Zakariya 4:9 - Bhibhiliya Nya Guage

⁹ “Mandza ya Zorobhabheli ma tsitside khokhweni nya nyumba yeyi, mandza yaye gambe ma na vbedzisa gu yi vbaha. Gasi mu kodza gu dziti nya gukhenu Pfhumu Nungungulu nya Tshivba Yatshavbo a nyi rumede gwanu.

Zakariya 4:9 Iomraidhean Croise

Ezira 5:16

Khavbo avbo, a dita mwama moyo nya gupwani khu Sesibhazari, ata phela gu tsitsa khokhweni nya Nyumba ya Nungungulu yi guromo Jerusalema; gukhugela avbovbo kala olu, yi ngu vbahwa, aholu yi si gu vbeli.

Isaya 48:16

Hidzimelani avbo gwangu, mu tapwa esi: Gukhugela guhegulani, kha nya ganela khu gisihaledza; gukhugela avbo si nga giregago silo sesi, nyi diromo avbovbo. Gasi olu, Pfhumu Nungungulu a nyi rumide gumogo ni Liphuvbo laye.

Agewu 2:18

Nyi ngu mi lomba mu pimise gwadi, gukhugela muhuno guya mbeli, gukhugela litshigu nya magumavili na mana nya ngima nya livbandre na wu na kala litshigu gi nga emiswago khilo giseketelo nya Nyumba ya Pfhumu Nungungulu, pimisani gwadi khu silo sesi.

Zakariya 1:16

Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Zakariya 2:13

Vathu vatshavbo va na degule mbeli ga Pfhumu Nungungulu, kholu uye khugide a dzi wonegisa khu Wulangani gwaye nya Guage.

Zakariya 4:8

Khavbo avbo, lito la Pfhumu Nungungulu li dita gambe gwangu li ta, khilo:

Zakariya 6:15

Ni avo va guromo hwindzo va nata va ta vbahedza Nyumba ya Pfhumu Nungungulu, khavbo mu na dzitigo gukhenu eni nyi rumedwe gwanu khu Pfhumu Nungungulu nya Tshivba Yatshavbo, isoso si na girega khu lisine mwa gu landrisa khu gutumbega lito la Pfhumu Nungungulu wanu.”

Matewu 16:18

Eni neni nyi ngu gu embela, kheni: Uwe khuwe Pedro; vbatshani nya giwindri gegi nyi na vbaha libandla langu. Ni tshivba nya mufumo nya lufu kha yi na li gira gilo.

Johane 17:21

gasi vatshavbo va khale moyo basi; kha nga uwe, Baba u gomo gwangu, eni gwago, avo navo va na khale gwathu, gasi litigo li khodwe gukhilo khuwe u nyi rumedego.

Johane 3:17

Kholu Nungungulu kha rumela Mwanaye mafuni gasi guta mbembisa litigo, aholu guta li vbanyisa.

Vahebheru 12:2

Hi na simame gu khusa maho hi khedzisa Jesu, kholu, khuye guphela ni guhegisa nya gukhodwa gwathu. Uye gima kha vbela tshivba khu gu rwala gihambano. Aholu, khu gutsaka a nga tumbiswago, kha thela kota khu dzitshoni nya gufe vbagihambanotunu. Ni olu, khade khu nyamudye nya gikhalo nya wufumu wa Nungungulu.