Danieli 7:14 - U TIENU MAAMA TILI 2013

¹⁴ O den dini o nisaalo yeni li bali, ki puni o ti kpiagidi leni mi diema. I nibuoli, mi diema leni i mabuoli yaaba kuli den tuo ki ŋua o. O bali baa yaa ye hali yaa yogunu kuli, li kan baa gbenma, o diema mo kan bodi abada.

Gourmanchéma Bible

¹⁴ O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Danieli 7:14 Iomraidhean Croise

Pisomi 102:22

Lanwani, bi baa kpaani O Diedo yeli Siyon dogu nni, Ki yiini ki pagi o Jerusalemi dogu nni,

Pisomi 103:19

O Diedo bili o bali kalikaanu tanpoli po, Wani n tie yaala n ye kuli yaa bado.

Pisomi 145:13

A bali tie yaa bali n ye yaa yogu n tuu yaa yogu, A diema mo ye nifiima n tuu nifiima kuli nni.

Pisomi 146:10

O Diedo baa yaa die yaa yogu kuli Siyon, a Tienu baa yaa ye nifiima n tuu nifiima! Pagi mani o Diedo!

Pisomi 45:6

A piemi sondi ki mani. A baa guli i nilanbuoli boncianla, I piemi yeni baa muu o bado yibalinba pala.

Pisomi 72:11

Bi badiba kuli baa gbaani o nintuali, I nibuoli kuli baa yaa tuuni o po,

Pisomi 72:17

Teni o bado yeli n yaa ye yogunu kuli, Ki waagi ki ye mi tinfanma nni! Bi niba baa yaa taagi o yeli ki gaaliti biyaba. I nibuoli kuli n taani ki yedi: «Li pamanli ye leni o bado yeni.»

Pisomi 8:6

A tagi o ke o poadi U Tienu waamu bebe, Ki lani o ti kpiagidi leni jigidi.

Esayi 16:5

Mi ŋanma n baa pugini mi piama paalu. Yaa bujialo n lingi mi teginma baa kali ti gbandi po, Davidi gbandieli nni.»

Esayi 60:12

Yaa nilanbuolu leni yaa diema N kan soani a po kuli baa bodi. Laa nibuoli mo baa bodi cain.

Esayi 9:6

O bali baa yaa pugidi, Mi yanduanma mo baa yaa ye Yaa yogunu kuli. O baa kali Davidi bali kalikaanu, Ki diedi o diema. O baa pugini mi paalu Ki kubi ma leni mi teginma Leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa Tieni yeni o buacianma po.

Esayi 9:7

O Diedo fu leni Jakob puoliŋuani. Laa fuugu tie Isidayeli yaaba po yo.

Danieli 2:35

Lani, ti kudi, ku yoagu, ti kumoandi, ŋanjilifa leni wula yeni, den taani ki mudi yenma, ki tua nani yaa fenma n ye u jalu nni, ku fawaagu yogunu yeni. U faalu den liebi ki ñani likuli, ke puu kuli ki sieni likani. Ama yaa tanli n den pua li nisaali-nannanli yeni den tua joacianli ki gbieni ki tinga kuli.

Danieli 2:37

A tie bi badiba kuli bado, kelima tanpoli Tienu puni a li bali, u paalu, u fidu leni ti kpiagidi.

Danieli 2:44

Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 3:4

O kpakpaando den kpaani ki yedi: «Yinba i nibuoli kuli niba, diema kuli niba leni i mabuoli kuli niba, bi bili yi po yaa ñoamabonli n tie ne:

Danieli 4:3

N den teni ke bi yini Babilonni banda kuli, ke ban cua n kani ki bundi n po ti dangidi yeni.

Danieli 6:26

Li yaa puoli, o bado Dariyusi den soani i nibuoli, mi diema, i mabuoli leni yaaba niba n ye ŋanduna nni kuli kani, ki yedi ba: «Mi yanduanma n yaa pugidi yi po.

Danieli 7:18

Ama tanpolijoma Tienu nigagidiŋanba baa ti yuandi ki gaa mi diema, ki yaa die ma hali yaa yogunu kuli.›

Danieli 7:27

Bi baa teni U Tienu niba, wani tanpolijoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bi po.›

Abidiasi 1:21

Bi faabikaaba baa do Siyon juali po, Ki diedi Edomi juali. O Diedo wani o ba n baa tua o bado!

Mise 4:7

N baa taa yaaba n poagili yeni, Ki teni ban tua yaaba n baa sieni, Ki teni ban den deli ki gedini yaaba foagima yeni, N tua yaa nibuolu n pia u paalu. Lanyogunu, mini o Diedo baa yaa die ba Siyon juali nni hali yaa yogunu n tuu yaa yogu kuli.

Matie 11:27

N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka.

Matie 28:18

Jesu den nagini ki yedi ba: «U Tienu puni nni u paalu kuli, tanpoli leni ki tinga po kuli.

Luki 1:33

wan yaa die Jakob buolu hali yaa yogu kuli. O diema mo kan baa juodima abada.»

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua, kali Baa bebe. Oba kuli mo ki bani Baa n tie yua, kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 12:34

Ku niligu den guani ki yedi o: «Ti gbadi U Tienu bali maama nni ke U Tienu n Gandi Yua n baa yaa ye hali yaa yogunu kuli. Be yaa po ke fini yedi ke li tie tiladi ban fiini o Joa Bijua. O Joa Bijua yeni, tie ŋme yo?»

Jan n diani U Tienu Laabaaliŋamo maama 3:35

Baa U Tienu bua o Bijua, ki dini o li bonla kuli bali ke o die.

Hebilunba 12:28

Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu, ki ŋua o leni li fangili leni i jeje, ke li mani o po,

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paalu hali yaa yogunu kuli. Amina!

Mi Doagidima 11:15

O malekileleelo den piebi kakaci. I nialiciami den kpaani tanpoli po, ki yedi: «Moala ŋanduna diema tua ti Diedo Leni wan Gandi Yua yaa yaama. O baa yaa die hali yaa yogunu kuli.»

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba, kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu, nani mini n ba n den koani mi jama ki paadi, ki kaa leni n Baa o bali kalikaanu po maama yeni.