Danieli 1:19 - U TIENU MAAMA TILI 2013

¹⁹ O bado den boe leni ba. Bi jawaaba yeni kuli siiga, oba kuli ki den pundi Danieli, Hanania, Mikayeli leni Asariya. Bi den taa ba ke bi tuuni o bado po.

Gourmanchéma Bible

¹⁹ O bado den boe leni ba. Bi jawaaba yeni kuli siiga oba kuli ki den pundi Danieli leni Hanania leni Mikayeli leni Asalia. Lanwani bi den taa ba ke bi tuuni o bado po.

Danieli 1:19 Iomraidhean Croise

Mi cilima 41:46

Josefi den pia bina piitaa wan den cua ki sedi yaa daali Ejipiti bado Faraon nintuali. Li yaa puoli, o den gaani i dogi nni kuli, ki baa bandi Ejipiti diema.

1 Bi Badiba 17:1

Elia, yua n den ñani Tisibe dogu nni ki ye Galaadi diema nni, den yedi Isidayeli bado Akabi: «N tie Li Miali Diedo Isidayeli Tienu yua n ye ki fo yaa naacemo. Hali U Tienu po, taaga kan go mi, mangu mo kan go luoni yaa bina n tie ne, se n mia.»

Mi Kpanjama 22:29

A yaa laa yaa nilo n bani o tuonli bonŋanla, O baa yaa tuuni bi badiba po, O kan yaa tuuni nifanba po ka.

Jeremi 15:19

Lani n teni ke o Diedo yedi daa: «A yaa guani n kani, N baa guani ki taa ŋa, Ŋan yaa tuuni n po. A yaa gagidi yaala n pia li mayuli leni yaala n ki pia, A baa yaa tie nani n ñoabu yeni. Lani, bani n baa guani a kani, Laa tie fini ka n guani bi kani.

Danieli 1:18

O bado Nebukanesa n den bili ban cuani ban den gandi yaa jawaaba yeni kuli o kani yaa yogunu n den pundi, mu moagilimu yudaano den gedini ba o kani.

Danieli 1:4

Laa jawaaba kan yaa pia bi gbanu po poadoba kuli. Bi baa yaa pia mi jawaama ki fani, ki pia mi yanfuoma leni mi bancianma. Bi baa yaa tuuni wani o bado diegu nni. Bi baa bangi ba, Kalide yaaba diani leni bi maama.

Danieli 1:5

O bado den bili ke ban yaa ñandi wan di yaa jiema leni wan ñu yaa daama, ki tendi ba daali kuli, ki go yaa bangi ba mi bangima hali binataa. Laa bina yaa pendi, bi baa yaa tuuni wani o bado po.

Danieli 1:6

Bi jawaaba yeni siiga, den pia Juda buolu. Lani n tie: Danieli, Hanania, Mikayeli leni Asariya.

Danieli 1:7

Mu moagilimu yudaano den lebidi bi yela ki yini Danieli Belitisasari, Hanania Sadiraki, Mikayeli Mesaki, Asariya mo Abedi-Nego.

Danieli 2:13

Bi den kpaani li ñoamabonli yeni, ke bi cili ki baa kpa a banda. Bi den lingi Danieli leni o lieba ki baa bolini bani moko.

Danieli 3:29

Lani yaa po, n bili yaa ñoamabonli n tie ne: yua n maadi yaala n bia Sadiraki, Mesaki leni Abedi-Nego Tienu po kuli, wan tie yaa mabuolu yua kuli, bi baa pedi ki jendi jendi o, ki mudi mudi o diegu mo kun tua diegbengu, kelima tientoa kuli ki ye, yua n baa fidi ki faabi o niba nanda, li yàá tie bi yaa Tienu yaa ka.»