Filipi 3:1 - U TIENU MAAMA TILI 2013

¹ N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yi po yeni ki pugini, li go baa teni yin yaa se ke li pa.

Gourmanchéma Bible

¹ N kpiiba, n majuodikaama tie mine: Yin yaa mangidi mani yi pala o Diedo nni. Laa coagini nni min go diani yipo yeni ki pugini, li go baa teni yin yaa se ke li pa.

Filipi 3:1 Iomraidhean Croise

1 Bi Badiba Jama 15:28

Isidayeli yaaba kuli den ban taa o Diedo ŋantaadikpaku ki kpaani leni li pamanli, ke li yegi leni li naatuntunli leni kakacinba piebima, mu lonmu leni ti gogiditi puama.

1 Bi Badiba Jama 16:10

Jigini mani yi yula kelima o yeli yaali n gagidi ki ŋani yeni po! Yaaba n lingi o Diedo kuli yaa pala mo n mangi.

1 Bi Badiba Jama 29:22

Bi den dini ki go ñuni landaali o Diedo nintuali leni li pamancianli, ki den kpaani miliema ki waani ke Davidi bijua Salomon n tie bado. Bi den wuli o po mi gagidima kpama o Diedo nintuali, ke o tie o gobidika. Bi go den wuli Sadoki po, ke wani mo n tie o kopadiciamo.

Nehemi 8:10

Bi go den yedi ba: «Kuni mani ki ban ŋmani yaa nandi n pia mi kpama, ki ño yaa bonñokaala n mani, ki boagidi mi jiema ki pa yaaba n ki pia, kelima dinla tie yaa daali n gagidi ti Diedo po. Da boandi mani yi pala, kelima o Diedo n puuni yaa pamanli tie yi fidu.»

Jobi 22:26

Yeni, a baa teni U Paaciamu Daano N tua ŋan bua yua hali boncianla, A baa yaadi a nunga ki nuali wani U Tienu.

Pisomi 149:2

Isidayeli yaaba n mangi bi pala Yua n tagi ba po! Siyon yaaba n yaa ye leni li pamanli, Kelima bi bado po.

Pisomi 32:11

Bi niteginkaaba, mangi mani Yi pala o Diedo po! Yaa kpaani mani li pamancianli kpaani, Yinba yaaba yaa pala n tiegi o Candaano po kuli.

Pisomi 33:1

Yinba bi niteginkaaba, Kpaani mani li pamanli kpaani, Ki kpiagi o Diedo. Li pundi yaa niba n tiegi yo n kpiagi o Diedo.

Pisomi 37:4

Mangi a pali o Diedo po, O baa pa ŋa a pali n bua yaala.

Pisomi 42:4

N nunsiidi n tie n jiema u yensiinu Leni ku ñiagu kuli, Kelima bi tua nni yogunu kuli: «A Tienu ye le yo?»

Pisomi 5:11

Guani ba bi biadima panpaani. Ban jagi yaala n cuani bi tingbali. Deli ba kelima bi tagili ki pia bianu, Kelima bi fii ki yie a po.

Pisomi 97:1

Li Miali Diedo tie Bado, Ki tinga kuli n yaa ye leni li pamanli. Yaa niba n ye hali a kpendega nni mo N mangi bi pala.

Esayi 41:16

Yi baa lendi ba, u faalu n taa ba, O pinpinjoa mo n yadi ba. Ama yinba, yi baa mangi yi pala O Diedo po. Yi baa yaa kpiagidi yi yula Isidayeli Tienu yua n Gagidi ki ŋani po.

Esayi 61:10

N baa mangi n pali o Diedo po, N pali baa mangi n Tienu po hali lan kandi, Kelima o lani nni mi faabima tiadi, Ki golini nni mi teginma kpalibu, Nani o puocaano calo n bobi, Bi nani o kopadiciamo n bobi, Bi nani o puocaano n yie o tiadi maama yeni.

Esayi 65:14

Diidi n naacenba baa yaa yiini bi pamanli nni, Ama yinba, yi baa yaa buudi yi paboanli nni. Yi baa yaa buudi kelima li pabiidili po, Ki mua ki yalini kelima li paboanli po.

Joeli 2:23

Yinba Siyon yaaba mo, yin mangi yi pala Kelima o Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Sofoni 3:14

Mangi mani yi pala, yinba Siyon yaaba! Yigini mani i pamandanyigimi, yinba Isidayeli yaaba! Mangi mani yi pala hali boncianla, Yinba Jerusalemi dogu yaaba!

