Danieli 7:1 - U TIENU MAAMA TILI 2013

¹ Babilonni bado Belitisasari bali binkpiali nni, Danieli den dua o duanu po, ki dangi ki laa li bonlekaala. O den yuandi ki diani ti dangidi yeni ki togidi ti maama fuuli.

Gourmanchéma Bible

¹ Babilona bado Belisasa bali binkpiali nni, Danieli den dua o duanu po ki dangi ki laa li bonlekaala. O den yuandi ki diani ti dangidi yeni ki togidi ti maama fuuli.

Danieli 7:1 Iomraidhean Croise

Mi cilima 15:1

Laa bonla kuli n den pendi, o Diedo den maadi leni Abalama li bonlekaala nni, ki yedi o: «Abalama, ŋan da jie, n tie a po a gbankoandigu, ŋan baa baa yaa panpaani baa yaa yabi hali boncianla.»

Mi cilima 46:2

U Tienu den maadi leni Jakob li bonlekaala nni ku ñiagu, ki yedi o: «Jakob, Jakob.» Jakob den guani ki yedi o: «Mini nne.»

Jobi 4:13

Li bonlekaala yen kpendi Bi niba kani ti dangidi nni, Yaa yogunu ke bi guani ki nali bi landi.

Esayi 30:8

Cua moala ki diani laa bonla Bi nintuali i tanpabi po, Diani laa bonla kuli li tili nni, Lani n tie lan waagi ki ye hali li juodidaali, Yaa yogu n tuu yaa yogu po.

Esayi 8:1

O Diedo den yedi nni: «Taa yaa tanpabu n yabi ki diani lipo yaa maama n tie ne: ‹Jaligi ki fie, jaligi ki fagi.› »

Jeremi 23:28

Yaa saawalipualo n dangi ti dangidi, wan togidi o dangidi. Yaa saawalipualo n gbadi n maama mo, n caa ma bonŋanla. O Diedo yedi: «Naani ti kankagidi leni mi bima tie yenme?» O Diedo n yedi yeni.

Jeremi 27:7

I nibuoli kuli baa soani o po, o bijua po, o yaabili po, hali yaa yogunu ke yaa nibuoli n pa leni yaa badiba n pa ki cie o mo baa cua ki diedi o diema.

Jeremi 36:32

Jeremi den taa tigbabikatoali ki teni Neriya bijua Baruki. O tidianlo Baruki den diani Jeremi n den maadi o yaa maama, ke mi den ye Juda bado Joakimi n den juu yaa tili yeni niinni kuli. Mi maama boncianla yaama n naani leni ma go den pugini.

Jeremi 36:4

Jeremi den yini Neriya bijua Baruki, ki maadi ke o dangi li tigbabikaali nni, o Diedo n den waani wani Jeremi yaa maama kuli.

Esekieli 1:1

I binpiitaadi cinaa damuuli, mini o kopadiciamo Busi bijua, Esekieli, n den ye leni ban den cuo yaa Jufinba ti yonbidi Kebari kpenu jaali po. N den laa ke tanpoli luodi, ke n baa yaa bonlekaala n ñani U Tienu kani. Li den tie o bado Joakini yonbidi binmuuli ŋmaalo damuuli. Lankane Kebari kpenu jaali po, Babilonni yaaba diema nni yeni, ke o Diedo den maadi leni nni, ke o paalu mo jiidi n po.

Esekieli 40:2

Li bonlekaala nni, o den yua nni, ki gedini nni Isidayeli diema nni. O den ban sieni nni, yaa juali n kpedi hali boncianla yuli po, yaali yaa nuganu po n den pia li bonla ke li se ki naani leni u dogu diena yeni.

Danieli 1:17

U Tienu den puni bi jawaanaadiba yeni, mi banma leni mi yanfuoma, u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Danieli 2:1

Nebukanesa bali binlieli, o den dangi ti dangidi. O yama den yagi, ke waa go goa.

Danieli 2:26

O bado den yedi Danieli, ban den lebidi yua yaa yeli ki yini o Belitisasari: «Gbadi, a baa fidi ki waani nni min dangi yaa dangidi, ki go bundi ti n po?»

Danieli 4:13

Bi baa lebidi o yama ki teni o ki yanga yaa yama. O baa yaa tie yene hali binalele n pendi.

Danieli 4:5

Danieli, ban den lebidi yua yaa yeli ki yini o Belitisasari, n tienu n yi maama, den yuandi ki cua. U Tienu Yua n Gagidi ki ŋani yaa banma ye Danieli niinni. N den waani o ti dangidi yeni, ki yedi o:

Danieli 5:1

Dayenli o bado Belitisasari den tieni mi jaanjecianma, ki yini o paatieba ke bi pundi niba tudili. O den ñuni mi daama leni ba.

Danieli 5:22

Ama fini Belitisasari o bijua mo, ŋaa miini a yuli, ba ke a bandi laa bonla kuli.

Danieli 5:30

Laa ñiagu liga, bi den kpa Babilonni diema bado Belitisasari.

Danieli 7:13

N go den laa ku ñiagu bonlekaala yeni niinni, ke yua n naani leni o nisaalo ye ti tawadi po, ki kpendi ki tiegi o jakpelo yeni. Bi den ciani o ke o pundi o kani.

Danieli 7:15

Mini Danieli yama den yagi boncianla. Min den laa yaa bonlekaala den pia n po i jeje boncianla.

Danieli 7:7

Ku ñiagu yeni, n bonlekaala nni, n go den laa ki yannaaga, yaaga yaa noanlima n pia i jeje hali boncianla. Ki yanga yeni den pia u fidu hali ke li kandi, ki pia a ñinciama ke a tie kudi. Laa yanga den ŋmani kan cuo yaala ki padi padi la, ki ŋmaadi kan ki ŋmani yaala. Kaa den naani leni ti yantaadikpiadi. Ki den pia yina piiga.

Danieli 8:1

O bado Belitisasari bali bintaali, mini Danieli go den laa li bonlekaala, min den kpa laa yaala yeni puoli.

Amosi 3:7

Lanwani, o Diedo U Tienu kan tieni liba kuli, Kaa waani o naacenba bi saawalipuaba o ŋasiili.

Habakuki 2:2

O Diedo den guani, Ki yedi nni yaa maama n tie ne: «Diani min baa doagidi a po yaala, Diani la mu walimu po maama Ke bi baa fidi ki cogi la faala.

Mi Coadima 12:6

O den yedi: «Cengi mani bonŋanla min baa yedi yi yaala: Saawalipualo yaa ye yi siiga, mini o Diedo yen doagidi n yuli o kani li bonlekaala leni ti dangidi nni.

LOMA YAABA 15:4

Yaala n den kpa diani kuli den diani ke lan bangi ti, ke i Diani n puuni yaa juunli leni yaa baagi po, tin fidi ki baa mi suginma.

2 Korenti 12:1

Li tie n po tiladi ke min kpiagi n yuli. Ba ke laa pia mayuli, n baa waani yi o Diedo bonlekaala leni o bondoagidikaala.

Mi Doagidima 1:19

Lanwani, ŋan diani ŋan laa yaala, yaala n ye moala leni yaala n baa ti yuandi ki cua.

Mi Doagidima 10:4

I tatantan-leleedi niali n den tiani yeni, n den bua ki diani, ama n den gbadi u nialu ke u maadi tanpoli po ki yedi: «Ŋan yaa kubi i tatantan-leleedi n yedi yaala ŋasiili nni, ki da diani la mo.»