Zakariya 5:4 - Bhibhiliya Nya Guage

⁴ Pfhumu Nungungulu nya Tshivba Yatshavbo, a di ganela, khuye: “Eni nyi na gi tshula givalo gegi gasi gi fela gu bela nyumbani nya mbafa ni nyumbani ga wule a sambanyago malipha khu lina langu; gambe gi na simama gu khala wutshigu watshavbo nyumbani gwaye kala gi pfhungumula misimbo ni siwindri saye.”

Zakariya 5:4 Iomraidhean Croise

Joba 18:15

Tshatshani gwawe va na khala vathu va gu siri va na gyawe, ni nilo nya solufa, wu na phalalega ni ndranga yawe.

Joba 20:26

Dzimhango dzatshavbo dzi na thegela vbatshani nya dzithomba dzaye, a na dagarela khu nilo nyamba furugedzwa, wu vbisa ni gu mbembisa satshavbo si na gu bani si tshade tshatshani gwaye.

Joba 8:15

A di khighela vbandzaritunu nya nyumba yaye, aholu iyo kha ya nga ema, a yi pharedzela, aholu iyo kha ya nga ema yi tiya.

Joba 8:22

Valala vago va na ambagiswa dzitshoni, ni mitshatsha ya va nya guvivbedwa khu monyo, yi na fuviswa.”

Mavingu 3:33

Pfhumu Nungungulu a gu vala dzindranga dza va nya guvivbedwa khu myonyo, aholu a kategisa dzindranga dza va nya gululama.

Isaya 24:6

Khu kotani nya isoso, guvivba gu midzide mafu, ni avo va vbanyago umo, va mane nandru; vavbanyi va tigoni va na dagarela khu nilo, gu na tshala vathu vadugwana basi.

Jeremiya 2:26

Kha nga mbafa ya gu manwa, yi khalago dzitshoni, gu na gira nugo kharato ga linyumba la Israyeli; avo gumogo ni vafumeli vawe, vathangeli, vaphasi nya mhamba ni vaprofeti vawe.

Hoseya 4:2

Gu wonega basi guvalana, malipha, ni gusongana, wuvafa nya guvbindre pimo, wubhayi nya guvbindre pimo, ni wughevenga vbatshani nya wughevenga ni guvbaladza milovba.

Hoseya 4:3

Khu guralo, litigo li ngu lila, vatshavbo va vbanyago umo va ngu vbela tshivba; gumogo ni sirengo sa khabini, sinyoni sa damboni, ni dzindzandzi dza phwani sa gufa.

Amosi 3:10

Kholu avo kha va kodzi gu gimbila khu gululama, a ngu ganela Pfhumu Nungungulu, va gu wungedzela dzinyumbani gwawe nya wufumu esi va nga phangago khu wurena ni dzihanyi.

Zakariya 5:3

Khavbo avbo, yi di nyi embela, khiyo: “Egi khu givalo gi na dugago tigoni gwatshavbo; kholu ni wevbini muthu a gu mbafa a na tutumiswa tigoni khu tshivba nya givalo gyogyo, kharato gambe muthu watshavbo a sambanyago malipha khu lina langu, a na rinywa khigyo vbavbandze.”

Zakariya 8:17

ni moyo wanu a nga pimisi guvivba monyoni gwaye, mu wugelana khu gyanu, ambari gusambanya malipha; kholu Eni nyi ngu si nyenya satshavbo soso; a ngu ganela Pfhumu Nungungulu.

Malakiya 3:5

Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.

Dhewuteronome 28:16

U na vadwa madhoropani gwago u na vadwa gambe ni marembweni gwago.

Dhewuteronome 7:26

“Khu guralo, u nga bedzi gilo nya gunyenyeze nyumbani gwago, gasi u si vadwi kha nga igyo; satshavbo u fanede gu si nyenya, kholu si vadwe.”

Josuwa 9:20

Aholu iso hi yelago gu va gira khesi: Hi na va diga va vbanya hi nga tshuka hi gorogedwa khu Nungungulu, khu kotani nya esi hi sambanyidego.