Sofoni 3:17

O Diedo yi Tienu ye yi siiga, Ki tie yaa jakoando n faabidi. O baa teni yin tua o pamanli bonla. O buama yi po teni ke o baa pa yi mi yepanma. O yiini ki kpaani leni li pamanli kelima yi po,

Sakari 10:7

Isidayeli buolu baa yaa tie nani a jakoanda yeni, Bi pala baa yaa mani Nani yaaba n ñuni mi daama yeni. Bi puoliŋuani baa le o Diedo N baa pa ba yaa pamancianli yeni.

Matie 5:12

Yin mangi mani yi pala ki yaa ye leni li pamancianli, kelima yi panpaani baa yaa yabi tanpoli po. Bi niba den wangi bi saawalipuaba yaaba n den ye ke yi daa ye, o falabiado yene.

Luki 1:47

N pali mani hali boncianla, Kelima wani U Tienu n Candaano po.

LOMA YAABA 5:11

Laa tie lani bebe ka, ama ti pia li pamancianli U Tienu nintuali, kelima ti Diedo Jesu Kilisiti po, wani yua n teni ke ti mangi leni U Tienu.

2 Korenti 13:11

N kpiiba, n majuodikaama tie mine: Yin yaa mangidi mani yi pala. Moandi mani ki ŋanbi ki dagidi cain, baagi mani yiyaba, ki yaa pia mani yantiayenli, ki yaa mani leni yiyaba. Lanwani, mi buama leni mi yanduanma Tienu baa ye leni yi.

Efesa 6:10

N majuodikaama n tie ne: Yin yaa baadi mani yi fidu o Diedo kani leni o paalu yuu n cie li bonla kuli nni.

Mi Tiadima 12:18

Ama yi baa je laa bonla, o Diedo yi Tienu n baa gandi yaa kaanu yeni, o nintuali. Yinba, yi bijaba, yi bisiaba, yi naacenba, yi puotuada leni Levi buolu yua, yua n kaa yi siiga, n baa je laa jiema. Yi baa mangi yi pala o Diedo yi Tienu nintuali leni wan mubini yi nuu nni yaa piama kuli.

Mi Tiadima 16:11

Yi baa mangi yi pala o Diedo yi Tienu nintuali, o Diedo yi Tienu n baa gandi ki kuani o yeli yaa kaanu yeni kani, yinba, yi puoba, Levi buolu yua, o caano, ki kpienbiga leni li kpepuoli yaaba n ye leni yi.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Filipi 4:4

Yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala!

Filipi 4:8

N kpiiba, yaa maama n sieni tie mine: yin yaa tia yaala n tie moamoani, yaala n pia ti jigidi, yaala n tiegi, yaala n ŋani, bi niba n bua yaala ki faadi la kuli, yaala n pia o siediŋamo leni ti bulicindi, ki pundi bi niba n pagi la kuli. Yaa tia mani lankuli yaa po!

1 Tesaloniki 4:1

Ti kpiiba, ti majuodikaama tie mine. Ti den bangi yi yi tagi n baa yaa tie maama ki yaa mani U Tienu po. Moamoani yi tiendi yeni. Moala ti mia yi ki go tigini yi kelima o Diedo Jesu po, ke yin go yaa tiendi yeni ki pugidi.

1 Tesaloniki 5:16

Yaa mangidi mani yi pala yogunu kuli.

Jaki 1:2

N kpiiba, yin yaa nua ke yaa biigima buoli kuli n cua yi kani tie pamanli bonla,

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

1 Pieri 4:13

Ama yin yaa mangidi yi pala, kelima yi taani leni Kilisiti o fala nni. O kpiagidi yaa doagidi yaa yogunu moko, yi baa yaa ye leni li pamankandikaali.

2 Pieri 3:1

N buakaaba, line n tie min diani yi po yaa tilieli. A tilieda yeni nni kuli, n moandi ki tiadi yi yaala n baa tigini yi yantiana, yin yaa tia yaala n tiegi bonŋanla.

1 Samueli 2:1

Anna den jaandi ki yedi: «O Diedo teni ke n pali mangi. O Diedo teni ke n yuli yaadi. N yaadi n ñoabu ki ñuadi n yibalinba. N pali mangi kelima fini o Diedo faabi nni.