Zakariya 9:4 - Bhibhiliya Nya Guage

⁴ Aholu, Pfhumu a na mu wandrela lidhoropa, a dzudzuga phwani thomba yaye, a yi tsagamisa khu nilo

Zakariya 9:4 Iomraidhean Croise

Mavingu 10:2

Thomba nya gu yi mane khu wudambane, kha yi phasi gilo, aholu, gululama gu ngu vbulugisa muthu lufuni.

Mavingu 11:4

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Isaya 23:11

Pfhumu Nungungulu khusedzide gyandza gyaye vbatshani nya yiphwa, a gu ndrendremedzisa mifumo; Uye rumide gu pfhungumudwa makhokhola ya Khanani.

Ezekiyeli 26:17

Va na lila khu dzindzimo, va ganela, khavo: U mbembiside kharini, uwe litigo nya vathu nya vangi ni lidhoropa nya ndruma, uwe matini nya linene u nga bani nuri ni tshivba; uwe gumogo ni vavbanyi vago, u nga bani u thusedzela vatshavbo va nga bani vata gwago!

Ezekiyeli 28:16

Guandrani nya wugwewo wago, monyo wago wu di taledwa khu dzihanyi u ghoha. Khu kotani nya isoso, nyi na gu dzudzuga na wu nyenyezide, hwindzo ni gigomo gya Nungungulu, nyi na gu mbembisa vbakari nya siwindri nya gukhedzige, uwe likerubhimi nya muvhikeli.

Ezekiyeli 28:18

Khu kotani nya gutale nya sighoho sago, ni wugwewo wago nya wudambane, u nyenyeziside dzinyumbani gwago nya miphaso. Khu guralo, nyi duside nilo khu vbakari gwago, wu ta gu dagaredzisa, u tsagama u khala nguma mafuni, mahoni ga vatshavbo va nga bani va gu wona.

Ezekiyeli 28:2

“Mwamana wa muthu, embela mufumeli wa Tiro, khuwe: Mune Pfhumu Nungungulu, a ngu ganela kharati, khuye: Olu matshandza ma manidego wulanga monyoni gwago, u ganela, khuwe: Eni nyi Nungungulu nyi khadego vbagikhalotunu gya Nungungulu vbakari nya yiphwa, aholu u muthu basi khuri Nungungulu, ambari monyoni gwago u dzi vegago kha nga Nungungulu.

Ezekiyeli 28:8

Avo va na gu reledza phalani, u na songwa khu masongelo nya nga vale va payidwego vbakari nya yiphwa.

Joyele 3:8

Nyi na rengisa sanana sanu nya sikhwathana niso nya sagadzyana khu mandzani ga va na Judha, avo va naya rengisela va na Sebha vathu nya litigo li khadego hwindzo ngudzu, kholu nyi ganede eni Pfhumu Nungungulu.

Amosi 1:10

Khu guralo, nyi na khondrisa mabhiyo ya Tiro khu nilo, wu vbisa dzinyumba dzawe nya wufumu.”

Zakariya 9:5

Asikeloni a na si wona a tala khu hwanga ni Gaza nuye a na tedwa khu rerema gu fanana ni Ekoroni, kholu gutumba gwawe gu na bani gu vbede; Gaza a na luzegedwa khu mufumeli waye, ni Asikeloni gu na khala giwula nyambana muthu.