Zakariya 7:12 - Bhibhiliya Nya Guage

¹² Va di bangisa myonyo yawe kha nga giwindri nya gutiye, gasi va si yingisi Nayo ambari magana ya Pfhumu Nungungulu nya Tshivba Yatshavbo, ma rumedwego khu Liphuvbo khu kanani ga vaprofeti va gale; khu kotani nya isoso Pfhumu Nungungulu nya Tshivba Yatshavbo a di va wugela khu likhulo nya likhongolo ngudzu.

Zakariya 7:12 Iomraidhean Croise

2 Dzikoronika 36:13

Gu diga isoso, a di wugela gambe mufumeli Nabhukodhonosori, uye a nga bani a sambanyide gwaye khu lina la Nungungulu gu mu thumela, a di bangisa monyo waye, kha nga vbindrugedza mavbanyelo a wuya ga Pfhumu Nungungulu wa Israyeli.

2 Dzikoronika 36:16

Aholu avo va di vala sirumwa sa Nungungulu, va si khathali khu mahungu yaye, va poyila vaprofeti vaye, gukala likhulo laye li khondrela ngudzu vathu vaye, gu hamugega ni rendre nya guvavbulugise khuwo.

Joba 9:4

Uye a na ni monyo nya guti, ni tshivba yaye yikhongolo ngudzu, khu mani a lingidego gu dwana Naye a dugelela?

Dzindzimo 50:17

nari gu uwe u ngu nyenya sihevbudzo sangu, ni gu vengela magana yangu, gani?

Ekisodha 7:13

Ambari ulo, monyo wa Faro wu di banga, a bomba gu yingisa Mosi ni Aroni kha nga idzo a nga ganelago Pfhumu Nungungulu.

Isaya 46:12

Nyi yingiseni enu vathu nya gubange mihungo, mu guromo hwindzo ni gululama.

Isaya 48:4

Kholu nyi di gu dziti gukheni u muganedzi, ni gukheni misivba ya thamoni gwago khya gikete, ni giwombo gyago gi bangide nga sugu.

Isaya 6:10

Bangisa myonyo ya vathu vava, u va sega dzindzeve ni maho yawe, gasi va sipwi khu dzindzeve dzawe, va si woni khu maho yawe, va si pimisi khu monyo wawe, gasi va vbindrugedza mavbanyelo nyi va vbanyisa.

Isaya 65:12

nyi na mi resela nenu libango, mwatshavbo mu na songwa khu matshari nyamba vbuluga ni moyo. Kholu nyi mi ranide gambe kha mwa nyi ninga phindrulo, nyi ganede, gambe kha mwa yingisa magana yangu; aholu mu di gira silo nya guvivbe mbeli gwangu, mu hathani gu gira ugo gu gumba nyi nengedzisa.”

Jeremiya 17:1

Gighoho gya Judha gi lovidwe umo nya gileti khu simbi na gi bethidwe khu tshokha nya dhayimane, gi lovidwe myonyoni gwawe ni dzikhehoni nya siluvelo sawe.

Jeremiya 17:23

Aholu avo kha va nyi yingisa, va di bangisa mihungo, va si landrisi ni gu hakha gulaya gwangu.

Jeremiya 26:19

Ina Ezekhiya, mufumeli wa Judha, gumogo ni vathu vatshavbo va na Judha va mu songide, gani? Ina uye kha nga ninga githawo Pfhumu Nungungulu, ina kha va lomba gasi Pfhumu Nungungulu a va pwela wuhindzi khu gu va divalela ga tsayiso a nga bani a va dongisede, gani? Aholu ethu ha gu vbweta gu dzi thelela ginani libango khu gu songa muthu yoyo, na?

Jeremiya 42:21

Aholu, muhuno nyi mi embedeni satshavbo esi Pfhumu Nungungulu wanu, a nyi rumedego gu mi tivisa, aholu kha mu dzumeli gu yingisa ni gimwegyo nya iso si dugago khu kanani gwangu.

Jeremiya 5:3

Uwe Pfhumu Nungungulu, maho yago kha ma khedzi wule a girago ndruda, gani? U va bayiside, kha vapwa guvbisa; U va mbembiside, kha va dzina gu vbindrugedza; gambe va di bangisa mihungo yawe guvbindra giwindri; kha va nga dzina gu wuya eno gwago.

Jeremiya 7:20

Khu guralo, Pfhumu Nungungulu a ngu ganela kharati, khuye: “Wonani nya gukhenu giviti ni likhulo langu, si na vbalagela wulanga wowu, vbatshani nya vathu, vbatshani nya sirengo, vbatshani nya misimbo ya khabini ni mihandro ya mafuni; li na khondra nyamba tshimega gambe.”

Ezekiyeli 11:19

Nyi na thela gwawe monyo moyo basi, nyi va thela liphuvbo nya liphya; nyi na dusa gwawe monyo nya giwindri, nyi thela monyo nya nyama.

Ezekiyeli 14:5

Esi nyi na si gira gasi gu wuyisela myonyo ya va na Israyeli, kholu vatshavbo va hambanide ni Eni, va landrisela sifananiso sawe.

Ezekiyeli 2:4

Ga vathu nyi na gu rumelago, va bangide mihungo ni guyeyisa. U na ya va embela, khuwe: Mune, Pfhumu Nungungulu, a ngu ganela kharati.

Ezekiyeli 36:26

Nyi na mi ningani monyo nya wuphya, nyi thela ndrani gwanu liphuvbo nya liphya; nyi na dusa gwanu monyo nya giwindri nyi thela monyo nya nyama.

Zakariya 1:2

“Pfhumu Nungungulu, gorosidwe ngudzu khu vababe vanu.

Zakariya 7:7

Kha mwa ma pwani magana ya Pfhumu Nungungulu a nga ma tivisago khu magana ya vaprofeti va gale, matshiguni yale Jerusalema gu nga bani gu vbanya vathu khu gurula gumogo ni madhoropa yaye ma mu randredego, gikhati sipandre nya mayigo ya Negebhi ni Sefela ma nga bani ma tade khu vathu, gani?”

Matewu 13:15

Kholu myonyo ya vathu vava yi bangide, va segide dzindzeve ni maho yawe, gasi va si woni khu maho, va si yingisi khu dzindzeve, ni gu mana gwadi tshamuselo wakone, va vbindrugedze mavbanyelo, gasi eni nyi va vbanyise.’

Marko 4:12

gasi: Va khedzisa va wona, aholu va si woni gilo; va yingisa, aholu va si si mani; kholu, va nga vbindrugedza mavbanyelo va gu tsetseledwa sighoho sawe.

Luka 8:12

Mbewu yi nga thegela bambe nya ndzila khu vale va nga pwago Mahungu ya Nungungulu, aholu Sathane ata ma wandra myonyoni gwawe, gasi va si khodwi, va si mani guvbanyiswa.

Mithumo 28:27

Kholu monyo nya vathu vava wu bangide nga giwindri Va tshikide dzindzeve ni gu sega maho, vafela gumba wona, gu mbapwa ni gumba pima gilo, va si kodzi guwuya eno gwangu gasi nyi va vbanyisa.’ ”

2 Pedro 1:21

Kholu, ma mwalo magana nya vaprofeti ma nga lowago khu gudzina nya muthu, aholu, vathu va di kutsedzedwa khu Liphuvbo nya Guage, va ganela Mahungu nya gute khu ga Nungungulu.