Filipi 4:8 - U TIENU MAAMA TILI 2013

⁸ N kpiiba, yaa maama n sieni tie mine: yin yaa tia yaala n tie moamoani, yaala n pia ti jigidi, yaala n tiegi, yaala n ŋani, bi niba n bua yaala ki faadi la kuli, yaala n pia o siediŋamo leni ti bulicindi, ki pundi bi niba n pagi la kuli. Yaa tia mani lankuli yaa po!

Gourmanchéma Bible

⁸ N kpiiba, yaa maama n sieni tie mine: yin yaa tia mani yaala n tie moamoani kuli, leni yaala n pia ti jigidi kuli, leni yaala n tiegi kuli, leni yaala n ŋani kuli, leni bi niba n baa bua yaala ki faadi la kuli, leni yaala n pia siediŋamo, leni yaala n pia ti bulicindi ki pundi bi niba n pagi la kuli.

Filipi 4:8 Iomraidhean Croise

Mi cilima 18:19

N den gandi wani ke wan bili li ñoamabonli o bijaba leni o diegu yaaba po, yaaba n baa ŋoadi o puoli, ki baa yaa kubi o Diedo sanu, ki go tiendi yaala n tiegi, ki kubi mi teginma. Li tie lani yaa po ke o Diedo baa tieni Abalahama po wan den niani o yaala kuli.»

2 Samueli 1:23

Sayuli leni Jonatan den bua biyaba bi miali dana nni kuli. Ba mi kuuma nni, baa paadi leni biyaba. Bi den jaligi ki cie jiebaninba, Bi fidu den cie i yangbanli yuu.

2 Samueli 23:3

Isidayeli Tienu yedi nni, Wani Isidayeli yaaba Tanciangu maadi nni mine: ‹O die bi niba leni mi teginma, Ki gobidi ba leni U Tienu fangili.

Pisomi 82:2

«Hali u laa yogunu yo Ke yi baa yaa ja yaa buudi n ki tiegi Ki saagi i tagili danba po i moamoani? Joma

Mi Kpanjama 11:1

O Diedo nani yaa bonbiigikaala n ki tiegi, Ama o pali mani yaa bonbiigikaala n tiegi po.

Mi Kpanjama 12:4

O puomoano tie o calo kpiagidi, Ama yua ki gba fe tie o calo po, Nani yaa yianu n di a kpaba yene.

Mi Kpanjama 16:11

O Diedo n die yaa bonbiigikaala n tiegi, Li bonbiigikaala kuli ye o yaa nuu nne.

Mi Kpanjama 20:7

O niteginka cuoni o teginma nni, Li pamanli mo faadi ki ye o bijaba po!

Mi Kpanjama 31:10

Ŋme n baa baa o puomoano? O moani ki cie i lanmoani boncianla.

Mi Kpanjama 31:29

«Bi jafanba boncianla pia u tagiŋamu, Ama fini, a cie bikuli!»

Mi Kpanjama 31:31

Teni o mani o tuonli panpaani O tuona mo n pagi o u dogu nni kuli.

I Yani 5:16

O maama dingi, O gbanandi kuli mo pia mi ñuadima. Yinba Jerusalemi Jafanba N buado n tie maama n yeni. N ŋamo yeni, tie yene.

Esayi 26:7

O niteginka sanu n tie mi teginma. Fini yua n tiegi yeni, A ŋanbidi o niteginka sanu.

Matie 22:16

Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po.

Marki 6:20

kelima wani Herodi den fangi Jan, ki kubi o ke liba n da tieni o, kelima o den bani ke Jan tie yaa nilo n tiegi ki go tie nigagidiŋamo. O yaa den gba Jan tundi yaa yogunu, o yama yen lengidi, ama ba yeni o den cengi o maama leni li pamanli.

Luki 16:15

O den yedi ba: «Yinba, yi wangi bi niba nuni po ke yi tiegi, ama U Tienu wani bani yi pala. Bi niba n nua ke yaala n pia ti kpiagidi yeni tie caginde U Tienu po.

Luki 2:25

Li yogunu o joa den ye Jerusalemi ke bi yi o Simeon. O den tie niteginka ki go fangi U Tienu, ki guu yua n baa baagi Isidayeli buolu. U Tienu Fuoma Yua den ye leni o.

Luki 23:50

Jufinba cancantieba taancianli yaaba siiga yendo den ye ke bi yi o Josefi, yaa nilo n ŋani ki tiegi, ki tie Jufinba dogu Alimate yua. O den guu ke U Tienu diema cuama. Waa den taani leni o lieba bi jagili leni ban den tieni yaala kuli nni.

