Zakariya 3:1 - Bhibhiliya Nya Guage

¹ Khu hwane nya ugo, Uye a di nyi yeyedza Josuwa, muphasi nya khongolo nya mhamba, na emide mbeli ga ngilozi ya Pfhumu Nungungulu, Sathane na emide khu nyamudye, gasi gu mu thuledza.

Zakariya 3:1 Iomraidhean Croise

Genesi 3:15

Nyi na vega livengo ga uwe ni nyamayi, ga gitugulwana gyago ni gitugulwana gyaye. Igyo gi na gu pfara hungo, uwe u na zama gu gi hodza gitshinandro.”

Genesi 48:16

ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

1 Dzikoronika 21:1

Khavbo avbo, Sathane a di wugela va na Israyeli, a kutsedzela Dhavhidhe gu gira gilovela nya vathu va na Israyeli.

2 Dzikoronika 29:11

Gasi olu, vanavangu, mu nga khali mihuni; kholu Pfhumu Nungungulu a mi hathide gasi gu khala mbeli gwaye, mu mu thumela, ni gu khala vathumegeli vaye ni gu vbisani libani.

Ezira 10:18

Gu di manega nugo vbakari ga sanana sa vaphasi nya mhamba avo va nga bani va dzeganide ni vanyamayi va mambe mayigo, a gu ava: Vbakari ga sanana sa Jesuwa, mwamana wa Jozadhaki, gumogo ni vandriyaye, ni Maseya, Eliyezeri, Jaribhi ni Gedhaliya.

Ezira 2:2

Avo va nga wuyago ni Zorobhabheli khava: Khu Jesuwa, Nehemiya, Seraya, Reyelaya, Moridhekayi, Bhilisani, Misipari, Bhigivhayi, Rewumi ni Bhahana. Tengo nya vama va na Israyeli wu diri owu:

Ezira 5:2

Khavbo avbo, gu di khuga Zorobhabheli, mwamana wa Salatiyeli, ni Jesuwa mwamana wa Jozadhaki, va pheledza guvbaha Nyumba ya Nungungulu, yi manegago Jerusalema; va phasedzedwa khu vaprofeti va Nungungulu.

Dzindzimo 106:23

Nungungulu a di khuye a na mbembisa va na Israyeli; Mosi, githumi gyaye nya gigodwa, a di ema mbeli ga Nungungulu a lombelela gasi gu bosisa likhulo laye.

Dzindzimo 109:6

Hatha mulamuli nyambasi wadi a lamula nala wangu. Sathane a na khale khu nyamudye gwaye.

Jeremiya 15:19

Khu guralo, Pfhumu Nungungulu a ngu ganela kharati, khuye: “Wa gu dzi laya, u wuya eno gwangu, nyi na gu hakha u ta khala mbeli gwangu; wa gu ganela silo nya lisima u hambana niso nya guvivbe, uwe u na khala kha nga likana langu, vathu va na wuya iyo gwago, khandri uwe u na gu bwelelago iyo gwawe.

Ezekiyeli 44:11

Khu guralo, avo va na thuma nyumbani gwangu nya guage kha nga dzighadhi nya myanya nya Nyumba ya Nungungulu ni vathumegeli vaye; avo va na paya sirengo nya miphaso nya guvbiswe gumogo ni dzimhamba khu lina nya vathu ni gu va thumela.

Ezekiyeli 44:15

Aholu, vaphasi nya mhamba va na Levhi, a gu sanana sa Sadhoki, va nga sayisa wulanga wangu nya guage, gikhati va na Israyeli va nga bani va si theli kota khu eni, avo va di hidzimela gwangu va ta nyi thumela, va na ema mbeli gwangu, gasi gu nyi girela miphaso nya mafura ni novba; a ngu ganela Mune Pfhumu Nungungulu.

Agewu 1:1

Khu mwaga nya wuvili nya mufumo wa mufumeli Dhariyo, khu litshigu nya guhegule nya ngima nya livbandre na moyo, magana ya Pfhumu Nungungulu ma dita khavbo ga muprofeti Agewu, a ma vbohisa ga Zorobhabheli, mwamana wa Salatiyeli, mwamangulu wa Judha, ni ga Josuwa, mwamana wa Jozadhaki, muphasi nya khongolo nya mhamba, khuye:

Agewu 1:12

Khu guralo, Zorobhabheli, mwamana wa Salatiyeli, ni Josuwa, mwamana wa Jozadhaki, muphasi nya khongolo nya mhamba, ni yatshavbo mitshaledwa nya vathu, avbo va ngapwago lito la Pfhumu Nungungulu wawe, ni magana ya muprofeti Agewu, a nga ma ganelago khu gu rumedwa khu Pfhumu Nungungulu wawe, vatshavbo va di thava mbeli ga Pfhumu Nungungulu.

