Zakariya 2:9 - Bhibhiliya Nya Guage

⁹ Wonani, eni nyi na khusa gyandza gyangu nyi va bayisa va fela gu khoziswa khu dzikhumbi dzawe. Khavbo enu mu na dzitigo gukhenu khu Pfhumu Nungungulu nya Tshivba Yatshavbo a nyi rumedego.

Zakariya 2:9 Iomraidhean Croise

Isaya 10:32

Khu litshigu lolo kamwe, Asiriya a na vboha Nobhi; a yeyedza gibhakela ga nyamahegyane wa gigomoni ga Siyoni, ni ga gigomwana gya Jerusalema.

Isaya 11:15

Pfhumu Nungungulu a na bangisa nondrwa nya yiphwa ya Egipito, a na khusedza mandza yaye a dwanisa tsongo wa Ewufrate, khu furugedzo waye nya tshivba, wu na kabaniswa khu livbandre na sivili sitsongwana si na tsemakanywago khu migondro.

Isaya 12:6

Wombani mikulungwane mu tsaka, enu vavbanyi va Siyoni, kholu vbakari gwanu, khongolo khu Nyaguage wa Israyeli.”

Isaya 13:2

“Ghwimbani ngavbya vbatshani nya gigomo nyambana misimbo; khusani lito, va khweneteni khu mandza, gasi va ta bela khu myanya ya vathu nya guthavisege.

Isaya 14:2

Va nya mayigo va na va dzega va va yisa malangani gwawe, aholu vathu vovo nya vama ni vanyamayi, va na fumedwa khu nyumba ya Israyeli, tigoni ga Pfhumu Nungungulu. Va gira dzikhumbi vale va nga girwago khavo dzikhumbi, bwelo khavbo va tshanisa avo va nga tshaniswago khavo.

Isaya 19:16

Khu litshigu lolo, Vagipiti va na fanana ni vanyamayi, va na ndrendremela va thava gu vetwa khu gyandza gya Pfhumu Nungungulu nya Tshivba Yatshavbo, a gi khusedzidego gasi gu va wugela.

Isaya 26:1

Khu litshigu lolo, gu na embeledwa ndzimo yeyi tigoni gwa Judha, khavo: Hi na ni lidhoropa li tiyidego ngudzu, Nungungulu a na emisa guvbanyisa gu khala likhokhola ni libhiyo.

Isaya 33:1

Libango gwago, uwe muphangi, uwe gima u si gu phangwigo, u kanganyisago vakwanu avo gima va sa gu kanganyisago! Avbo uwe u na vbedzago gu phanga, u na phangwa nuwe, avbo u na vbedzago gu kanganyisa, va na gu kanganyisa nuwe!

Isaya 33:21

Kholu Pfhumu Nungungulu a na bani nari umo khu wudhumo waye, umo gu na khulunga mitsongo nya guaname, gu na goga mitsongo ni sitsongwana nya guaname; yi mwalo ngalava nya makasiya yi na vbindrago khumo, ambari ni litaro nya likhongolo, gima kha li na vbindra khumo.

Isaya 33:23

Dzingodzi nya dzingalava dzaye dzi nyegide, ni miningwati yaye, kha ya tiya, matanga yaye, kha ma ghwimbega. Khavbo avbo, va na kabaniswa pfimba nya phango nya wungi wu phangidwego; ambari ni silima si na phanga niso.

Isaya 4:5

Pfhumu Nungungulu a na gira lipfhi a fenengedza vbatshani nya gigomo gya Siyoni ni umo va tshanganelago umo vathu, a na gu fenengedza khu lipfhi mihani yile, vbawutshigutunu, gu tuviga wutshi ni gungangamela nya nilo; kholu gungangamela ga Pfhumu gu na gu fenengedza khu maphuvbo yatshavbo.

Isaya 48:16

Hidzimelani avbo gwangu, mu tapwa esi: Gukhugela guhegulani, kha nya ganela khu gisihaledza; gukhugela avbo si nga giregago silo sesi, nyi diromo avbovbo. Gasi olu, Pfhumu Nungungulu a nyi rumide gumogo ni Liphuvbo laye.

Isaya 60:18

Kha gu na pwala gambe gu ganedwa khu dzihanyi tigoni gwago, khu vaphangi mwendro vapfhungumuli, mivbinganoni gwago. “U na rana mabhiyo yago khuwe “Guvbanyisa” ni dzinyangwa dzago khuwe “Rungudzo.”

Isaya 60:19

Lidambo kha li na khala gambe wenengedzo wago wa vbamihanitunu, ambari gu wengwa khu ngima, kholu Pfhumu Nungungulu a na bani ari uye wenengedzo wago kala gupindruga, Nungungulu wago a na bani ari uye wudhumo wago.

