Zakariya 7:3 - Bhibhiliya Nya Guage

³ ni guya wudzisa ga vaphasi nya mhamba va nga bani va romo Nyumbani ga Pfhumu Nungungulu nya Tshivba Yatshavbo ni ga vaprofeti, khavo: “Ina hi ngu yela gu lila ni gu hala khu ngima nya livbandre, kha nga idzo hi tago na hi gu gira myaga yatshavbo, gani?”

Zakariya 7:3 Iomraidhean Croise

Ezira 3:10

Avbo vavbahi va nga phela gu thela khokhweni nya giseketelo nya Nyumba ya Nungungulu, vaphasi nya mhamba, va di ema avbovbo na va ambade dzingandzu dzawe, na va pharide mipundru gumogo ni va na Levhi, ni va na Asafi na vari ni sitendre gasi gu dhumisa Pfhumu Nungungulu, va landrisa sileletelo sa Dhavhidhe, mufumeli wa Israyeli.

Muhevbudzi 3:4

gikhati nya gulile, ni gikhati nya guhege; gikhati nya wuvi, ni gikhati nya gughiye khu gutsaka;

Hoseya 4:6

Vathu vangu va pfhungumudwe, khu gumbana mapimo. Kholu uwe u bombide guti, eni neni kha nyi gu vbweti, u khala muphasi nya mhamba mbeli gwangu, kholu u hambanide ni nayo wa Nungungulu wago, eni neni nyi na divala khu sanana sago.

Joyele 2:17

Va na lile vaphasi nya mhamba, va thumelago Pfhumu Nungungulu, va na lile vbakari nya mwanya nya Nyumba ya Nungungulu ni giluvelo, va lombelela khavo: Uwe Pfhumu Nungungulu tsetsa vathu vago, u nga ningeli thomba yago yi khala gihegiso, va nya mayigo va gira guhaladza khiyo; kholu mambe mafumbu ma nga ganela khayo: Womo hayini Nungungulu wawe?

Agewu 2:11

“Pfhumu Nungungulu nya Tshivba Yatshavbo a ngu ganela kharati, khuye: Olu nga wudzisa vaphasi nya mhamba, mayelano khu nayo, khuwe:

Zakariya 7:4

Khavbo avbo, Pfhumu Nungungulu nya Tshivba Yatshavbo a di nyi embela, khuye:

Zakariya 7:5

“Nga wudzisa ga vathu vatshavbo va tigoni momu ni ga vaphasi nya mhamba, khuwe: Avbo mu nga lilani ni gu hala khu ngima nya livbandre ni oyu nya livbandre na mivili, ndrani nya myaga yeyi nya livbandre na mavili magumi, ina mu di hala khu kotani gwangu, gani?

Zakariya 8:19

Pfhumu Nungungulu nya Tshivba Yatshavbo a ngu ganela kharati, khuye: “Guhala nya ngima nya wu na mwendro nya livbandre, nya livbandre na mivili ni owu nya likhumi, gu na vbindrugedza gu khala matshigu nya gutale khu gunengela, buzo nya gutsake ga vathu va Judha. Khu guralo golani lisine ni gurula.”

Malakiya 2:7

Kholu likana la muphasi nya mhamba, li fanede gu sayisa guti, gambe vathu va lirede gupwa nayo khu kanani gwaye, kholu uye ngilozi ya Pfhumu Nungungulu nya Tshivba Yatshavbo.

Matewu 9:15

Jesu a di va hakha, khuye: “Ina gu ngu kodzega gu dziphelegedzi dza mwane dzi swihala na dziri naye, gani? Ma nguta matshigu va na gu dzegedwago mwane. Gikhati gyogyo va na hala!”

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.

Dhewuteronome 33:10

U hevbudzide Jakobe gululama gwago ni nayo wago va na Israyeli; va di gu vegela libani dzithonvuni gwago, ni miningelo nya guvbiswe, vbagiluvelotunu gwago.