Zakariya 7:9 - Bhibhiliya Nya Guage

⁹ Pfhumu Nungungulu nya Tshivba Yatshavbo a ngu ganela kharati, khuye: “Lamulani khu gululama ni lisine, nonedzani wuwadi ni wuhindzi, moyo ni moyo a na pwele wuhindzi ndriyaye.

Zakariya 7:9 Iomraidhean Croise

2 Samuweli 9:7

Khavbo avbo, Dhavhidhe a di mu embela, khuye: “U nga thavi, nya gu vbweta gu gu girela wuhindzi, khu kotani ya babe wago Jonatane, nyi na gu bweledzela wulime watshavbo wa kokwe wago Sawule, gasi uwe nyi na hodza nago mbiyani gwangu gikhati gyatshavbo.”

Joba 31:20

mwendro mili waye wu si nyi kategisi khu gu na nyi mu furumedzide khu dzingandzu nya mawoya nya dzinvuta dzangu

Joba 6:14

Uye a vbisegago, guvbweta a lulekwa khu dzipari dzaye, ambari na digide gu ninga githawo Nungungulu nya Tshivba Yatshavbo.

Mavingu 21:3

Gugira ugo gu gu gwadi khu gululama ni nongameto silo si godwago khu Pfhumu Nungungulu, guvbindra gu mu girela dzimhamba.

Jeremiya 21:12

Uwe nyumba ya Dhavhidhe! Pfhumu Nungungulu a ngu ganela kharati, khuye: Vbadzimindrutunu lamulani khu gululama, tshudzisani avo va tshaniswago, gasi likhulo langu li si dzuri nga nilo, li vbisa nyamba tshimwa khu muthu, khu kotani nya mithumo yanu nya guvivbe.

Jeremiya 22:3

Pfhumu Nungungulu a ngu ganela kharati, khuye: Lamulani vathu khu nongameto ni gululama, vale va wandredwego silo sawe, va tshudziseni ga avo va va tshanisago; mu nga tshanisini muluveli, noni, ambari gisiwana; mu nga girini wughevenga, ambari gu vbaladzani novba nyambana nandru wulanga wowu.

Jeremiya 7:23

Aholu, nyi di va laya, kheni: Dembani ndzeve mu yingisa lito langu, eni nyi na khala Nungungulu wanu, enu mu khala vathu vangu; gimbilani khu ndzila nyi na gu mi nonedzago, gasi si mu dugela gwadi.

Jeremiya 7:5

Aholu, phelani khu gu ndreya ndzilani gwanu ni mithumoni gwanu nya guvivbe, mwa gu lamulani khu gululama vbakari gwanu, ni ga vaakelane vanu;

Ezekiyeli 18:8

Kha lombisi dzitsapawu khu gu vbweta bhindzu, ambari guvbweta gu dzi velegisa, a ngu himbedzela mandza yaye gu gira silo nya guvivbe, a gu gira wulamuli nya gululame vbakari nya muthu ni muthu.

Ezekiyeli 45:9

Mune Pfhumu Nungungulu, a ngu ganela kharati, khuye: “Enu vafumeli va Israyeli, hegisani; digani dzihanyi ni gutshanisa, girani gululama ni wuwadi; digani gu wandra iso si gu sa vathu vangu; a ngu ganela Mune Pfhumu Nungungulu.

Hoseya 12:7

Efrayimi mahungane, mandzani gwaye a na gikalo nya wudambane a gu gola ngudzu dzihanyi.

Levhi 19:15

Vbamahungutunu u nga hambanisi nayo, u lamula khu ndzila nyamba lulama. U nga khedzi khu khovbe, u kalavela gisiwana mwendro gu emela oyu nya gumanele. U na lamula muakelane wago khu nayo ni lisine.

Amosi 5:24

Aholu lisine li na goge kha nga mati, ni gululama gu fanana ni gitsongwana nyamba vbwa.

Mikeya 6:8

Uwe muthu, Uye a gu nonedzide iso si gu sadi, iso Pfhumu Nungungulu a si vbwetago gukhuye u si gira khu esi: Gira iso si lulamidego, gola wuwadi, u gimbila khu gu dzi nogisa mbeli ga Nungungulu wago.

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Zakariya 7:8

Pfhumu Nungungulu a di ganela nyaluphye ga Zakariya, khuye:

Matewu 23:23

Libango gwanu, vapfhadzi nenu, vahevbudzi nya Nayo ni Vafarisi, mu hengago gikhaba nya mitongwe yatshavbo, nesi nya gupitele kiso guhodza, aholu mu si theli kota khu litshina nya milayo yatshavbo, a gu: Gululama, wuhindzi, ni gutumbega. Esi khiso mu nga vbweta gu phela khiso mu gira, nyamba diga sile simbe.

Luka 11:42

“Aholu libango lanu, Vafarisi, mu hengago gikhaba nya mitongwe yatshavbo, mu si theli kota khu gululama ni lihaladzo la Nungungulu. Esi khiso mu nga vbweta gu phela khiso mu gira, nyamba divaledwa khu sile simbe.

Johane 7:24

Gulamulani mu nga khedzi khu khovbe, aholu lamulani khu lisine.”

Johane 7:51

“Ina nayo wathu wu ngu dzumedzisa gu mola muthu nyamba hegula khu gu mu wudzisa, gasi guti gighoho gyaye, gani?”

Dhewuteronome 22:1

Wa gu tshuka u wona mombe mwendro nvuta ya muakelane wago na yi dzimede, u nga dzi digi; dzi ghule u dzi yisa ga ndriyago, kholu a ngu dzi dilela.