Danieli 12:3 - U TIENU MAAMA TILI 2013

³ Yaaba n pia mi yanfuoma baa yendi, nani tanpoli yenma yeni, bani yaaba n bangi yaa niba n yabi ke bi lebidi ki ŋoadi mi teginma, baa yendi nani a ŋmabila yeni hali yaa yogunu kuli.

Gourmanchéma Bible

³ Yaaba n pia mi yanfuoma baa yendi nani tanpoli yenma yeni, bani yaaba n bangi yaa niba n yaba ke bi lebidi ki ŋoadi mi *teginma, baa yendi nani a ŋmabila yeni hali yaa yogunu kuli.

Danieli 12:3 Iomraidhean Croise

Mi Ñama 34:35

Isidayeli yaaba yen diidi Musa nunga ki sua ke o nunga ñuliti. Lane Musa yen pigini o nunga li cabili, hali wan baa ti guani ki kua ki maadi leni o Diedo yaa yogunu.

Mi Kpanjama 11:30

O niteginka bontienkaala tie li miali tibu. O yanfuodaano mo dadi bi niba ki kpendinni o kani.

Mi Kpanjama 3:35

Ti kpiagidi n tie bi yanfuodanba biinu, Ama bi yanluodanba wani yaa biinu tie i fe yo.

Mi Kpanjama 4:18

Bi niteginkaaba n tagi yaa sanu Tie nani u tiŋaafaanu yenma yene. Mi baa yaa yendi, Ki yendi ki pugidi hali u yensiinu.

O Yanfuodaano 12:9

O yanfuodaano ki den tie yanfuodaano bebe ka, o go bangi bi niba wan bani yaala moko. O cengi, ki biigi ki jajabi ki dagini yaa kpanjama n ki wa.

Esayi 53:11

Wan laa yaa fala li po yeni, O baa le li ñuadi, ban bandi o. Wani n naacemo yua n tiegi yeni, Baa saa niba boncianla po i moamoani, Ki taa bi tagili ki tugi.

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋaa bi tagibiadu leni bi tuongunda.»

Danieli 11:33

Bi siiga nni, yaaba n pia mi yanfuoma ki cie, baa todi bi niba boncianla bani mo n baa mi yanfuoma. Ama bi siiga, bi baa kpa bi nitianba leni mu jugisiemu, bi tianba leni u mu, ki gedini bine ti yonbidi, ki fie bi tianba mo yaa piama. Li baa yaa tie yeni hali danaba.

Danieli 11:35

Bi siiga bi yanfuodanba boncianla baa kpe. Bi kuuma baa ŋanbi bi buolu ki teni ban pendi paipai, nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Danieli 12:10

Bi niba boncianla baa ŋuudi ki pendi paipai, ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima. Bi siiga nni oba kuli kan gbadi liba, ama yaaba n pia mi yanfuoma baa gaa.

Matie 13:43

Lanyogunu, bi niteginkaaba baa yendi nani u yienu yeni, bi Baa diema nni. Yua n pia a tuba ki baa gbadi wan gbadi.

Matie 19:28

Jesu den guani ki yedi ba: «N waani yi i moamoani, li bonla kuli yaa guani ki pandi yaa yogunu, ke o Joa Bijua mo kali o bali kalikaanu leni ti kpiagidi kuli, yinba yaaba n ŋua nni, yimoko baa kali piiga n bali kalikaanilie po, ki jia Isidayeli piiga n buoliedi buudi.

Matie 24:45

Ŋme n tie yaa naacendugika n pia mi yanfuoma, ke o canbaa guuni o o niba ke wan yaa tendi ba mi jiema li yogunu yaa pundi?

Jan n diani U Tienu Laabaaliŋamo maama 4:36

Yua n yendi baadi o panpaani ki taagi ti kpaandi yaa miali n kan gbeni po, ke yua n buli leni yua n yendi kuli, n taani ki mangi bi pala.

Jan n diani U Tienu Laabaaliŋamo maama 5:35

Wani Jan n den tie yaa fidisanga n co ki yieni. Yi den tuo ki mangi yi pala o yenma nni u yogunu waamu.

Jesu Tondiba Tuona 13:1

Kilisiti Nitaanli yaaba n ye Antiosi siiga den pia bi saawalipuaba leni bi bangikaaba. Bi yela den tie Barnabasi, Simeon ke bi go yi o Niseri, (lani n tie o niboano), Lusiwusi Sireni yua leni Manayeni yua n den taani ki fandi leni Herodi leni Soli.

1 Korenti 3:10

Nani U Tienu n puni nni yaa ŋanbili po, n den puu li tanpuuli nani o diemaa-yanfuodaano yeni, ke nitoa mo ŋuandi lipo. Die yuakuli n fangi o yuli leni wan ŋuandi lipo maama.

Efesa 4:11

O puni bi nitianba ke ban yaa tie tondiba, bi nitianba ban yaa tie saawalipuaba, bi nitianba ban yaa tie o Laabaaliŋamo wangikaaba, bi nitianba mo, ban yaa tie yankpaaba, bi bangikaaba.

Hebilunba 5:12

Moala li bi pundi ke yinbe n yaa tie bi bangikaaba. Ama yi go baa ki bua ban yaa bangi yi mi bangicilikaama, U Tienu maama bangima siiga. Yi tua nani yaaba n da baa ki ñu mi naaŋanma bebe, ki kan fidi ki gaa yaa jiema n juagi yeni.

2 Pieri 3:15

Yin yaa nua ke ti Diedo n pia yaa juunli tie yi tindima po, nani ti kpibuado Poli moko n den diani yi po maama, ki ŋua U Tienu n den puni o yaa yanfuoma.

Mi Doagidima 1:20

Ŋan laa ke n muubi yaa ŋmabileleeda n jienu nni leni wula fidisantuankaanleleedi yeni, tie line: A ŋmabileleeda tie Kilisiti Nitaanleleeda yaa malekinba, fidisantuankaanilele yeni mo tie Kilisiti Nitaanleleeda yeni.»

Bi Bujiaba 5:31

O Diedo, a yibalinba n bodi yeni! Ama yaaba n bua ŋa, ban yaa tie nani u yienu yeni, Wun kpadi yaa yogunu.» Mi yanduanma den tieni mi diema nni, hali bina piinaa.