugi o ki ban bili o wan baa yaa ye naani. O kan fidi ki ŋmiagi o kaanu. Bi yaa yi o O kan fidi ki tuo, O kan fidi ñani oba kuli li paboanli nni.

Jeremi 18:15

Ama n yaa niba wani nan sundi n po, Bi juugi i buli po a dugibila. Bi cuoni ki tuudi ban yen maani Ki tagi yaa sankpeli yeni nni. Bi guani ki ŋoadi ban ki koadi yaa sani.

Jeremi 2:28

Ŋan tagi a yuli po yaa buli yeni kuli ye le? Ban fii, bi yaa baa fidi ki faabi a a fala daali. Juda, a buli yabi ki pundi a dogi.

Jeremi 44:8

Yi biidi n pali leni yi bontienkaala, kelima yi juugi a dugibila Ejipiti diema tieni po, yin cua ki wuoni naankani. Naani yi bua ban bolini yi, yin tua ti solindi leni fe bonla ki tinga nibuoli kuli siiga yo?

Mi Tiadima 32:37

O den yedi: «Bi tieni yeni ye le? Ban den wuondi yaa tanciangu kani yeni ye le?

Mi Tiadima 32:38

Yaa buli n den di bi pada nankpama, Ki ñu bi ñincaba daama, N nan fii ki todi yi, Ki go tua yi kubido naa!

Bi Bujiaba 10:14

Yin gedi mani ki ban mia yin gandi yaa tieni, yin faabi yi leni yi fala.»