Filipi 3:3 - U TIENU MAAMA TILI 2013

³ Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Gourmanchéma Bible

³ Kelima tinba n tie a jungimoana, yaaba n kpiagidi U Tienu kelima o Fuoma yaa po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 3:3 Iomraidhean Croise

Pisomi 105:3

Jigini mani yi yula kelima o yeli Yaali n gagidi ki ŋani yeni po! Yaaba n lingi o Diedo kuli, Yaa pala n mangi!

Esayi 45:25

Isidayeli yaaba puoliŋuani kuli Baa baa o Diedo kani mi teginma leni ti kpiagidi.

Jeremi 4:4

Kua mani ku koanciagu o Diedo po. Yinba Juda leni Jerusalemi yaaba, Lebidi mani yi pala. Lani n tie n pali n da be, Ki cuo nani u mu yeni, Ki cuo yaa cuoma ke bi kan fidi ki gbindi u, Kelima yi tuadibiada n gundi maama po.

Malaki 1:11

Ki cili hali u yienu n pudi naani, ki ban tuoni hali wun baali naani, i nibuoli kuli kpiagidi n yeli. I kaani kuli bi niba padi ki siagi n yeli po a dugibila. Bi go padi yaa pada n ŋani ki dagidi n yeli po, ki kpiagidi n yeli. I nibuoli kuli kpiagidi n yeli. Li Miali Diedo U Paaciamu Kuli Daano n yedi yeni.

LOMA YAABA 1:9

U Tienu, min ŋua yua leni payenli, ki wangi o Bijua Laabaaliŋamo, tie n siedo, ke n tiadi ki taagi yikuli yela yogunu kuli

LOMA YAABA 15:17

Lanwani, n baa fidi ki kpiagi n yuli Jesu Kilisiti nni, kelima n tuuni U Tienu po.

LOMA YAABA 7:6

Ama moala, ti faabi leni li bali maama, kelima ti kpe, ki paadi leni yaala n den kpa luo ti nani a kpaada yeni. Lani yaa po, U Tienu Fuoma gobidi ti, ke ti tuuni U Tienu po leni yantiapanli. Laa yantiali ki go taa leni yaali n den ñani li bali maama nni.

LOMA YAABA 8:15

U Tienu naa puni yi yaa Fuoma n teni ke yi tie yonbi, ki go baa ye i jeje nni ka. Ama yi baa U Tienu Fuoma yaama n puni yi mu bimoanmu yaa bali, ke ti kpaani ki tua U Tienu: «Ti Baa, ti Baa!»

LOMA YAABA 8:39

ba i paaciami, ba yaaba n ye tanpoli, ba yaaba n ye tiipo, mi tagima kuli nni, liba kuli kan fidi ki paadi ti leni U Tienu n pia ti po yaa buama. O den doagidi laa buama, ti Diedo Jesu Kilisiti nni.

LOMA YAABA 9:6

Mii bua ki yedi ke U Tienu ñoaniani ki go pia mayuli ka. Yaaba n mali ki tie Isidayeli puoliŋuani, bikuli ka tie Isidayeli buolu moamoani.

2 Korenti 11:18

Bi niba boncianla kpiagidi bi yula nani bi nisaaliba n nua maama, lani yaa po nmoko baa yaa kpiagidi n yuli.

Galati 5:25

U Tienu Fuoma yaa teni ke ti fo, tin go yaa cuoni kelima o po.

Galati 6:16

Yaaba n tuo ki ŋua laa maama kuli, U Tienu n pa ba mi yanduanma, ki go gbadi bi po mi ninñima, bani U Tienu buolu Isidayeli yaaba yeni.

Efesa 6:18

Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi.

Mi Tiadima 10:16

Lebidi mani yi pala, ki da go tie tupaali danba.

Mi Tiadima 30:6

O Diedo yi Tienu baa kuani yinba leni yi puoliŋuani pala ku koanciagu, ke yin bua o Diedo yi Tienu leni yi pala kuli leni yi yama kuli, lani n tie yin fidi ki yaa ye.

Filipi 1:1

Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli.

Filipi 3:12

Laa tie ke n peli ki baa i panpaani no ka, bi ke n ŋanbi ki dagidi cain no ka. Ama n suagi ki tiini, ke min fidi ki cuo n nuama panpaani, kelima Jesu Kilisiti den cuo nni lani yaa po yo.

Filipi 3:14

Yeni, n tiini ki cuubi n nuama juodima, ki baa baa laa panpaani. Lani n tie U Tienu n yini nni, min baa yaa panpaani tanpoli po Jesu Kilisiti nni.

Kolosi 2:11

O yaa niinne, ke yi kua yaa koanciagu n naa tie o nisaalo nuu n tieni yaala, ama Kilisiti n tieni yaala. Lani n tie ke yi landi ti nisaali-gbanandi tagibiadu.

Jude 1:20

Ama yinba n buakaaba, yin yaa suagi liiga yi dandanli yaali n gagidi ki ŋani boncianla nni, ki yaa jaandi leni U Tienu Fuoma Yua yaa paalu.