Zakariya 3:9 - Bhibhiliya Nya Guage

⁹ Kholu wonani gukhenu giwindri nyi gi vegidego mbeli ga Josuwa; vbatshani nya giwindri gegi gya gimwegyo basi, momo livbandre na mavili maho; wona nya gukhuwe nyi na betha avbo milowo, gambe nyi na dusa gighoho nya litigo leli khu litshigu limwedo; a ngu ganela Pfhumu Nungungulu nya Tshivba Yatshavbo.

Zakariya 3:9 Iomraidhean Croise

1 Dzipfhumu 1:20

Gasi olu uwe mufumeli wangu, maho yatshavbo ya Israyeli ma gu khevisela uwe, gasi u va embele khu mani a na khalago vbagikhalotunu gwago nya wufumu hwane gwago, uwe mufumeli, mune wangu.

2 Dzikoronika 16:9

Kholu maho ya Pfhumu Nungungulu, ma gu khedza mafuni gwatshavbo gasi gu yeyedza tshivba yaye ga vale va mu vbwetago khu monyo wawe watshavbo; khu kotani nya isoso, uwe u giride wupumbu. Khu guralo, gukhugela olu u na dhumedwa khu dzinyimbi.

Dzindzimo 103:12

Kha nga idzo Khugadambo gu gu hwindzo ni Muhwadambo, kharato nugo a ngu ndreyisa vbakari gwathu sighoho sathu.

Dzindzimo 118:22

Giwindri gi nga nyenywa khu vavbahi, gi khade gikoli nya gutshanganise nyumba.

Ekisodha 28:11

U na lova avbo nya siwindri sa sivili malina ya sanana sa Israyeli, khu edzi vameseri va kodzago khidzo gu khandra milowo avbo nya siwindri nya lisima, siwindri sa sivili si na tshanganiswa si hungwa khu sikhweletedzo nya ndralama.

Ekisodha 28:21

gu na bani guri likhumi na sivili siwindri gukhedza khu malina ya sanana sa Israyeli. Avbo nya giwindri ni giwindri gu na lowa lina limwedo nya yale nya likhumi na mavili mahundzu ya na Israyeli. Malina ma na khu gu khandrwa kha nga gifungo.

Ekisodha 28:36

U na pfhula libhareti nya ndralama nya guhutwe u khandra avbo milowo kha nga idzo gu girwago avbo nya dziphera, khuwe: “A phasedwego ga Pfhumu Nungungulu.”

Isaya 28:16

Khu guralo, Mune Pfhumu Nungungulu a ngu ganela kharati, khuye: Wonani nyi vegide Siyoni giwindri nya giseketelo gi tiyidego, a gu giwindri nya gutiye ni wumburi, uye a khodwago gwaye, gima kha na khala hwanga.

Jeremiya 31:34

Mwalo ni moyo a na gu hevbudzago muakelane mwendro ndriyaye, khuye: “Hevbula guti Pfhumu Nungungulu.” Kholu vatshavbo va na bani va nyiti, gukhugela vakhongolo kala sanana, kholu nyi na bani nyi tsetselede guvivba ni sighoho sawe, gima kha nyi na nga si alakanya gambe.

Jeremiya 50:20

Khu matshigu yoyo ni gikhati gyogyo, a ngu ganela Pfhumu Nungungulu, va na vbweta wuvivbi wa Israyeli, va si wu mani, va vbweta sighoho sa Judha, va si si mani, kholu nyi na tsetselela vale nyi na gu va diga va vbanya.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 3:4

Ngilozi yi di embela avo va nga bani va emide mbeli gwaye, khiyo: “Mu tshuleni dzingandzu dzaye nya gunyenyeze.” Khu hwane a embela Josuwa, khuye: “Wona, nyi gu duside sighoho sago, nyi gu ambagisa dzingandzu nya wuzundzo.”

Zakariya 4:10

Khu mani a kanyisago litshigu nya silo nya sidugwana? Vatshavbo va na kulungela gikhati va na wonago giwindri giri mandzani ga Zorobhabheli.”

Johane 1:29

Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”

Johane 6:27

Mu nga thumelini guhodza, gule gu dzi kodzago guvbela, aholu thumelani gule gu ningago guvbanya nya gupindruge, ugo mu na ningwago khu Mwamana wa Muthu; kholu khuye oyu a nga ningwago gifungo khuye mune Babe Nungungulu.”

Mithumo 4:11

Jesu khuye giwindri gi nga nyenywago khu enu vavbahi, gi khadego hungo nya gikoli nya nyumba.

Varoma 9:33

gi nga thudwa khu Milowo nya Guage, pwani: “Nyi ngu vega Siyoni giwindri gi tshunganisago gi thesa. Aholu, wule a khodwago ga egi giwindri gima kha na thedwa dzitshoni.”

2 Vakorinto 1:22

khuye a nga hi lova khu gifungo Gyaye a vega gitumbiso nya Liphuvbo myonyoni gwathu.

2 Vakorinto 3:3

Kholu gu wonegisidwe nya gupwani enu mu lidangalila li nga lowa khu Kristo, kha la lowa khu tita, aholu khu Liphuvbo la Nungungulu a vbanyago; khandri li di lowa vbagiwindritunu aholu li lovidwe myonyoni nya vathu.

2 Thimoti 2:19

Aholu tiyiso wu nga emiswa khu Nungungulu wu tiyide, wari khuwo: “Pfhumu a ngu va ti avo va gu vaye.” Gu lovidwe gambe pwani: “Vatshavbo vale va dhumisago lina la Pfhumu, kha va beli guvivbani.”

Vahebheru 7:27

Uye kha giri idzosaye ni vambe vaphasi nya vakhongolo nya mhamba: Kha gu vbwetegi ga uye, khu litshigu ni litshigu, gu ningela mhamba nya guhandze sighoho saye guhegula, a wuya khavbo a ningela mhamba nya guagise sighoho nya vathu. Kholu Uye ningede mhamba gumogo basi, gu vbela, khu gu dzi ningela uye wurumba waye.

1 Johane 2:2

Kholu, Jesu Kristo a dzi ningede a songwa a gu khala mhamba gasi sighoho sathu si gu tsetseledwa, nasiri esi sathu basi, aholu ni sa vathu vatshavbo.

Gutuledwa 5:6

Khavbo avbo, nyi di wona Nvutana na yi emide, vbakari nya gikhalo nya wufumu, nga khwatshi yi di songwa, na yi randredwe khu sirengo sile sa sina ni madhota. Yidiri ni livbandre na dzimbili dzikheho, ni livbandre na mavili maho, a gu livbandre na mavili Maphuvbo ya Nungungulu ma rumedwego mafuni gwatshavbo.