Biblia Todo Logo
Bìoball air-loidhne

- Sanasan -




Zakariya 3:4 - Bhibhiliya Nya Guage

4 Ngilozi yi di embela avo va nga bani va emide mbeli gwaye, khiyo: “Mu tshuleni dzingandzu dzaye nya gunyenyeze.” Khu hwane a embela Josuwa, khuye: “Wona, nyi gu duside sighoho sago, nyi gu ambagisa dzingandzu nya wuzundzo.”

Faic an caibideil Dèan lethbhreac




Zakariya 3:4
34 Iomraidhean Croise  

Khavbo avbo, Dhavhidhe a di embela Natane, khuye: “Nyi ghohede Pfhumu Nungungulu.” Natane a di embela Dhavhidhe, khuye: “Pfhumu Nungungulu futide gighoho gyago, khu na ngafa.”


Mikeya a di engedza a ganela, khuye: “Yingisa magana ya Pfhumu Nungungulu: Nyi wonide Pfhumu Nungungulu na khade vbagikhalotunu gwaye nya wufumu, na randredwe khu nyamudye ni nyambade khu sikwata nya sivangwa sa ndzadzini.


Siha khovbe yago u si woni sighoho sangu, u futa guvivba gwangu gwatshavbo.


Eni kamwe, kheni nyi futago sighoho sago, khu gugola gwangu, sighoho sago gima kha nyi na si alakanya gambe.


Nyi fuviside guvivba gwago, gu fanana ni hunguva, ni sighoho sago nyi si mwalalegiside kha nga lipfhi; wuya gwangu, kholu kheni mudzegisi wago.


Khendzuga! Khendzuga, Siyoni, ambala tshivba yago. Ambala guambala gwago nya wumburi, uwe Jerusalema, Lidhoropa nya gukatege; kholu gima kha va na bela gambe ndrani gwago va nyamba hana wugwera ni vale va dzi nyenyezisidego.


Nyi na nengela ngudzu ga Pfhumu Nungungulu, hefemulo wangu wu na tsakela Nungungulu wangu; kholu a nyi ambagiside guambala nya guvbanyise, a nyi fenengedza khu mwendra nya gululame. Gukhwatshi khu mudzegi a dzi mburisedego khu gihugu nya buzo, kha nga nyamayi nya khundzwa a dzi mburiselago khu dziphera nya ndralama.


Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.


A di mu tshula dzingandzu nya wubotshwa waye, a di hodza vbamezatunu gumogo ni mufumeli, matshigu yatshavbo nya guvbanye gwaye.


Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.


Gikhati vaphasi nya mhamba va belago, kha va na duga khu wulangani nya guage va hongola likupakupani la vbavbandze, aholu va na vega mule guambala va thumidego khugo, kholu ugo gu agide; va ambala gumbe guambala, khavbo va na dzi kodzago gu hidzimela ga wulanga wu lumbago vathu.”


Khu mani uwe Nungungulu a fananago ni uwe, u tsetselelago guvivba, ni gu divalela guyeyisa ga mitshaledwa nya thomba yago? Pfhumu Nungungulu kha khali na gu vbisega khu likhulo gikhati gyatshavbo, kholu a gu tsaka khu gupwela wuhindzi.


U na simama gu hi pwela gisiro; u gandredzela guvivba gwathu, u dzudzuga sighoho sathu satshavbo guetani nya yiphwa.


Khu hwane nya ugo, Uye a di nyi yeyedza Josuwa, muphasi nya khongolo nya mhamba, na emide mbeli ga ngilozi ya Pfhumu Nungungulu, Sathane na emide khu nyamudye, gasi gu mu thuledza.


“Pfhumu Nungungulu nya Tshivba Yatshavbo, a ngu ganela kharati, khuye: Wa gu landrisa dzindzila dzangu, u yingisa sileletelo sangu, u na fumela nyumba yangu, gambe u na sayisa makupakupani gwangu. Nyi na gu ninga wulanga vbakari ga avo va guromo mbeli gwangu.


Kholu wonani gukhenu giwindri nyi gi vegidego mbeli ga Josuwa; vbatshani nya giwindri gegi gya gimwegyo basi, momo livbandre na mavili maho; wona nya gukhuwe nyi na betha avbo milowo, gambe nyi na dusa gighoho nya litigo leli khu litshigu limwedo; a ngu ganela Pfhumu Nungungulu nya Tshivba Yatshavbo.


Na bede mufumeli gasi guta wona avo va nga rambwago, a di wona moyo a nga bani a sa ambala gipani nya buzo nya dzegano.


Ngilozi yi di mu phindrula, khiyo: “Eni kheni Gabriyeli, wule a guromo mbeli ga Nungungulu; nyi di rumedwa gasi guta gu tivisa mahungu yaya nya gutsakise.


Aholu babe wule a di ruma sithumi saye, khuye: ‘Resani khu guvbiredza ngandzu yile nya gumbure ngudzu muta mu ambagisa; mu ambagiseni phera nyalani ni silato migondroni gwaye.


Gandra ni dzimindru, Johane a di wona Jesu, a nga bani a gu mu tela a ganela, khuye: “Kha mu yi woni yile Nvutana ya Nungungulu yi dusago gighoho nya litigo.”


gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.


Handro nya gighoho khu gufa, aholu, giningwa hi gi manago ga Nungungulu khu guvbanya nya gupindruge, gumogo ni Jesu Kristo, Pfhumu yathu.


Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.


Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.


mu ambade muthu muphya oyu a vbahwago nyaluphye khu guti gasi a fanana ni muwumbi waye.


Kholu eni nyi na gira wuhindzi nyi va ditshedza sighoho sawe. Gima kha nyi na nga alakanya gambe guvivba gwawe.”


Khavbo avbo, nyi di wona ni gupwa lito nya mwandra nya dzingilozi dzi nga bani dzi randrede gikhalo nya wufumu, ni sirengo sile sa sina ni madhota; tengo wa kona a diri makhulukhulu ni makhulukhulu ni mazanazana.


Nyi di mu hakha, kheni: “Pfhumu yangu, uwe khuwe u dzitigo!” Khavbo avbo, a di nyi tshamusela, khuye: “Ava khu vale va tago khu musigaradzoni nya sikhongolo, vale va nga handzago dzingandzu dzawe va dzi agisela novbani nya Nvutana.


Lean sinn:

Sanasan


Sanasan