Zakariya 4:1 - Bhibhiliya Nya Guage

¹ Ngilozi yi nga bani yi ganela ni eni, yi dita gambe yi ta nyi wusa gukhwatshi khu muthu a wuswago ligovbeni gwaye.

Zakariya 4:1 Iomraidhean Croise

Jeremiya 31:26

Khu guralo, nyi di khendzuga nyi wona, ligovbe langu li di nyi tsakiside ngudzu.

Dhaniyeli 8:18

A di ganela ni eni, na nyi titivade, khovbe yangu na yi pfugunyede mafuni. Khavbo avbo, uye a di nyi kuha a nyi khusa nyi ema.

Zakariya 1:13

Khavbo avbo, Pfhumu Nungungulu a di hakha ngilozi yi nga bani na yi gu ganela ni eni khu magana nya yadi, magana nya gutangadzise.

Zakariya 1:19

Khavbo avbo, nyi di wudzisa ngilozi yi nga bani na yi ganela ni eni, kheni: “Dza gu tshamusela ginani dzikheho dzedzi?” Ngilozi yi di nyi hakha, khiyo: “Dzikheho dzile, khu dzitshivba dzi nga phalalegisago Judha, Israyeli ni Jerusalema.”

Zakariya 1:9

Khavbo avbo, nyi di wudzisa, kheni: “Pfhumu yangu, gasi khu va mani ava?” Ngilozi yi nga bani yi ganela ni eni, yi di, khiyo: “Nyi na gu nonedza gukheni khavo va mani.”

Zakariya 2:3

Khavbo avbo, ngilozi yi nga bani yi gu ganela ni eni yi di khuga, yi khingwa khu yimbe ngilozi;

Zakariya 4:5

Khavbo avbo, ngilozi yi nga bani yi ganela ni eni yi di nyi phindrula, khiyo: “Khu wuti tshamuselo nya silo sesi, gani?” Eni nyi di hakha, kheni: “Kha nyi wuti mune wangu.”

Luka 9:32

Pedro ni vangana vaye va di wongomedwa khu ligovbe. Aholu, na va khendzugide, va di wona gungangamela ga Jesu ni madhota yale ya mavili ma nga bani mari naye.