Zakariya 2:4 - Bhibhiliya Nya Guage

⁴ yi ya yi embela, khiyo: “Tutuma u ya embela lidzaha lile, khuwe: Jerusalema gu na khala kha nga mitalala nyambana mabhiyo khu kotani nya talo nya vathu vaye ni sifuyo saye nya singi.

Zakariya 2:4 Iomraidhean Croise

Isaya 33:20

Wonani Siyoni, lidhoropa hi girelago umo mibuzo yathu; maho yago ma na wona Jerusalema, wulanga nya gutenge, tshatsha wu na gumba sigudwa, madingo yaye gima kha ma na nga sigudwa, ambari ni dzingodzi dzaye gima kha dzi na kaviga.

Isaya 44:26

Aholu nyi ngu tiyisa magana ya githumi gyangu, nyi landrisa makungo ya sirumwa sangu, kheni nyi ganelago ga lidhoropa la Jerusalema, kheni: “Vathu va na bwelela va ta khala umo, nyi embela madhoropa ya Judha, kheni: Ma na vbahedzwa;” nyi na wusedza marumbi yawe.

Isaya 49:20

Ambari ni sanana u nga velegago gikhatini nya wuvi, si na gu embela, khiso: Wulanga wowu wudugwana ngudzu; hi vbwetele wumbe nya gu hi khale umo.

Isaya 54:16

Wona gukhuwe, kheni nyi vangidego mupfhuli nya dzisimbi, khuye a khuthago nilo wu gira magala, a pfhula matshari ma thumiswago mithumo nya guhambanelane; nyi vangide gambe musaseli, gasi gu a sasela.

Jeremiya 1:6

Khavbo avbo, eni nyi di hakha, kheni: “Oh! Pfhumu Nungungulu! Wona nya gukhuwe kha nyi kodzi gu ganela; kholu eni nyi ngari gyanana.”

Jeremiya 31:24

Malangani momo va na vbaha va na Judha ni madhoropa yaye yatshavbo, gumogo gambe ni valimi ni avo va havisago mitshambi, va na mana gukhadzisega.

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 33:22

Livelego la githumi gyangu Dhavhidhe, ni la va na Levhi va nyi thumelago, nyi na va gira va tala kha nga dzinyeledzi dza ndzadzini, ni fungo wa phwani nyamba pimwa.

Ezekiyeli 38:11

U na ganela, khuwe: Nyi naya dhumela litigo li gu ni mitalala nyamba bhiywa, nyi dwanisa vathu nya gurule va si dileligo gilo, va vbanyago madhoropani nyambana mabhiyo, nyambana malimba ambari sikwinyaro.

Dhaniyeli 1:17

Nungungulu a di ninga madzaha yaya nya mana, guti ni gu pimisa ni wugengeli nya milowo yatshavbo. Gu diga nya isoso, Dhaniyeli a di mana mapimo nya gutshamusele mafumbu yatshavbo nya siwoniso ni dzindroro.

Dhaniyeli 1:4

Madzaha nyamba hasa, nya wumburi, va hevbudego, nya gugengele ni guti, na vari ni mapimo, na va vbelede gululama, na va hevbude ni tshivba, gasi guya vegwa nyumbani nya wufumu, va hevbudzwa milowo ni lidimi nya Vakalidhiya.

Mikeya 7:11

Khu litshigu nya guvbahedzwe nya mabhiyo yago, khilo litshigu lolo mivbingano yago yi na dusedwago yi yiswa hwindzo.

Zakariya 1:16

Khu guralo, Pfhumu Nungungulu, a ngu ganela kharati, khuye: “Eni nyi na wuya nyaluphye Jerusalema na nyi tade khu gisiro; nyumba yangu yi na vbahedzwa umo, a ngu ganela Pfhumu Nungungulu nya Tshivba Yatshavbo, ni ngodzi nya gupime khiyo, yi na thawuludzwa Jerusalema.”

Zakariya 1:17

“Huwelela gambe, u ganela, khuwe: Pfhumu Nungungulu nya Tshivba Yatshavbo a ngu ganela kharati, khuye: Madhoropa yangu ma na bwelo khavbo ma tala gambe khu makategwa; Pfhumu Nungungulu a na tangadzisa Siyoni, a wuya gambe a hatha nyaluphye Jerusalema.”

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Zakariya 14:12

Owu khuwo tungu a nga wu thumisago Pfhumu Nungungulu gasi gu bayisa khuwo mayigo yatshavbo ma nga wugelago Jerusalema; nyama yawe yi na hina na va nga gu vbanya; maho yawe ma na hina musikodoni gwawe, ni malimi yawe ma na hina maganani gwawe.

1 Thimoti 4:12

Kha gu vbwetegi ni moyo a gu yeyisa khu gukhuye u ngari gikhwathana. Gu vbwetega u khale giwonelo ga vakhodwa khu maganelelo, ni magirelo ni lihaladzo, ni gukhodwa, ni mavbanyelo nya yadi.