Danieli 5:2 - U TIENU MAAMA TILI 2013

² Wan den ñuni mi daama yeni, o den yedi ke ban cuani o kani o baa Nebukanesa n den fie yaa wula leni yaa ŋanjilifa tadiñokaamu U Tienu diegu yaagu n ye Jerusalemi nni, ke wani o bado, o paatieba, o puoba leni o puoconcona n ño mu niinni.

Gourmanchéma Bible

² Wan den ñuni mi daama yeni, o den yedi ke ban cuani o kani o baa Nebukanesa n den fie yaa wula tadiñokaamu leni yaa ŋanjilifa tadiñokaamu Jelusalema jaandieli nni ke wani o bado leni o paatieba, leni o puoba leni o poconcona n ño mu niinni.

Danieli 5:2 Iomraidhean Croise

2 Samueli 9:7

Davidi den yedi o: «Ŋan da jie liba, n bua ki ŋanbi a po kelima a baa Jonatan yaa po. N baa go guani a a yaaja Sayuli kuani kuli. A baa yaa di n saajekaanu kani yogunu kuli.»

2 Bi Badiba 24:13

O den fie yaa ŋalimano n den ye o Diedo diegu nni leni o bado diegu nni kuli, ki pua ki mudi Isidayeli diema bado Salomon n den duadi yaa tiadi ke ti tie wula o Diedo tuonli po, nani o Diedo n den tuodi ki yedi maama.

2 Bi Badiba 25:15

Bi guudikaaba yudaano den taa ban den siagi yaa sinma yaa muñii n pia u nuulumanu yaa tiadi leni mu tadiñokaamu. O den taa yaa tiadi n den tie wula leni yaa tiadi den tie ŋanjilifa kuli.

2 Bi Badiba Jama 11:20

Li yaa puoli, o go den taa Abisalomi bisalo ke bi yi o Maaka. O den mali o po jabinaa: Abiya, Atayi, Sisa leni Selomiti.

2 Bi Badiba Jama 15:16

Asa den dindi ba o naa Maka ke waa go tie puobado, kelima wani o naa yeni den tieni Akera po o bulo. Asa den pua ki mudi o bulo yeni, ki juu o Sediron fuanu kani.

2 Bi Badiba Jama 36:10

Li binpanli n den baa pundi, o bado Nebukanesa den teni ke bi cuani Babilonni diema nni, o Diedo diegu nni tiadi yaadi n den pia mayuli. O den dini Jeoyakimi waalo Sedesiasi li bali Juda diema po leni Jerusalemi po.

2 Bi Badiba Jama 36:18

O den tugi yaa tiadi n ye U Tienu diegu nni, yaadi n yabi leni yaadi n wa leni yaa ŋalimano n den ye lienni kuli, o bado leni o koanbala ŋalimano kuli, ki gedini Babilonni.

Esidirasi 5:14

O bado Nebukanesa n den fie yaa wula leni yaa ŋanjilifa tadimu Jerusalemi U Tienu diegu nni ki ban bili Babilonni budieli nni, o den teni ke bi taa mu ki teni Sesibatisadi, wan den dini yua Juda guveneeri.

Jeremi 27:7

I nibuoli kuli baa soani o po, o bijua po, o yaabili po, hali yaa yogunu ke yaa nibuoli n pa leni yaa badiba n pa ki cie o mo baa cua ki diedi o diema.

Jeremi 50:35

Bu toabu, baa Kalide yaaba! Mini o Diedo n yedi yeni. Fii ki sedi Babilonni yaaba po, O koanbala leni o yanfuodanba kuli po.

Jeremi 52:19

Bi guudikaaba yudaano go den taa ti ñingaandi, u mu tiadi, mu tadiñokaamu, mu tadibuomu, yaala n den tie wula leni ŋanjilifa kuli.

Danieli 1:2

O Diedo den taa Juda diema bado Joakimi ki luni Nebukanesa nuu nni, ki teni ke o taa wani U Tienu diegu tiadi ti tiandi. Nebukanesa den taa a kpaada leni mu tadimu ki gedini Sineari diema nni. O den kuani ti tiadi yeni o budieli nni, ki bili ti li ŋalimandieli nni.

Danieli 5:11

O joa ye a diema nni, ke U Tienu Yua n Gagidi ki ŋani banma ye o niinni. A baa n den ye yaa yogunu, bi den laa o niinni mi yanyendima leni u fanu leni yaa yanfuoma n tie U Tienu Yua n Gagidi ki ŋani yaama. Lani yaa po yo, ke a baa o bado Nebukanesa den tuni o a lingida, a baabuula, bi buligbandanba leni bi ñoagidanba kuli yuli,

Danieli 5:13

Bi den cuani Danieli o bado kani. O bado den buali o: «Fini n tie Danieli, ban cuo yaaba siiga, n baa o bado n den ñani yaaba Juda diema nni, ki cuani ne yeni?

Danieli 5:18

O bado, tanpolijoma Tienu den dini a baa Nebukanesa li bali, ke o tua badiciamo ki go puni o ti kpiagidi leni ti jigidi, ki ñani o yeli.

Danieli 5:23

A fiini a yuli, ki koani leni Tanpoli Diedo, ki teni ke bi cuani a kani yaa tadiñokaamu n den ye o diegu nni, ke yi ñuni mi daama mu niinni, fini leni a paatieba, a puoba leni a puoconcona. A pagi i buli yii n tie ŋanjilifa, wula, ti kumoandi, ti kuboandi, ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 5:3

Lani, bi den taa wula tadimu, ban den fie yaamu, U Tienu diegu yaagu n ye Jerusalemi nni ki cuani, ke o bado, o paatieba, o puoba leni o puoconcona ñuni mu niinni.

Danieli 5:30

Laa ñiagu liga, bi den kpa Babilonni diema bado Belitisasari.

Danieli 5:4

Bi den ñuni duven ki pagi bi buli yii n tie wula, ŋanjilifa, kumoandi, kuboandi, daadi leni tana kuli.