Zakariya 4:7 - Bhibhiliya Nya Guage

⁷ Uwe gigomo nya gulaphe, u ginani uwe mbeli ga Zorobhabheli? U na wonega kha nga lipani basi; kholu uye a na handzega giwindri nya guhegule na gu huwelela, khuye: Wuyani! Wuyani! Nungungulu a na kategise!

Zakariya 4:7 Iomraidhean Croise

Ezira 3:10

Avbo vavbahi va nga phela gu thela khokhweni nya giseketelo nya Nyumba ya Nungungulu, vaphasi nya mhamba, va di ema avbovbo na va ambade dzingandzu dzawe, na va pharide mipundru gumogo ni va na Levhi, ni va na Asafi na vari ni sitendre gasi gu dhumisa Pfhumu Nungungulu, va landrisa sileletelo sa Dhavhidhe, mufumeli wa Israyeli.

Dzindzimo 114:4

Sigomo si di ndragandraga kha nga dzihamba, ni sigomwana kha nga sinvutana nya tshambi.

Dzindzimo 114:6

Enu sigomo, khu ginani mu ndragandraga kha nga dzihamba? Ni enu sigomwana, kha nga sinvutana nya tshambi?

Dzindzimo 118:22

Giwindri gi nga nyenywa khu vavbahi, gi khade gikoli nya gutshanganise nyumba.

Dzindzimo 84:11

Kholu Nungungulu khuye lidambo ni muvhikeli; Pfhumu Nungungulu a ngu ninga wuhigo ni wudhumo; Uye kha bombi gu girela wuwadi vale va girago ndruda.

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Isaya 41:15

Wona, nyi gu dongisede gitshindro nya giphya nya magwaha nya guvbire; u na vbula sigomo u si tshindra, sigomwana si vbindrugedza si gu khala kha nga mavivi.

Jeremiya 33:11

malito nya gutsake ni gunengela, malito ya mudzegi ni ya oyu a dzegwago, malito ya vale va resago miningelo nya gubonge, na va gukhavo: Rungudzani Pfhumu Nungungulu, nya Tshivba Yatshavbo, kholu uye khwadi, wuhindzi waye wu ngu simama kala gupindruga; ni malito ya avo va resago rungudzo Nyumbani ga Pfhumu Nungungulu; kholu, nyi na va wuyisa khu wugumbitunu va wuya tigoni vata khala kha nga guhegulani, a ngu ganela Pfhumu Nungungulu.

Jeremiya 51:25

Pfhumu Nungungulu a ngu ganela, khuye: Nyi womo avba gasi gu wugela uwe gigomo nya wupfhungumuli, uwe u pfhungumulago litigo latshavbo; nyi na phela kheni nyi gu handzega mandza yangu, nyi gu wumbulutela khu vbatshani nya siwindri u thega, u khala litala nya nguma.

Mikeya 1:4

Sigomo si na nyiviliga vbavbatshi nya migondro yaye, ni mikova yi na tulega nga mafura vbavbatshi nya nilo, kha nga mati ma gogago releloni ma khala nondrwa.

Mikeya 4:1

Aholu, khu matshigu nya guhegise, gu na wonega gigomoni momu nya Nyumba ya Pfhumu Nungungulu, gi na khusedzwa vbatshani nya sigomo satshavbo, gi lapha guvbindra sigomwana satshavbo, mafumbu yatshavbo ya mafuni ma na tutumela iyoyo.

Habhakuka 3:6

Uye a gu ema, mafu ma gu tsekatseka; a gu khedza, a gu ndrendremidzisa mayigo. Sigomo sa gale si di khungumudwa; sigomwana sa gale si di khungumugela. Dzindzila dzaye khya gupindruga.

Zakariya 4:8

Khavbo avbo, lito la Pfhumu Nungungulu li dita gambe gwangu li ta, khilo:

Zakariya 4:9

“Mandza ya Zorobhabheli ma tsitside khokhweni nya nyumba yeyi, mandza yaye gambe ma na vbedzisa gu yi vbaha. Gasi mu kodza gu dziti nya gukhenu Pfhumu Nungungulu nya Tshivba Yatshavbo a nyi rumede gwanu.

Matewu 21:21

Jesu a di hakha, khuye: “Khu lisine nyi ngu mi embelani, kheni: Mwa gu khodwani, nyamba kanakana, kha mu na gira basi esi nyi nga girago nguyu yoyu, aholu mwa gu ruma gigomo gegi, khenu: ‘Siguga khavbovbo, indra uya dzi dumwega phwani’, gu na girega kamwe.

Matewu 21:42

Jesu a di va wudzisa, khuye: “Ina mu si hevbulini milowo, yi gu, khiyo: ‘Giwindri gi nga nyenywago khu vavbahi khigyo gi khadego hungo nya gutshanganise, Silo sesi si giridwe khu Pfhumu; siliwugiso mahoni gwathu.’

Marko 12:10

Ina mu si gu hevbuli Milowo yi gu, khiyo: Giwindri gi nga nyenywa khu vavbahi khigyo gi khadego hungo nya gikoli nya nyumba.

Luka 20:17

Jesu, na va khedziside gwadi, a di va wudzisa, khuye: “Gasi ma gu vbweta gu khayo ginani magana ma nga lowago, nya gukhayo: ‘Giwindri gi nga nyenywago khu vavbahi khigyo gi khadego gikoli nya nyumba?’

Luka 3:5

mikova yatshavbo yi na futedwa, ni sigomo satshavbo si na guledwa, dzindzila nya guwegele dzi na lulamiswa, nidzo nya sikidinga dzi na futeledwa.

Mithumo 4:11

Jesu khuye giwindri gi nga nyenywago khu enu vavbahi, gi khadego hungo nya gikoli nya nyumba.

Varoma 11:6

Khu kharato, a gu bani ari khu wuhindzi, nasiri khu mithumo; a gu bani ari kharato, wuhindzi kha wu phasi gilo.

Vaefeso 2:20

Enu mu siwindri nya nyumba yi vbahidwego vbatshani nya giseketelo nya vapostoli ni vaprofeti. Kristo wurumba waye khuye giwindri nya hungo nya gikoli gi hungago nyumba yatshavbo.

1 Pedro 2:7

Khu guralo, ga enu mu khodwago, giwindri gyogyo khya lisima ngudzu. Aholu, ga ava va si khodwigo; “Giwindri gi nga nyenywa khu vavbahi gi khade giwindri nya gutshanganise.”

Gutuledwa 16:20

Sidwa satshavbo si di thava, sigomo si di mwalalega.