Filipi 4:5 - U TIENU MAAMA TILI 2013

⁵ Yi dingima n yaa doagidi bi niba kuli po. O Diedo cuama nagini.

Gourmanchéma Bible

⁵ Yi dingima n yaa doagidi bi niba kuli po. O Diedo nagi.

Filipi 4:5 Iomraidhean Croise

Matie 6:25

Li tie lani yaa po ke n yedi yi, da yagi mani yi yama yi miana yema po, li bonjekaala leni li bonñokaala po leni yi gbanandi bonyiekaala po. Yii bani ke li miali cie mi jiema, ke ti gbanandi mo cie ti tiayiekaadi?

Matie 6:34

Lanwani, da yagini mani yi yama saala po, kelima saala baa yaa pia o yanyagidi o yuli po. Daali kuli pia li yaa fala, ke li dagidi.

Luki 21:34

Fangi mani yi yula, ki da tuo mi jekandikaama, li dañokandikaali leni mi yema yanyagidi n fie yi yantiana, ki guli yi ke landaali cuama n da ludi yi.

1 Korenti 16:22

Yua n kaa bua o Diedo kuli, wan tua ti solindi yua. Ti Diedo, ŋan cua!

1 Korenti 6:7

Ba yin pia ti buudi leni yiyaba yeni, li doagidi yi gbalime. Laa bi baa yaa ŋani ki cie yin juuni leni yi kpiiba n tieni yi yaa bonbiadila ka? Laa bi baa yaa ŋani ki cie yin tuo ban je yi ka?

1 Korenti 8:13

Lanwani, jiemiba yaa baa guli n kpiilo, n kan go je laa jiema abada, ke min da guli n kpiilo.

1 Korenti 9:25

Yua n bua ki tua liiga yua jelibuolu kuli nni, yen kubi li kuali o gbanandi po li bonla boncianla nni. O tiendi yeni, kelima o bua ki baa yaa panpaani n baa pendi. Ama tinba wani tiendi yeni, ki bua ki baa yaa panpaani n kan pendi abada.

2 Korenti 10:1

Mini Poli n tundi yi, kelima Kilisiti yumiinli leni o dingima po, mini yua n dingi yi siiga, ama n yaa foagi leni yi n tie nipaalo yi po.

2 Tesaloniki 2:2

yin da tuo laa bonla n jaligi ki lengidi yi yantiana. Yin da tuo lan jieni yi leni yaa maama n naani leni saawali maama, bi maamiba, bi ke tiliba ñani ti kani, ki maadi ke o Diedo daali pundi.

Titi 3:2

Ban da maadi niloba kuli po mabiadima. Ban yaa bua mi yanduanma, ki yaa mani leni bi niba, ki pia mi dingima bi niba kuli kani.

Hebilunba 10:25

Tin da ŋaa mani ti taanma, nani bi tianba n maani ki tiendi maama. Ama tin yaa paagidi mani tiyaba pala ki pugidi, kelima yi nua ke o Diedo daali nagidi.

Hebilunba 10:37

Li diani: «Li go sieni u yogunu waamu bebe, Yoginjenjenga, Ke yua n baa ti cua Baa cua ke li kan waagi.

1 Pieri 1:11

Kilisiti Fuoma yaama n den ye bi niinni den tuodi ki waani ba Kilisiti n baa le yaa fala leni wan baa yuandi ki baa yaa kpiagidi. Bi den moandi ki bua ki bandi lani kuli n baa tieni yaa yogunu leni li yogunu n baa yaa tie maama.

1 Pieri 4:7

Li bonla kuli juodima nagini. Yin faami ki yaa kubi yi yula, lani n tie yin fidi ki yaa jaandi.

Mi Doagidima 22:20

Yua n saa i moamoani yaa bonla n tie ne po yedi: «Yeni de! N cuama kan waagi.» Amina, ŋan cua, o Diedo Jesu!

Mi Doagidima 22:7

O yedi: «Diidi, n cuama kan waagi. Li pamanli ye leni yua n tuo ki kubi li naa tili saawalipua-maama.»