Filipi 2:9 - U TIENU MAAMA TILI 2013

⁹ Li tie lani yaa po ke U Tienu mo jigini o hali boncianla, Ki puni o yaa yeli n cie a yela kuli.

Gourmanchéma Bible

⁹ Li tie lani yaa po ke U Tienu mo jigini o hali boncianla Ki puni o yaa yeli n cie a yela kuli,

Filipi 2:9 Iomraidhean Croise

Mi cilima 3:15

N baa bili ti yibalindi fini leni o pua siiga, A puoliŋuani leni o puoliŋuani siiga. O baa mudi a yuli, Amo baa poagili o taajentindili.»

Pisomi 110:1

Davidi Pisomi. Li Miali Diedo den yedi n Diedo: «Kali n jienu po, Hali min baa guli a yibalinba ŋan ŋmaa ba.»

Pisomi 110:5

O Diedo ye a jienu, O pabienli daali mo, O baa ŋmaa ki midi bi badiba.

Pisomi 89:27

Wani, o baa yaa kpaani ki miadi nni, Ki tua: ‹A tie n baa, n Tienu, Leni n faabima tangu.›

Pisomi 91:14

O Diedo yedi: «Nani wan sani ki baa n po yeni, N baa teni wan cia. N baa kubi o kelima o bani min tie yua.

Esayi 52:13

Diidi n naacemo nne, O baa tua niciamo, O bali baa do, O yeli mo baa ña hali bonŋanla.

Esayi 53:12

Li tie lani yaa po ke n baa teni Wan kali ti kpiagiciandi danba siiga, O baa taani leni bi paatieba Ki boagidi ti fagidi. Wan den puni o miali ki kpe yeni, Bi den coadi ki taani o leni i tagili danba, Kelima o den tugi niba boncianla tuonbiadi, Ki baa i tagili danba po ti candandi.

Esayi 9:7

O Diedo fu leni Jakob puoliŋuani. Laa fuugu tie Isidayeli yaaba po yo.

Danieli 7:14

O den dini o nisaalo yeni li bali, ki puni o ti kpiagidi leni mi diema. I nibuoli, mi diema leni i mabuoli yaaba kuli den tuo ki ŋua o. O bali baa yaa ye hali yaa yogunu kuli, li kan baa gbenma, o diema mo kan bodi abada.

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Matie 28:18

Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli.

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 13:3

Jesu wani o ba den bani ke Baa U Tienu dini o li bali ke o die li bonla kuli, ki go bani ke o den ñani U Tienu kani ki baa guani ki gedi U Tienu kani.

Jan n diani U Tienu Laabaaliŋamo maama 17:11

N kan go yaa ye ŋanduna nni. Ama bani wani baa yaa ye ŋanduna nni. Mini, n caa a yaa kane. Baa U Tienu yua n gagidi ki ŋani, kubi ba kelima a yeli nni, ŋan den puni nni yaa yeli yeni. Teni ban yaa tie yendo, nani tinba n tie yendo maama.

Jan n diani U Tienu Laabaaliŋamo maama 17:12

Min den ye leni ba, n den kubi ba kelima a yeli paalu po, ŋan puni nni yaa yeli yeni. N den kubi ba ke bi siiga ba yendo ki bodi, li yàá yua n den baa bodi yaa ka. Lani n tie i Diani n yedi yaala n tieni.

Jan n diani U Tienu Laabaaliŋamo maama 17:5

Moala, fini Baa, ŋan kpiagi nni a kani leni min den kpa pia yaa kpiagidi a kani ke ŋanduna daa ye.

Jesu Tondiba Tuona 5:31

U Tienu kpiagi o ki teni ke o ye o jienu kani ki tie Yudaano leni Candaano, kelima o bua Isidayeli yaaba n lebidi bi pala, wan pa ba sugili bi tuonbiadi po.

Efesa 1:10

Lani n tie ke u yogunu yaa pundi, wan taani li bonla kuli, yaala n ye tanpoli po leni yaala n ye ŋanduna nni kuli, ke likuli n tua yenma, ke Kilisiti n yaa die likuli.

Kolosi 1:18

Wani n tie Kilisiti Nitaanli kuli yuli, Lini yaali n tie o gbanandi. O tie o nikpialo, U Tienu Bijakpiaga. U Tienu den kpa fiini wane bi tinkpiba siiga, Ke wan yaa tugi li yuli li bonla kuli nni.

2 Tesaloniki 1:12

Yeni ti Diedo Jesu yeli baa baa ti kpiagidi yi siiga, ke yimo n baa ti kpiagidi kelima o po, nani ti Tienu leni ti Diedo Jesu Kilisiti ŋanbili n tie maama.

Hebilunba 1:4

Bijua den tua yua n pia ti kpiagidi ki cie malekinba, nani wan baa yaa yeli, n pia ti kpiagidi ki cie bi yaa yela maama.

Hebilunba 1:9

A bua mi teginma, Ki nani mi biadima. Li tie lani yaa po, fini U Tienu, ke a Tienu gandi a Ki wuli a yuli po li pamanli kpama, Ki teni ke a pia ti jigidi ki cie a lieba.»

Hebilunba 12:2

Tin yaa tiini ki nua Jesu yua n tie li dandanli cilika leni li ŋanbika. O den tuo li dapoanpoanli yaa kuuma, ki fali yaa fe n ye lienni, kelima yaa pamanli n den bili o po, ki kali U Tienu bali kalikaanu jienu po.

Hebilunba 2:9

Die ti laa Jesu, U Tienu n den jiini yua u yogunu waamu ke malekinba cie o, ki puni o ti pagidi leni ti kpiagidi, ki go dini o li bali kelima wan den laa fala ki kpe yaa kuuma po. O den kpe bi niba kuli po, kelima U Tienu ŋanbili po.

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.

2 Pieri 1:17

O den baa ti jigidi leni ti kpiagidi U Tienu yua n tie Baa kani. Li den tie u nialu ñani U Tienu bali kpiagidi nni yaa yogunu, ki yedi: «One n tie n Bibuadiga, n pali n mani yua yaa po hali boncianla.»

3 Jan 1:7

Bi den fii ki gedi Jesu yeli po, ki naa gaa liba bi nilanba kani.

Mi Doagidima 1:5

Jesu Kilisiti yua n tie o siedidugika, o nikpialo yua n kpa fii bi tinkpiba siiga, wani ŋanduna badiba kuli bado, n pa yi li ŋanbili leni mi yanduanma! Wani yua n bua ti ki den faabi ti leni ti tuonbiadi kelima o soama po,

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»

Mi Doagidima 19:16

O yeli yaali n tie ne, diani ki taabi o kpalibu leni o panli kuli po: “Bi badiba Bado Leni bi diediba Diedo.”

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu, nani mini n ba n den koani mi jama ki paadi, ki kaa leni n Baa o bali kalikaanu po maama yeni.

Mi Doagidima 5:12

Bi den kpaani ki tua: «Ban den kodi yaa Pebiga pundi ki baa U paalu leni o ŋalimano, Mi yanfuoma leni u fidu, Ti jigidi, ti kpiagidi leni ti pagidi.»