Zakariya 9:1 - Bhibhiliya Nya Guage

¹ Gulamula ga Pfhumu Nungungulu mayelano khu litigo la Hadharaki ni Dhamasiko, a gu wulanga waye nya guhefemule avbo; kholu maho ya Pfhumu Nungungulu ma gu wona vathu vatshavbo kha nga idzo a kheviselago khidzo mahundzu ya Israyeli.

Zakariya 9:1 Iomraidhean Croise

Genesi 14:15

Abrama a di kabanisa vathu vaye khu mitsawa a randrela valala a va pala ni vbakari nya wutshigu, a gu va tutumisa kala Hobha, nyambade ga Dhamasiko.

2 Dzikoronika 20:12

Oh, Pfhumu Nungungulu wathu! Ina kamwe khu na va lamula, gani? Kholu ethu hi mwalo tshivba nya gu dwane ni mwandra yoyu nya wukhongolo wutago guta hi dwanisa; olu ni gilo nya gugire kha hi giti; maho yathu ha gu ma vega mbeli gwago.”

Dzindzimo 145:15

Maho nya sivangwa satshavbo, ma gu khedzisela uwe gu si ninga guhodza gwawe khu gikhati gi fanedego.

Dzindzimo 25:15

Maho yangu ma gu khedzisela Pfhumu Nungungulu gikhati gyatshavbo, kholu uye a ngu dusela milaphwi migondroni gwangu.

Isaya 13:1

Aya Mahungu nya gupfhungumudwe ga Bhabhiloni ma nga woniswago ga Isaya, mwamana wa Amosi:

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Jeremiya 32:19

Uwe u khongolo khu dzindzila dzago nya gusamadzise, maho yago ma ngu wona gupima nya muthu ni muthu; gasi gu ninga tshatshazelo gukhedza khu mithumo yaye, gumogo ni handro nya mavbanyelo yaye.

Amosi 1:9

Pfhumu Nungungulu a ngu ganela kharati, khuye: “Khu kotani nya sighoho siraru mwendro sina sa Tiro, kha nyi na bweledza tsayiso, kholu yiside gidzemo nya vathu wugumbini aya va rengisa ga Edhomi, nyamba alakanya gidzumeledzwano nya wundruye.

Amosi 3:12

Pfhumu Nungungulu a ngu ganela gambe kharati, khuye: “Kha nga muhavisi a vbulugisago mawundru mavili nya nvuta mwendro gipandre gimwegyo nya ndzeve kanani nya nghala, kharato nugo va na vbulugisa guralo sanana sa Israyeli, va vbanyago tigoni ga Samariya, va khadego havo ghagha vbatshani nya masofa nya seda.

Nahume 1:1

Gulamudwa ga Ninivha. Libhuku nya giwoniso gya Nahume, nya lifumbu la Elikosi.

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

Zakariya 5:4

Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Malakiya 1:1

Magana nya gulemele ya Pfhumu Nungungulu nya gutsayise va na Israyeli ma nga tago khu ga muprofeti Malakiya.