Filipi 2:1 - U TIENU MAAMA TILI 2013

¹ Yi yema Kilisiti nni teni ke yi pia u fidu. O buama mo puni yi li papaali. Yi pia mi taanyenma leni o Fuoma. Yi pia li padingili leni mi ninñingbadima yiyaba po.

Gourmanchéma Bible

¹ Yi yema Kilisiti nni teni ke yi pia u fidu. O buama mo puni yi li papaali. Yi pia mi taanyenma leni o Fuoma. Yi pia li padingili leni mi niñingbadima yiyaba po.

Filipi 2:1 Iomraidhean Croise

Pisomi 133:1

Ban caa Jerusalemi ki yiini yaa yanbu. Davidi yanbu. Li ŋani ki go mani ke yaaba N kpi n yaa taa ki ye leni biyaba!

Esayi 16:11

Lani n teni ke n yiini bu yanbu Leni n pali kuli Moabi po, Nani u gogidimuanu yeni. N ye leni li pabiidili Kiri-Heresi po.

Luki 2:25

Li yogunu o joa den ye Jerusalemi ke bi yi o Simeon. O den tie niteginka ki go fangi U Tienu, ki guu yua n baa baagi Isidayeli buolu. U Tienu Fuoma Yua den ye leni o.

Jan n diani U Tienu Laabaaliŋamo maama 14:18

N kan ŋaa yi yi bebe nani a kpienbila yeni, n go baa cua yi kani.

Jan n diani U Tienu Laabaaliŋamo maama 14:27

N ŋaa yi po mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi yi yama, yin da jie mani.

Jan n diani U Tienu Laabaaliŋamo maama 17:13

Moala n kpendi a kani. N maadi lani ki da ye ŋanduna nni, ke min pia yaa pamanli n dagidi bi niinni.

Jesu Tondiba Tuona 2:46

Daali kuli, bi den lindi ki taagi U Tienu diegu nni leni yanyenma, ki caa biyaba deni ki taagi ki di, ki boagidi bi jiema leni biyaba leni li pamanli leni li padingili.

Jesu Tondiba Tuona 4:32

Yaaba n den daani kuli den pia yanyenma leni yanjagiyenli. Oba kuli naa den yedi ke wan pia yaala tie wani bebe n die yaala. Nilo kuli den tuo ke o piama tua o lieba yaame.

LOMA YAABA 5:5

Mi suginma yeni kan boandi ti, kelima U Tienu buama gbieni ti pala, kelima U Tienu Fuoma Yua, wan puni ti yua yaa po.

LOMA YAABA 8:26

Li tie yeni, mi Fuoma moko todi ti ti tadingu nni, kelima tii bani lan pundi tin mia U Tienu yaa miabu ti jaandi nni. Ama mi Fuoma mani miba miadi U Tienu ti po, ki duni yaa dunli n ki pia maama.

1 Korenti 12:13

Bi den batisi tikuli mi Fuoyenma yeni yaa niinni, ke tin tua gbananyendi. Tin tie Jufinba, nilanba, yonbi, bi yaaba n die bi yula, U Tienu puni tikuli ke ti baa ki ñuni Fuoyenma yaa kani.

1 Korenti 15:31

N kpiiba, li tie moamoani ke n ye mi kuuma nni daali kuli, ama yinba n tie pamancianli ti Diedo Jesu Kilisiti kani.

1 Korenti 3:16

Yii bani ke yi tie U Tienu diegu ke o Fuoma ye yi niinni yo?

2 Korenti 2:14

Tin yaa tuondi mani U Tienu, wani yua n teni ke ti paadi yogunu kuli Kilisiti nni. O teni ke ti yadi i kaani kuli, o bandima nuulumanu.

Galati 4:6

Lani yaa po, yi tua U Tienu bijaba, wani U Tienu n den soani o Bijua Fuoma ti pala nni ke o kpaani ki tua U Tienu: «N Baa, n Baa!»

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima leni li yukubili.

Efesa 4:4

Gbananyendi n ye, mi Fuoma moko tie yenma, suginyenma mo n ye, U Tienu n den yini yi yaama yaa po.

Filipi 1:8

U Tienu tie n siedo, ke n bua yikuli leni Jesu Kilisiti yaa buamoanma.

Filipi 3:3

Tinba n tie a jungimoana, yaaba n kpiagidi U Tienu kelima o Fuoma po, ki jigini ti yula Jesu Kilisiti nni, ki naa bili ti dugidi ti gbanandi nni.

Kolosi 2:2

N tiendi yeni ke ban baa li papaali, ki taani yenma mi buama nni, ki yaa pia yaa yanfuoma n dagidi. Lani, yin bandi yin dugi yaala yaa po cain. Li go tie ke yin bandi U Tienu bondoaginkaala, lani n tie Kilisiti.

Kolosi 3:12

Lanwani, yinba U Tienu nigandikaaba, wan gagidi ki ŋanbi yaaba, ke yi tie o buakaaba, yin yaa la mi ninñingbadima leni li ŋanbili, li yumiinli, mi dingima leni li juunli.

Hebilunba 6:18

U Tienu den bili laa bonliedila, yaala n kan lebidi, wan kan pua faama yaala yaa po, ki bua ki yaa paagidi ti pala boncianla, tinba yaaba n sani ki baa o po, ki cuo wan bili ti po yaa dugidi ki muubi.

1 Pieri 1:2

U Tienu yua n tie Baa den gandi yi, nani wan den tuodi ki bani ki jagi maama, ki teni ke o Fuoma gagidi ki ŋanbi yi, ke yin yaa tuodi ki tiendi Jesu Kilisiti n yedi yaala, o soama mo n mii ki ŋanbi yi. Li ŋanbili leni mi yanduanma n yaa pugidi yi po boncianla.

1 Jan 3:24

Yua n kubi li bali maama ye o U Tienu niinni, U Tienu mo ye o niinni. Lane ti bani ke o ye ti niinni kelima wan puni ti o Fuoma yaama yaa po.

1 Jan 4:12

Oba kuli daa laa U Tienu, ama ti yaa bua tiyaba, U Tienu ye ti niinni, o buama moko ye ti niinni ki dagidi cain.

1 Jan 4:16

Tinba, ti bani U Tienu n pia ti po yaa buama, ki dugi mi po. U Tienu tie buama. Yua n ye mi buama nni ye U Tienu niinni, U Tienu mo ye o niinni.