Zakariya 2:6 - Bhibhiliya Nya Guage

⁶ Pfhumu Nungungulu wari, khuye: Dzi woneleni! Dzi woneleni! Olu thavani khu tigoni ga Wuronga, kholu eni nyi mi phalalegiside ga dzikhona dza dzina nya litigo, a ngu ganela Pfhumu Nungungulu.

Zakariya 2:6 Iomraidhean Croise

Genesi 19:17

Na dzi gu mu dusa vbavbandze, dzi di mu embela, khidzo: “Vbanyisa womi wago! U nga khedzisi hwane gwago, gambe u nga emi wulanga panini, thavela gigomoni gasi u si mbembi!”

Dzindzimo 44:2

Uwe khu mandza yago u tutumiside mayigo u fela gu emisa vababe vathu; u tshaniside mahundzu, gasi gu dandrisa vababe vathu.

Isaya 48:20

Duga khu tigoni ga Bhabhiloni, thavani vbakari ga Vakalidhiya, mu tivisa esi na mu gu kulungela khu gutsaka; si huweleleni kala mahegiso nya litigo; mu ganela, khenu: “Pfhumu Nungungulu tshudziside githumi gyaye Jakobe.

Isaya 55:1

Enu mwatshavbo mu pwago lidora, deluni gibugani nya mati; ni enu mu gu mwalo dzitsapawu, deluni mu ta renga mu hodza; ina, deluni mu ta renga na muri mwalo dzitsapawu, mu na mana vbinyu ni mahwe mahala.

Jeremiya 1:14

Pfhumu Nungungulu a di nyi embela, khuye: Mhango yi nata khu Wuronga ga vavbanyi vatshavbo va tigoni.

Jeremiya 15:4

Nyi na va ningela va khala gihegiso ga mifumo yatshavbo ya mafuni; khu kotani ya Manasi, mwamana wa Ezekhiya, mufumeli wa Judha, khu satshavbo iso a giridego Jerusalema.

Jeremiya 3:18

Khu matshigu yoyo, Vajudha ni va na Israyeli, va na gimbila gumogo, na va guta khu tigoni ga Wuronga gasi gu hongola ga litigo nyi ningidego vababe vawe gu khala thomba yawe.

Jeremiya 31:10

Enu mayigo, yingisani magana ya Pfhumu Nungungulu, ma pwadzeni ga mayigo ya sidwani ga hwindzo, mu ganela, khenu: Wule a phalalegisidego vathu va Israyeli, a na va tombanisa ni gu va hetedza, kha nga muhavisi a tshanganisago tshambi waye.

Jeremiya 31:38

Pfhumu Nungungulu a ngu ganela, khuye: Wonani, ma nguta matshigu, lidhoropa leli li na vbahedzwago nyaluphye, li vbahedwa Pfhumu Nungungulu, gukhugela Likhokhola la Hananeli kala Nyangwa nya Gutshangane.

Jeremiya 31:8

Wonani gukhenu, nyi na va wuyisa khu tigoni ga Wuronga, nyi va tombanisa va duga mahegiso nya litigo; nyi na va wuyisa gumogo ni sikhumu, va nya guhasa, vanyamayi nya dzimimba ni vale va lumwago.

Jeremiya 50:8

Enu thavani vbakari ga Bhabhiloni, dugani khu tigoni ga Vakalidhiya, mu girani kha nga vanyamabhongwe va thangago mbeli nya tshambi.

Jeremiya 51:45

Enu vathu vangu dugani vbakari gwaye! Muthu ni muthu a na vbanyise womi waye, thavani likhulo nya guthise la Pfhumu Nungungulu.

Jeremiya 51:50

Enu mu vbulugidego gu songwa khu matshari, thavani, vbiredzani gu khuga, thavelani mayigo ya hwindzo, ambari na muri hwindzo mu nga divaledwi khu Pfhumu Nungungulu, myonyo yanu yi na alakanye Jerusalema.

Jeremiya 51:6

Thavani khu dhoropani ga Bhabhiloni! Moyo ni moyo, a na vbulugise womi waye! Mu nga songwa khu kotani nya sighoho sawe, Kholu, egi khu gikhati Pfhumu Nungungulu a dzi phodzelago; a va bweledzela gukhedza khu mithumo yawe.

Ezekiyeli 11:16

Khu guralo, va embele, khuwe: Mune Pfhumu Nungungulu, a ngu ganela kharati, khuye: “Ambari eni nyi va rumidego gu hongola mayigoni ya hwindzo ngudzu, ambari nyi va phalalegisa vbakari nya mayigo, khu gikhatinyana, nyi na khala nyumba nya miphaso, ga mayigo va yisidwego umo.”

Ezekiyeli 17:21

Vathu vaye vatshavbo va na gu thavago, gumogo ni masotshwa yaye yatshavbo, va na songwa khu matshari, avo va na tshalago va na phalalegiswa khu maphuvbo yatshavbo. Khavbo mu na dzitigo gukhenu eni Pfhumu Nungungulu, nyi ganede.

Ezekiyeli 5:10

Khu guralo, vbakari gwago, vavelegi va na hodza sanana sawe, ni sanana niso, si na hodza vavelegi vawe; nyi na gu tsayisa, nyi phalalegisa mitshaledwa yago khu maphuvbo yatshavbo.

Ezekiyeli 5:12

Gipandre nya wuraru nya vathu vago gi nafa khu mitungu mwendro ndzala vbakari gwago; gipandre nya wuraru va na songwa khu matshari vbavbandze nya lidhoropa, ni gipandre nya wuraru nyi na va phalalegisa khu maphuvbo yatshavbo ni gu va lundra na nyiri ni litshari mandzani.

Dhaniyeli 11:4

Gambe avbo a na gu dzipwago na tiyide gwadi, mufumo waye wu na pfhungumudwa wu kabaniswa khu sipandre sina sa ndzadzini. Kha wu na thaphela ga situgulwana saye, ni mufumo wakone kha wu na nga mana tshivba nga guhegulani, kholu wu na sigudwa wu ningedwa vambe.

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Zakariya 1:16

Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”

Zakariya 2:7

Yingisa, uwe Siyoni! Thavani enu mu vbanyago Bhabhiloni.

Matewu 24:31

A na rumela dzingilozi dza Nungungulu gu womba pundru nya gudzume ngudzu, gasi gu tombanisa sihathwa sa maphuvbo yatshavbo ya mana, gukhugela mahegiso kala mahegiso nya mafu.

Marko 13:27

A na rumela dzingilozi dzaye gasi guta tombanisa sihathwa sa maphuvbo yatshavbo ya mana, gukhugela mahegiso nya litigo kala mahegiso nya ndzadzi.

Dhewuteronome 28:64

Pfhumu Nungungulu a na mi phalalegisa ga mayigo yatshavbo gukhugela mahegiso kala mambe mahegiso nya litigo; iyoyo mu na ya thumela vanungungulu nya guvatwe khu misimbo ni siwindri, avo mu si vatigo ambari vababe vanu navo va ngamba vati.

Gutuledwa 18:4

Nyi dipwa gambe lito khu ndzadzini, na li gu ganela, khilo: “Dugani enu vathu vangu khu dhoropani momo, gasi mu si hengeli naye sighoho saye, mu patwa nenu sitsayisoni gwaye.

Rute 4:1

Khavbo avbo, Bhowazi a di gwela tandralani nya lidhoropa aya khala umo. A di wona mwama yoyu nya nongo a nga mu ganelago na guta; a di mu embela, khuye: “A ma sawu, nga ndreya u ta eno, khala avba.” Uye a di thendregedza a ta khala.