Filipi 2:3 - U TIENU MAAMA TILI 2013

³ Yin da tieni liba kuli leni mi paadima yantiali, yaa ka yaa kpiagidi n tie fanma fanma po. Ama li yumiinli n teni yin yaa nua yi lieba ke bi cie yi.

Gourmanchéma Bible

³ Yin da tieni liba kuli leni mi paadima yantiali, yaaka yaa kpiagidi n tie fanma fanma po, ama ke li yumiinli n teni yin yaa nua yiyaba ke bi cie yi.

Filipi 2:3 Iomraidhean Croise

Mi Kpanjama 13:10

Ti japaadi n tendi ke bi niba cidi a koana, Ama mi yanfuoma ye yaaba n tuo i tundi nni.

Luki 18:14

Jesu den pugini ki yedi: «N waani yi i moamoani, ke wani n den kuni o denpo ke U Tienu saa o po i moamoani ke o tiegi. Ama Farisieni yeni wani ki den baa. Yua n fiini o yuli kuli, U Tienu baa jiini o, yua n jiini o yuli mo, U Tienu baa fiini o.»

LOMA YAABA 12:10

Yin yaa bua yiyaba nani yaaba n kpi yeni, ki yaa jigindi yiyaba.

LOMA YAABA 13:13

Tin yaa tiendi mani yaala n dagidi nani bi niba n tiendi yaala u yensiinu, ki da tuo mi jiema n diedi ti yantiana, ki foagidi leni li dañoli, mi conconma, ti cagindi, mi niama leni li nunponli.

LOMA YAABA 2:8

Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia bi buudi leni li pabienli.

1 Korenti 15:9

Moamoani, n tie Jesu tondiba kuli siiga puoli yua, mii pundi ban yini nni Jesu tondo moko, kelima n den wangi U Tienu Nitaanli fala.

1 Korenti 3:3

Nani li nunponli leni li koanli n da ye yi siiga yeni, laa doagidi ke yi ŋua li nisaali-yantiali, ki tiendi nani bi nisaaliba n tiendi maama ka?

2 Korenti 12:20

N jie ke n yaa cua yi kani, n kan sua ke yi tie nani min bua yin yaa tie maama, ki go jie ke yinba mo kan sua ke n tie nani yin bua min yaa tie maama. N jie ke n baa le yi kani ku mafuugu, li nunponli, li pabienli, mi paadima, ti sugidi, ku tuotabigu, ti japaadi leni yaala n tie sisindi sindi kuli.

Galati 5:15

Ama yi yaa ñii yiyaba ki go ŋmani yiyaba, fangi mani yi yula, ke yi baa bolini yiyaba.

Galati 5:26

Tin da gbengidi ti yula, ki da ñundi tiyaba li mutuoli, ki da pia li nunponbiadili tiyaba po.

Efesa 4:2

Yin yaa ye leni yiyaba leni li yumiinli, mi dingima leni li juunli. Juuni mani leni yiyaba leni mi buama.

Efesa 5:21

Yin yaa miindi yi yula yiyaba kani kelima yin pia Kilisiti po yaa fangili yaa po.

Filipi 2:14

Yin tiendi yaala kuli, yaa tiendi mani la, ki naa yenbidi, ki da nia leni yiyaba mo.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

Kolosi 3:8

Ama moala, yin ŋaa mani yaala n tie ne kuli: li pabienli, li mutuoli, ki nanga, ku tuotabigu leni yaa majoagindi n ña yi ñoana nni kuli.

1 Timote 6:4

o gbie leni ti japaadi ki naa bani puu. O pia i buali leni mi niama mi maama po, ke li tie o po nani u yianu yeni. Lani kuli cuani li nunponli, li koanli, ku tuotabigu leni mi yanmaalibiadima.

1 Pieri 3:8

N tundijuodike n tie ne. Yikuli n yaa pia mani yantiayenli leni yiyaba, ki yaa gba yiyaba po mi ninñima, ki gbie leni mi buama yi kpiiba po, ki go yaa pia mi ninñingbadima leni li yumiinli yiyaba po.

1 Pieri 5:5

Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli, ki yaa todi yiyaba kelima li diani: «U Tienu yiedi bi japaadanba, Ama o puuni bi yumiindanba o ŋanbili.»