Jeremiya 27:7

A na thumedwa khu vathu nya mayigo yatshavbo, uye, sanana saye gumogo ni situgulwana saye, kala gu vboha gikhati mayigo nya mangi ni mifumo nya yikhongolo yi na mu girago khumbi.

Jeremiya 28:9

Gambe muprofeti a gu profeta khuye, gu na manega gurula, magana yaye ma tadzisega, khavbo a gupwani lisine, rumidwe khu Pfhumu Nungungulu.

Jeremiya 8:19

Nya gu yingisa dzihuwa nya miketo ya nyamahegyane wa vathu vangu, huwa yi pwalago tigoni momu gwatshavbo, khavo: “Gasi Pfhumu Nungungulu kha manegi gambe Siyoni, gani? Mufumeli waye kha manegi gambe mule, gani? Khu ginani va nyi gorosago va nyi wusela likhulo khu sifananiso sawe nya guvatwe, ni vanungungulu va mambe mayigo?

Ezekiyeli 39:10

Kha va na resa dzikhuni khu gundze, ambari gu dzi koka khabini, aholu khu matshari va na vasa khayo nilo; va na wandra ga vale va nga va wandrelago, va na phanga ga vale va nga va phangago, a ngu ganela Mune Pfhumu Nungungulu.

Joyele 2:27

Khavbo mu na dzitigo gukhenu, eni nyi womo vbakari gwa va na Israyeli, a gu eni Pfhumu Nungungulu wanu, mwalo mumbe; vathu vangu gima kha va na thega dzitshoni kala gupindruga.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Habhakuka 2:8

Kholu uwe u phangide dzithomba nya mayigo nya mangi, vathu vatshavbo va tshadego va na gu phanga nuwe. Kholu, uwe u vbaladzide novba nya wungi ngudzu, u girela dzihanyi mayigo, ni madhoropa gumogo ni vavbanyi vakone.

Sofoniya 2:9

Khu kharato, nyi ngu sambanya khu womi wangu, a ngu ganela Pfhumu nya Tshivba Yatshavbo, Nungungulu wa Israyeli, khu lisine, Mowabhi a na fanana ni Sodhoma, sanana sa Amoni si fanana ni Ghomora, marembwe yawe ma na tala khu miba ni siruga nya munyu, gu na vbindrugedza gu khala giwula kala gupindruga. Va na phangwa khu mitshaledwa nya vathu vangu ni mitshaledwa nya vathu vangu yi na wandra mayigo yawe ma khala thomba yawe.

Sofoniya 3:15

Pfhumu Nungungulu ndreyiside sitsayiso a nga bani a dongisede guta gu tsayisa khiso, a tutumiside hwindzo valala vago, Pfhumu Nungungulu, Mufumeli wa Israyeli, womo vbakari gwago. Gima khu na nga wona gambe guvivba.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Zakariya 2:8

Kholu Pfhumu Nungungulu nya Tshivba Yatshavbo, a ngu ganela kharati, khuye: Hwane nya gu na nyi rumede ga mayigo ma mu phangidego; kholu wule a mu kuhago a gu kuha ndzololwane nya liso laye.

Zakariya 4:9

“Mandza ya Zorobhabheli ma tsitside khokhweni nya nyumba yeyi, mandza yaye gambe ma na vbedzisa gu yi vbaha. Gasi mu kodza gu dziti nya gukhenu Pfhumu Nungungulu nya Tshivba Yatshavbo a nyi rumede gwanu.

Zakariya 6:15

Ni avo va guromo hwindzo va nata va ta vbahedza Nyumba ya Pfhumu Nungungulu, khavbo mu na dzitigo gukhenu eni nyi rumedwe gwanu khu Pfhumu Nungungulu nya Tshivba Yatshavbo, isoso si na girega khu lisine mwa gu landrisa khu gutumbega lito la Pfhumu Nungungulu wanu.”

Zakariya 9:15

Pfhumu Nungungulu nya Tshivba Yatshavbo a na vhikela vathu vaye, a na mbembisa valala vaye, va gandredzela siwindri nya gundziwitedwe; va na sela novba wa valala vawe va gira ligwaha kha nga vathu va levidego khu vbinyu; kha nga novba nya sirengo wu tadzago dzimbiya nya miphaso, va mitegedzela kha nga mati dzikhonani nya giluvelo.

Johane 13:19

Nya gu mi embela na si si dugeleli, gasi sa gu dugelela mu dzegela gu dzitini, kheni mani.

Johane 16:4

Gasi olu nya gu mi embela esi, gufela gu gya gu vboha gikhati gyakone, mu dundruge gukhenu, nyi di mi embede; kha nya mi embelani gukhugela guhegulani, kholu nyi diri nanu.