Jan n diani U Tienu Laabaaliŋamo maama 7:18

Yua n maadi o yuli po, lingi o yuli po ti kpiagidi. Ama yua n lingi yua n soani o yaa kpiagidi, tie moamoandaano, waa pia boandiba.

Jesu Tondiba Tuona 10:22

Bi den yedi o: «Toatieba kobiga yudaano Korneyi n soani ti a kani. O tie niteginka, ki go fangi U Tienu. Jufinba buolu kuli tiendi o po yaa siedo n ŋani. U Tienu soani maleki o kani ki waani o ke wan yini a ŋan cua o denpo, wan gbadi ŋan baa yedi yaala.»

Jesu Tondiba Tuona 22:12

O joa den ye Damasi ki yi Ananiasi. O den ŋua U Tienu, ki fangi o, ki kubi o bali maama. Yaa Jufinba n ye Damasi kuli, den tiendi o po o siediŋamo.

Jesu Tondiba Tuona 6:3

Lani yaa po, ti kpiiba, gandi mani yi siiga nibilele, bi niba n tiendi yaaba yaa po o siediŋamo, yaaba n gbie leni o U Tienu Fuoma Yua leni mi yanfuoma. Ti baa puogi ba laa tuonli,

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli.

LOMA YAABA 13:3

Yua n tiendi yaala n tiegi kan yaa jie mi diema bali danba, se yua n tiendi yaala n bia. A bua ki da jie li bali daano? Yaa tiendi yaala n tiegi, yeni, o baa pagi a.

LOMA YAABA 14:18

Yua n tuuni Kilisiti po yeni, U Tienu pali baa yaa mani leni o, bi nisaaliba mo baa saa o po i moamoani.

LOMA YAABA 2:29

Yua n tie Jufi moamoani, tie yua n tie yeni hali o pali tugu nne. Ku koanciagu moko ŋua U Tienu Fuoma n tieni yaala o nilo pali nni, ke laa ŋua li bali maama. Yua n tie Jufi moamoani naa baadi ti pagidi bi niba kani ka, ama U Tienu kani.

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

2 Korenti 13:7

Tin miadi U Tienu yaala tie ke yin da tiendi yaala n bia baa waamu. Laa tie ti bua ki yaa tie nani ban biigi ki pagi yaaba ka, ama ti bua ke yin yaa tiendi yaala n tiegi, baa li yaa naani ke bi biigi ti ki sua ke ti poadi.

2 Korenti 6:8

Ti go moandi ki pia laa siediŋamo, ban kpiagidi ti leni ban fiagidi ti yaa yogunu kuli, ban pagi ti leni ban yuandi ti kuli. Bi nua ke ti tie boandi danba, ba ke ti tie moamoandanba.

2 Korenti 8:18

Ti soani o leni ti kpiilo yua yaa pagidi n yadi Kilisiti Nitaana siiga, kelima o tuonli o Laabaaliŋamo po.

2 Korenti 8:21

Tii lingi yaala n ŋani o Diedo nintuali bebe ka, ti lingi la bi nisaaliba moko yaa nuni po.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Efesa 4:25

Lani yaa po, yin cedi mani mi faama, yi siiga yuakuli n yaa maadi o lielo i moamoani, kelima tikuli tie gbananyendi yaaba.

Efesa 5:9

Mi yenma n baa luoni yaa bonluonkaala tie li ŋanbili, mi teginma leni i moamoani.

Efesa 6:14

Lanwani, bogini mani ki yaa se ke li pa. Yin yaa ñaagi i moamoani nani ku gbanñagidigu, ki yaa la mi teginma nani li kuliadili,

Mi Tiadima 16:20

Yi baa ŋoadi mi teginma cap cap. Yeni, yi baa yaa ye, ki kua ki diedi o Diedo yi Tienu n puni yi yaa diema nni yeni.»

Filipi 3:1

N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa.

Kolosi 4:5

Yin yaa ye leni yaaba n kaa daani leni mi yanfuoma, ki da tuo yin ye leni ba yaa yogunu n bia fanma.

1 Tesaloniki 4:12

Yin yaa tiendi yeni ke yaaba n kaa daani n yaa nua yi, ke yi tie nimoanba ki jigindi yi, ke yin da dugi nitoa todima po.

1 Timote 2:2

bi badiba leni bi yudanba kuli po, ke tin baa ki yaa ye leni mi yanduanma leni mi yansoangima, ki ŋua U Tienu ke li dagidi ki go tiegi.

1 Timote 3:11

Bi puoba moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba yaa po li bonla kuli nni.

