Danieli 10:13 - U TIENU MAAMA TILI 2013

¹³ Yaa maleki n tie Persi diema yudaano, den yiedi n po hali piilie n dayenli, ama malekinba yudancianba siiga yendo, Miseli, den cua ki todi nni. Lanwani, bi den sieni nni Persi diema badiba kani.

Gourmanchéma Bible

¹³ Yaa maleki n tie Pelisa diema yudaano den yiedi npo hali piilie n dayenli, ama malekinba yudancianba siiga yendo, *Miseli, den cua ki todi nni. Lanwani bi den sieni nni Pelisa diema badiba kani.

Danieli 10:13 Iomraidhean Croise

Esidirasi 4:24

Lanwani, U Tienu diegu maama tuona den sedi Jerusalemi. Li tuonli den sedi hali Persi bado Dariyusi bali binlieli binli.

Danieli 12:1

Maleki go den yedi nni: «Li yogunu malekinba yudanciamo Miseli, yua n guu fini Danieli buolu, baa fii. Li baa yaa tie fala yogunu. Laa fala baa yabidi hali boncianla. Laa fala buolu daa kpa tieni, ki cili ŋanduna cilima ki yaa caa hali lanyogunu. Lanyogunu a buolu siiga nni, lan baa sua ke yaaba yaa yela n diani li tili nni n baa cia.

Efesa 6:12

Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni.

Kolosi 2:10

Yimo pia li bonla kuli ke li dagidi o yaa niinni, wani yua n tugi li yuli, ki die yaaba n tie mi diema danba leni u paalu danba kuli.

1 Tesaloniki 2:18

Ti go den bua ki guani yi kani. Laa luo taalimilie ke mini Poli den moandi, ama Sutaani den yie ti po.

1 Pieri 3:22

Jesu doni tanpoli ki ye U Tienu jienu, ki die malekinba, li bali danba leni tanpoli paaciami danba kuli.

Jude 1:9

Lanwani, ba malekinba yudaano Miseli n den nia leni Sutaani Musa gbanandi po yaa yogunu, waa den tuo ki buni o buudi leni sugidi. Ama o den yedi o: «O Diedo n cuo ŋa.»

Mi Doagidima 12:7

Bu toabu den tieni tanpoli po. Miseli leni o malekinba den tuogi bu toabu leni o bonfuodibiado yeni. Wani moko leni o yaa malekinba den tuogi leni ba.