Danieli 2:22 - U TIENU MAAMA TILI 2013

²² O doagidi yaala n duagi cain, O bani yaala n ye li biigili nni, Kelima mi yenma gaani ki lindi o.

Gourmanchéma Bible

²² O doagidi yaala n duagi cain, O bani yaala n ye li *biigili nni Kelima mi yenma gaani ki lindi o

Danieli 2:22 Iomraidhean Croise

Mi cilima 41:16

Josefi den guani ki yedi Faraon: «Mini ka baa fidi ki bundi ti dangidi. U Tienu n baa doagidi a po ti dangidi yeni n bua ki yedi yaala.»

Jobi 12:22

O doagidi yaala n bi duagi li biigili nni. O taa mi kuuma jinjingu, Ki cuani mi yenma nni.

Jobi 26:6

Bi tinkpiba diema nni, Liba kuli ki duagi o po. U kulu nni mo, puu kuli ki wuo o po.

Pisomi 104:2

A la mi yenma, Nani li liadicianli yeni, Ki dadi ki tandi ti tawadi, Nani li gbandieli caba yeni.

Pisomi 25:14

O Diedo pali ŋasiili ye yaaba n fangi o po yo. O baa teni ban bandi o ŋantaado.

Pisomi 36:9

Bi dini a diegu nni jemanma ki guo. A teni ke bi ñu a ŋanbili kpenu kani.

O Yanfuodaano 8:1

Ŋme n tie o yanfuodaano, ki bani li bonla bundima? O nilo yanfuoma yendi o nunga, ki mangidi ga.

Esayi 41:22

Yi buli n doagidi ki waani ti Yaala n baa faa ki cua. Doagidi mani ti po hali mi cilima Yaala n den ye n tua maama. Togidi ti mani, ke tin fangi ti yula po. Lani n tie tin bandi yaala n ŋua, Yaa ka, waani ti mani yaala n faadi ki ye.

Esayi 41:26

Ŋme n den puni o li laabaalo hali mi cilima? Ti bua ki bandi o. Ŋme n den tuodi hali yogu ki maadi o maama? Ke tin waani o ke o maama tie moamoane.› Niloba ki den maadi la, Niloba ki den puni li laabaalo, Niloba kuli mo ki den gbadi Ke yi maadi li maama.

Esayi 42:9

Diidi yaala n kaa den kpa tieni, Tieni ki gbeni. N go waani yi laabaalipaano, Hali ke li daa cua N tuodi ki waani yi la.»

Esayi 45:7

N tagi mi yenma ki go tagi li biigili. N puuni mi yanduanma Ki go kpendinni mi yebiadima. Mini Li Miali Diedo n tiendi laa bonla kuli.

Jeremi 23:24

Naani o nilo pia wan baa wuoni naani ke n kan le o? O Diedo n yedi yeni. Naani mii gbieni ki tinga leni tanpoli kuli?» O Diedo n yedi yeni.

Jeremi 33:3

«Yini nni, n baa tuo, n baa waani a yaa bonla n yabi, yaa bonla n wuo ke ŋaa bani la.

Danieli 2:11

O bado n puogi yaala pa, nilo kuli ki ye yua n baa fidi ki waani a, li yàá tie i tieni, yii yaa diedi n ki ye bi nisaaliba siiga yaa ka.»

Danieli 2:19

Lani, li bondoaginkaala yeni den doagidi Danieli po ku ñiagu ti dangidi nni. O den jaandi ki kpiagi Tanpoli Tienu.

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala, kelima a fidi ki doagidi n po li bondoaginkaala yeni.»

Danieli 5:11

O joa ye a diema nni, ke U Tienu Yua n Gagidi ki ŋani banma ye o niinni. A baa n den ye yaa yogunu, bi den laa o niinni mi yanyendima leni u fanu leni yaa yanfuoma n tie U Tienu Yua n Gagidi ki ŋani yaama. Lani yaa po yo, ke a baa o bado Nebukanesa den tuni o a lingida, a baabuula, bi buligbandanba leni bi ñoagidanba kuli yuli,

Danieli 5:14

N gbadi ke bi maadi a maama, ki tua ke U Tienu Yua n Gagidi ki ŋani banma ye a niinni, ke a pia mi yanyendima, u fanu leni yaa yanfuoma n yabi.

Matie 13:13

Lani yaa po yo, ke n pua ba mi kpanjama, kelima ba ke bi nua, baa laa liba, ba ke bi cengi mo, baa bandi liba, baa gba liba mo.

Jan n diani U Tienu Laabaaliŋamo maama 1:9

Mi den tie mi yenmoanma, yaama n cua ŋanduna nni, ki yendi nisaalo kuli po.

Jan n diani U Tienu Laabaaliŋamo maama 21:17

Jesu go den buali o mi taataama: «Jan bijua Simon, a sua ke a bua nni bi?» Li den biidi Pieli pali leni Jesu n buali o taalimitaa: «A sua ke a bua nni bi?» Lani, o den yedi o: «N Diedo, a bani li bonla kuli, a bani ke n bua ŋa.» Jesu den yedi o: «Ŋan yaa kubi n pe.

Jan n diani U Tienu Laabaaliŋamo maama 8:12

Jesu go den yedi bi niba: «Mini n tie ŋanduna yenma, yua n ŋua nni kuli, kan go cuoni li biigili nni, ama o baa baa li miali yenma.»

1 Korenti 4:5

Lani yaa po, yin da ja ti buudi liba kuli po, hali ke li yogunu daa pundi. Yaa guu mani o Diedo cuama, wani yua n baa yendi yaala n wuo li biigili nni, ki go doagidi yaala n den wuo a pala nni. Lanyogunu, nilo kuli baa baa U Tienu kani lan pundi wan baa yaa pagidi.

Efesa 3:5

U Tienu ki den doagidi laa bondoaginkaala, yaa nifiima n pendi po, nani moala o Fuoma n doagidi la o tondiba leni o saawalipuaba yaaba n gagidi o po maama.

Mi Tiadima 29:28

Yaa bonla n wuo tie o Diedo ti Tienu po yo. Yaa bonla n doagidi mo tie tinba leni ti bijaba po, yaa yogu n tuu yaa yogu, ke tin fidi ki yaa tiendi li naa bali maama n yedi yaala kuli.»

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua, Ki kan fidi ki le o mo. Wani n pia yaa jigidi leni yaa paalu N ki pia gbenma, hali yaa yogunu kuli. Amina!

Hebilunba 4:13

Tagimiba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

1 Jan 1:5

Tin den gbadi yaa maama o kani, Ki wangi yi tie, Ke U Tienu tie mi yenma. Li biigili naa ye o niinni ba waamu.