1 Timote 3:4

Ama wan yaa tie yua n gobidi o diegu bonŋanla, o bila mo n tuo o maama bonŋanla, ki yaa fangi o.

1 Timote 4:12

Ŋan da tuo niloba kuli n fali a kelima a tie nipaano. Ama ŋan tua li bontogidikaala bi nidugikaaba po a maama nni, a tagu nni, a buama nni, a dandanli nni leni a yantugupiengu kuli nni.

1 Timote 5:10

ki tie bi niba n pagi yua o tuonŋama po, ki go tie yua n den wubi a bila, ki gaani bi canba cangu leni mi buama, ki nigidi bi nigagidiŋanba taana, ki todi yaaba n ye leni fala, ki tieni a tuonŋama buoli kuli.

1 Timote 5:2

a puociana nani bi tie a naanba, bi jafanba mo nani bi tie a naataanpola yeni. Ŋan yaa tiendi la leni ku yantugupiengu cain.

Titi 1:8

Wan yaa tie yua n gaani bi niba cangu, ki bua yaala n ŋani, ki yaa pia li kpaagili, ki tiegi, ki gagidi ki ŋani, ki kubi o yuli.

Titi 2:14

O den puni o yuli ki kpe ti po, ki baa daa ki faabi ti leni mi biadima kuli, ki ŋuudi ki ŋanbi ti, tin tua wani n die yaaba, yaaba n baa yaa pia li yankuali a tuonŋama po.

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li dandanli nni, mi buama leni li juunli nni.

Titi 2:7

Ŋan tua bi po li bontogidikaala a tuonŋama nni. Ŋan yaa bangi yaa bangima n ŋani, ki go dagidi.

Titi 3:14

Li tie tiladi ke ti yaa yaaba moko n bandi ki yaa tiendi ania a tuonŋama tienma po. Yeni, bi baa fidi ki yaa baadi yaala n tie bi po tiladi. Lani, bi kan yaa tie nani yaa tibu n kaa luoni yeni.

Hebilunba 11:2

Li tie li dandanli yaa po ke U Tienu den tieni bi nikpiaba po o siediŋamo.

Hebilunba 13:18

Yaa jaandi mani ti po, kelima ti bani cain ke ti pala siedi ŋani, ki go bua ti tagi n yaa tiegi li bonla kuli nni.

Jaki 1:27

Yaa jaanma n ŋani cain ki naa pia joagindi ti Baa U Tienu nintuali, tie ki yaa todi a kpienbila leni a kpepuona bi fala nni, ki go kubi o yuli leni ŋanduna joagindi.

Jaki 3:17

Ama yaa yanfuoma n ñani tanpoli n tie maama nne: Mi kpa ŋani cain, yaala n ŋua mo tie ke mi kpendinni mi yanduanma, ki dingi, ki pia li yumiinli, ki gbie leni mi ninñingbadima. Mi tiendi a tuonŋama, maa tiendi gagidima bi niba siiga, maa pia palalie mo.

1 Pieri 1:22

Moala yi ŋanbi yi yula leni yin ŋua i moamoani, ke yin fidi ki yaa pia yaa buama n ki pia tuonanma yi kpiiba po. Lanwani, yin yaa bua yiyaba hali boncianla leni yi pala kuli.

1 Pieri 2:12

Yin yaa pia u tagiŋamu bi nilanba siiga. Lanwani, ba bi yaa kuli yi ke yi tiendi yaala n bia, ban le yi tuonŋama, ki kpiagi U Tienu, o cuama daali.

1 Pieri 4:8

Yaala n cie likuli tie ke yin yaa bua yiyaba leni yi pala kuli, kelima mi buama doagini ti tuonbiadi boncianla.

2 Pieri 3:1

N buakaaba, line n tie min diani yi po yaa tilieli. A tilieda yeni nni kuli, n moandi ki tiadi yi yaala n baa tigini yi yantiana, yin yaa tia yaala n tiegi bonŋanla.

1 Jan 3:18

N bibuadimu, tin da pia mani mi buama tiyaba po leni mi maama bebe, ama tin yaa pia a tuona po leni i moamoani nni.

1 Jan 3:3

Yua n pia laa dugidi kuli baa yaa ŋanbidi o yuli, nani wani o Diedo n ŋani maama yeni.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma Yua kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi saawalipua-faadanba boncianla yadi yadi ŋanduna nni.

Ruti 3:11

Moala ŋan da go jie liba kuli. N baa tieni a po ŋan yedi yaala kuli, kelima u dogu yaaba kuli bani ke a tie puomoano.