Agewu 2:4

Khu guralo, olu dzi garadze uwe Zorobhabheli; a ngu ganela Pfhumu Nungungulu, dzi garadze nuwe Josuwa, mwamana wa muphasi nya khongolo nya mhamba Jozadhaki, dzi garadzeni nenu vathu vatshavbo va tigoni, a ngu ganela Pfhumu Nungungulu, thumani; kholu eni nyi womo gumogo nanu; a ngu ganela Pfhumu Nungungulu nya Tshivba Yatshavbo.

Zakariya 1:13

Khavbo avbo, Pfhumu Nungungulu a di hakha ngilozi yi nga bani na yi gu ganela ni eni khu magana nya yadi, magana nya gutangadzise.

Zakariya 1:19

Khavbo avbo, nyi di wudzisa ngilozi yi nga bani na yi ganela ni eni, kheni: “Dza gu tshamusela ginani dzikheho dzedzi?” Ngilozi yi di nyi hakha, khiyo: “Dzikheho dzile, khu dzitshivba dzi nga phalalegisago Judha, Israyeli ni Jerusalema.”

Zakariya 1:9

Khavbo avbo, nyi di wudzisa, kheni: “Pfhumu yangu, gasi khu va mani ava?” Ngilozi yi nga bani yi ganela ni eni, yi di, khiyo: “Nyi na gu nonedza gukheni khavo va mani.”

Zakariya 2:3

Khavbo avbo, ngilozi yi nga bani yi gu ganela ni eni yi di khuga, yi khingwa khu yimbe ngilozi;

Zakariya 3:8

Olu, upwa gwadi, uwe Josuwa, muphasi nya khongolo nya mhamba, uwe gumogo ni vangana vago va khalago mbeli gwago, kholu enu mu giwoniso nya guvbanyiswe gu natago; Eni nyi na resa githumi gyangu nya gupwani Lithungedwa.

Zakariya 4:14

Khavbo avbo, iyo yi di nyi embela, khiyo: “Ava khu vama va vavili va todzidwego mafura gasi gu thumela Pfhumu nya litigo latshavbo.”

Zakariya 6:11

Dzega parata ni ndralama, u gire gihugu nya wuzundzo, u gi vega hungoni ga Josuwa, mwamana wa Jozadhaki, muphasi nya khongolo nya mhamba.

Malakiya 3:1

Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”

Luka 21:36

Khu kharato, khalani na mu dongide, na mu gu lombelela gikhati gyatshavbo, gasi mu mane tshivba nya guvbuluge ga satshavbo si na gu dugelelago, mu kodza guta manwa khu Mwamana wa Muthu na mu nga tsaramide.”

Luka 22:31

Pfhumu a di embela gambe Simoni, khuye: “Simoni, Simoni, dziti nya gukhuwe Sathane a mi lombideni gasi gu mi vbevbera kha nga mavbila.

Dhewuteronome 10:8

Khu gikhati gyogyo gya gimwegyo, Pfhumu Nungungulu, a di hatha lihundzu la na Levhi gasi li rwala Ngasa nya Gidzumeledzwano gya Pfhumu Nungungulu, gasi va manega mbeli ga Pfhumu Nungungulu, va mu thumela ni gu kategisa vathu khu lina laye kala na muhuno.

Dhewuteronome 18:15

Pfhumu Nungungulu wago, a na gu wusela muprofeti vbakari gwago ni ga vandriyago, nya gufanane ni eni; guvbweta u mu yingisa,

1 Pedro 5:8

Dzi phareni, mu dzi wonele, kholu, nala wanu Sathane a ngu mi dzuwulugela na gu dzuma-dzuma nga nghala yi vbwetago muthu gu mu hodza.

1 Samuweli 6:20

Khavbo avbo, vathu va Bheti-Semesi, va di ganela, khavo: Khu mani a yelago gu ema mbeli ga Pfhumu Nungungulu, Nungungulu yoyu nya gukatege? Ngasa yaye hi na yi rumela hayi gasi yi kodza gu manega hwindzo nethu?