Danieli 8:1 - U TIENU MAAMA TILI 2013

¹ O bado Belitisasari bali bintaali, mini Danieli go den laa li bonlekaala, min den kpa laa yaala yeni puoli.

Gourmanchéma Bible

¹ O bado Belisasa bali bintaali binli, mini Danieli go den laa li bonlekaala min den kpa laa yaala yaa puoli.

Danieli 8:1 Iomraidhean Croise

Esekieli 1:1

I binpiitaadi cinaa damuuli, mini o kopadiciamo Busi bijua, Esekieli, n den ye leni ban den cuo yaa Jufinba ti yonbidi Kebari kpenu jaali po. N den laa ke tanpoli luodi, ke n baa yaa bonlekaala n ñani U Tienu kani. Li den tie o bado Joakini yonbidi binmuuli ŋmaalo damuuli. Lankane Kebari kpenu jaali po, Babilonni yaaba diema nni yeni, ke o Diedo den maadi leni nni, ke o paalu mo jiidi n po.

Danieli 1:17

U Tienu den puni bi jawaanaadiba yeni, mi banma leni mi yanfuoma, u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Danieli 10:2

Lanyogunu mini Danieli den ye leni li paboanli, hali piilie n dayenli.

Danieli 10:7

Mini Danieli bebe n den laa li bonlekaala yeni. Yaaba n den ye leni nni, ki den laa la, ama ti jawaanciandi den cuo ba, ke bi sani ki wuoni.

Danieli 11:4

Ama o paalu yaa yabidi hali boncianla, o diema baa mudi mudi ki boagidi kaaninaa, nintuali, puoli, nuganu leni nujienu. O puoliŋuani kan diedi ma, mi paalu mo kan go yaa yabi, nani man den kpa tie maama, kelima mi baa boagidi boagidi nitoaba n yaa die ma, ke laa tie o puoliŋuani.

Danieli 7:1

Babilonni bado Belitisasari bali binkpiali nni, Danieli den dua o duanu po, ki dangi ki laa li bonlekaala. O den yuandi ki diani ti dangidi yeni ki togidi ti maama fuuli.

Danieli 7:15

Mini Danieli yama den yagi boncianla. Min den laa yaa bonlekaala den pia n po i jeje boncianla.

Danieli 7:28

Li maama gbenma n yeni. Mini Danieli yama den yagi, i jeje den cuo nni, ke n tugusoama sani ke n nunga gbidi. N den kubi mi maama yeni n pali nni.

Danieli 8:15

Mini Danieli, n den diidi li bonlekaala yeni, ki bua ki bandi li bundima. Lani, yua n naani leni o nisaalo den cua ki sedi n nintuali.

Danieli 8:2

Min den laa li bonlekaala yeni yaa yogunu, li den tie n po nani ke n ye Elami diema dociamu Susi nni yeni. N bonlekaala nni, n den sua ke n ye Ulayi kpenu kani.

Danieli 9:2

ke li binli bindi, mini Danieli den cogi U Tienu maama tila. N den bandi ke Jerusalemi baa yaa tie diegbena ki pundi hali bina piilele, nani o Diedo n den waani o saawalipualo Jeremi maama.