Zakariya 8:9 - Bhibhiliya Nya Guage

⁹ Pfhumu Nungungulu nya Tshivba Yatshavbo a ngu ganela kharati, khuye: “Enu mwatshavbo mu pwidego khu matshigu yaya magana ma dugelago khu maganani ga vaprofeti, va nga bani va romo litshiguni gu tsitsidwego siseketelo, gasi guvbaha Nyumba ya Pfhumu Nungungulu nya Tshivba Yatshavbo, tiyisani magana yanu.

Zakariya 8:9 Iomraidhean Croise

1 Dzikoronika 22:13

Khavbo avbo, u na andra, wa gu landrisa ni gu sayisa milayo ni sileletelo, esi Pfhumu Nungungulu a si leletedego ga Mosi khu kotani ya Israyeli; tiya longo u nga tedwi khu hwanga u khala rerema.

1 Dzikoronika 28:20

Dhavhidhe a di embela mwanaye Solomoni, khuye: “Tiya longo u nga thavi gilo ni gu pilega hwambo, phara thumo; kholu Pfhumu Nungungulu wangu, a na bani ari nago, gima kha na nga gu diga ambari gu gu divala, kala u vbedza thumo watshavbo nya guvbahe Nyumba ya Pfhumu Nungungulu.

2 Dzikoronika 15:7

Gasi olu dzi garadzeni, mandza yanu ma nga khali ghome, kholu thumoni gwanu mu na mana tshatshazelo.

Ezira 6:14

Madhota nya Vajudha va di simama gu vbahedza Nyumba na va salade, na va gu tiyiswa khu wuprofeti wa muprofeti Agewu ni Zakariya mwamana wa Idho, va vbedza gu yi vbaha kha nga guruma ga Nungungulu wa na Israyeli, gumogo ni guruma ga Kiro, Dhariyo ni Aritasesi vafumeli va Perisiya.

Isaya 35:3

Tiyisani mawogo ma garadego, mu tiyisedza dzikhungumudzi dzi rerekidego.

Isaya 35:4

Embelani avo va vbedego tshivba, khenu: “Tiyani, mu nga thavi! Kha mu mu woni oyu Nungungulu wanu, a tago guta mi phodzela, gasi gu bweledzela valala vanu, guvivba va mi giredego. Uye a nguta khu wurumba waye, gasi guta mi vbanyisa.”

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Agewu 2:18

Nyi ngu mi lomba mu pimise gwadi, gukhugela muhuno guya mbeli, gukhugela litshigu nya magumavili na mana nya ngima nya livbandre na wu na kala litshigu gi nga emiswago khilo giseketelo nya Nyumba ya Pfhumu Nungungulu, pimisani gwadi khu silo sesi.

Agewu 2:21

Embela Zorobhabheli, mwamangulu wa Judha, khuwe: Nyi na tsekatsekisa ndzadzini ni mafuni,

Zakariya 8:13

Kha nga mu nga bani muri givalo vbakari nya mayigo, enu linyumba la Judha ni Israyeli, kharato gambe olu nyi na mi vbanyisa gasi mu khale gikategiso; mu nga thavi, tiyani longo.”

Zakariya 8:18

Pfhumu Nungungulu nya Tshivba Yatshavbo, a di nyi embela, khuye:

Vaefeso 6:10

Khu guhegisa nyi ngu mi lomba gukheni tiyani linani ga Pfhumu, mu tumba tshivba yaye nya yikhongolo.

2 Thimoti 2:1

Uwe, mwanangu, tiya gukhodwani ni wuhigo wutago khu ga Kristo Jesu.

Josuwa 1:6

Tiya longo u manega ni tshivba ni gutimisela, kholu khuwe u na thangelago vathu vava kala va bela ga litigo nyi sambanyidego gu ninga vababe vago.

Josuwa 1:8

U nga garali khu gu ganela khu libhuku nya Nayo; aholu gu vbwetega wutshigu ni mihani u alakanyela, gasi u landrisa satshavbo iso si lovidwego umo; khavbo avbo, u na andra ndzilani gwago bwelo khavbo u dugelela.