Jeremi 1:10 - U TIENU MAAMA TILI 2013

¹⁰ Dinla, n kaani a mi diema nni leni i nibuoli kani, Ke ŋan ŋabi ba, ki tudi ki lu, ki fidi, ki mudi, Ki bolini, ki maa, ki go ŋuu.»

Gourmanchéma Bible

¹⁰ Diidi, dinla n kaani a mi diema nni leni i nibuoli kani Ke ŋan ŋabi ba, ki pua ki lu, ki teni ban kpe, Ki bolini, ki maa ki go ŋuu.»

Jeremi 1:10 Iomraidhean Croise

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

1 Bi Badiba 19:17

Yua n sani ki cia Hasayeli, Jehu baa kpa o. Yua mo n sani ki cia Jehu, Elise baa kpa o.

O Yanfuodaano 3:3

Ki kpa yaa yogunu ye, Ki buu mo yaa yogunu ye. Ki mudi yaa yogunu ye, Ki maa mo yaa yogunu ye.

Jeremi 1:5

«Hali ke n daa den tagi a a naa tugu nni, n den tuodi ki bani a. Hali ke a daa den ñani a naa tugu nni, n den gandi a ki gagidi ki ŋanbi a, ki teni ke a tua i nibuoli kuli saawalipualo.»

Jeremi 24:6

N baa diidi ba leni ki nunmanga, ki go teni ban guani mi naa diema nni. N baa maa ba, n kan mudi ba. N baa ŋuu ba, n kan ŋabi ba abada.

Jeremi 25:13

N baa teni min den tuodi ki pua saawali ki yedi ke yaala n baa baa mi naa diema kuli n tieni. Yaala n diani li naa tili nni leni Jeremi n den kpa pua yaa saawalibiado i nibuoli kuli po mo baa kua.

Jeremi 31:28

Nani min den ŋabi ba, ki pua ki luni ba, ki bolini ba, ki kpa ba, ki go tieni ba yaala n bia maama yeni, n go baa fiini ba ki ŋanbi bi yema yene. Mini o Diedo n yedi yeni.

Jeremi 31:40

Bi baa biigi bi tinkpiba leni mi fantanpienma joaloangu, ki taani leni yaa fanma n bili ki ban pundi hali Sediron joaloangu, ki ban tuu i taami buliñoabu nujienu po. Bi baa taa likuli ki gagidi ki ŋanbi o Diedo po. Bi kan go tudi ki lu la, ki buali ban bolini la.»

Jeremi 36:2

«Taa li tigbabikaali ki diani min maadi a yaa maama Isidayeli, Juda leni i nibuoli po, ki cili hali min kpa maadi leni a yaa daali Josiasi yogunu, ki ban pundi hali dinla.

Jeremi 44:27

N baa faami bi po, ki tieni ba yaala n bia. N kan pa ba yemanma. Juda yaaba, yaaba n kaa Ejipiti diema nni kuli, bu toabu leni mi koma n baa je bikuli cain.

Jeremi 45:4

Ŋan baa maadi o maama nne: ‹Diidi, ki tinga nni kuli, n baa bolini min maa yaala. N baa ŋabi min ŋuu yaala.

Esekieli 21:19

Lanwani, fini nisaalo biga, Ŋan pua saawali, Ki pua ki ledi a nii. Ki jugisiega baa pedi taalimilie bi taalimitaa! Li tie mi bolinma jugisiega, Yaaga n ŋua ki deli ba.

Esekieli 23:36

O Diedo den yedi nni: «Nisaalo biga, a bua ki jia Ohola leni Oholiba buudi, ki doagidi ki waani ba bi tuongunda bi?

Esekieli 32:18

«Nisaalo biga, buudi Ejipiti niŋandungu po, Ki teni ban jiidi ku buoñuangu nni, Bani leni yaa nibuoli n pia u paalu. Bi baa jiidi ki tinga ñuanlu nni Leni yaaba n ji ku buoñuangu nni.

Esekieli 36:36

Lanwani, yaa nilanbuoli n lindi yi kuli, baa bandi ke mini Li Miali Diedo, guani ki maa yaa dogi n den wudi, ki go guani ki koni ti koawadi mo. Mini Li Miali Diedo n yedi yeni, n go baa tieni la mo.»

Esekieli 43:3

Min den baa yaa bonlekaala, den naani leni min den kpa baa yaa bonlekaala, U Tienu den cua ki baa bolini Jerusalemi dogu yaa yogunu. Laa bonlekaala kuli den naani leni min den baa yaa bonlekaala Kebari kpenu balinma yeni. Lanwani, n den baa tiipo.

Ose Tili 6:5

Lani n teni ke n pua yi leni n saawalipuaba maama, Ki kpa yi leni n ñoamaama. N buudi baa ludi ki cua nani mi yenma yeni.

Amosi 3:7

Lanwani, o Diedo U Tienu kan tieni liba kuli, Kaa waani o naacenba bi saawalipuaba o ŋasiili.

Amosi 9:11

Lanyogunu, n go baa sieni Davidi diegu, Yaagu n baa yeni. N baa maa ki fiini ku diegbenbuona. N go baa ŋanbi ku kun tua Nani kun den kpa tie maama hali yogu.

Sakari 1:6

Ama min den teni n naacenba, bi saawalipuaba yaa ñoamabona leni yaa mabilikaama kuli, den cuo yi yaajanba pala. Bi den lebidi bi tagi ki yedi: ‹Li Miali Diedo U Paalu Kuli Daano soani ti nani ti tagi leni ti tuona n den teni ke o jagi ke o baa soani ti maama.› »