Zakariya 3:7 - Bhibhiliya Nya Guage

⁷ “Pfhumu Nungungulu nya Tshivba Yatshavbo, a ngu ganela kharati, khuye: Wa gu landrisa dzindzila dzangu, u yingisa sileletelo sangu, u na fumela nyumba yangu, gambe u na sayisa makupakupani gwangu. Nyi na gu ninga wulanga vbakari ga avo va guromo mbeli gwangu.

Zakariya 3:7 Iomraidhean Croise

Genesi 26:5

kholu Abrahama yingiside lito langu, a wuya a gu landrisa sileletelo sangu ni milayo yangu.”

1 Dzipfhumu 2:3

Vegedza ni gu landrisa milayo ya Pfhumu Nungungulu wago; gimbila khu dzindzila dzaye ni gu vegedza sileletelo saye, ni milayo yaye, gululama gwaye ni wufakazi waye, kha nga si lovidwego umo nya Nayo wa Mosi, gasi u kodza gugengela ni gudugelela ga satshavbo u na si girago, ni evbini avbo u na hongolago.

1 Dzipfhumu 3:14

Wa gu gimbila khu dzindzila dzangu, u sayisa sileletelo ni milayo yangu, kha nga babe wago Dhavhidhe, nyi na gu ninga guvbanya matshigu nya gulaphe.”

1 Dzikoronika 23:32

Va sayisa ni gu wonelela Tshatsha nya Tshangano, ni gu sayisa Wulanga nya Guage, ni gu phasa vandriyawe va na Aroni, thumoni wa Nyumbani gwa Pfhumu Nungungulu.

Isaya 62:9

Aholu, avo va vbwerago tirigu, va na hodza na va bonga Pfhumu Nungungulu; ni avo va havelago dziuvha, va na sela wadwa makupakupani nya nyumba yangu nya guage.”

Ezekiyeli 44:8

Kha mwa landrisani siguruvedzo sanu mayelano khu silo sangu nya guage; wulangani gwanu mu thede va nya mayigo gasi guta thuma Nyumbani gwangu nya miphaso.

Ezekiyeli 48:11

Gi na lumba vaphasi nya mhamba va agisedwego, a gu sanana sa Sadhoki, va tumbegidego gu nyi thumela, va ngamba ndreya ndzilani gwangu kha nga idzo va giridego va na Levhi, gikhati va na Israyeli va ndreyidego ndzilani gwangu.

Levhi 10:3

Mosi a di embela Aroni, khuye: “Khiso esi a nga tivisago Pfhumu Nungungulu, gikhati a nga khuye: Nyi ngu wonegisa guaga gwangu ga vale va guromo vbafuvbi gwangu, ga vathu vatshavbo nyi ngu nonedza wudhumo wangu.” Aroni a di degula.

Levhi 8:35

“Khu guralo, mu na khalani livbandre na mavili matshigu nyangwani nya Tshatsha nya Tshangano, wutshigu ni mihani, mu landrisa kharato sileletelo sa Pfhumu Nungungulu, gasi mu sifi; kholu khidzo nyi nga leletedwago khidzo.”

Zakariya 3:6

Khavbo avbo, ngilozi ya Pfhumu Nungungulu yi di embela Josuwa, khiyo:

Zakariya 4:14

Khavbo avbo, iyo yi di nyi embela, khiyo: “Ava khu vama va vavili va todzidwego mafura gasi gu thumela Pfhumu nya litigo latshavbo.”

Zakariya 6:15

Ni avo va guromo hwindzo va nata va ta vbahedza Nyumba ya Pfhumu Nungungulu, khavbo mu na dzitigo gukhenu eni nyi rumedwe gwanu khu Pfhumu Nungungulu nya Tshivba Yatshavbo, isoso si na girega khu lisine mwa gu landrisa khu gutumbega lito la Pfhumu Nungungulu wanu.”

Zakariya 6:5

Ngilozi yi di nyi hakha, khiyo: “Aya khu maphuvbo ya mana ya Ndzadzini, ma dugago khavbo ma nga bani ma emide mbeli ga Pfhumu ya mafuni gwatshavbo.

Matewu 19:28

Jesu a di va hakha, khuye: “Khu lisine nyi ngu mi embelani: Mufumoni wa Nungungulu, gikhati Mwamana wa Muthu a na khalago vbagikhalotunu gwaye nya gutale khu gidhumo, enu mu na nyi landrela, mu na khalani vbasikhalotunu, gasi gu lamulani mahundzu yatshavbo nya likhumi na mavili ya Israyeli.

Luka 22:30

gasi mu hodze ni gu sela vbamezatunu nya buzo wangu. Mu na khalani vbasikhalotunu nya wufumu, mu lamula mahundzu yatshavbo ya Israyeli, nya likhumi na mavili.

Johane 14:2

Ndrangani ga Babe momo malanga nya mangi. Nari pwani khandri kharato, na nyi mi embedeni gale. Nyi ngu mi thangela nyiya dongisela wulanga.

Gutuledwa 3:21

“Wule a na palago nyi na mu dzumedzisa gu khala naye vbagikhalotunu gwangu nya wufumu kha nga eni neni nyi nga palago nyi khadego vbagikhalotunu nya wufumu wa Babe wangu.