Zakariya 13:9 - Bhibhiliya Nya Guage

⁹ Gipandre gegi nya wuraru, nyi na gi vbindrisa khu niloni, nyi na va agisa kha nga idzo yi agiswago khidzo parata, nyi na mu linga kha nga idzo yi lingwago khidzo ndralama. A na rana lina langu, Eni nyi na mu hakha; kheni: Ava vathu vangu, avo va na hakha, khavo: Pfhumu khuye Nungungulu wangu.

Zakariya 13:9 Iomraidhean Croise

2 Samuweli 7:24

U emiside vathu vago va na Israyeli, gasi va khale vathu vago kala gupindruga, Gasi uwe Pfhumu u khade Nungungulu wawe.

Joba 23:10

Aholu Uye a ngu yiti ndzila yangu; umo nyi gimbilago khumo, a gu nyi linga, nyi na fanana ni ndralama.

Joba 28:1

“Lisine, hi ngu dziti gukhethu, womo wulanga gu duswago umo parata, ni umo yi nyiviligiswago umo ndralama.

Dzindzimo 144:15

Va kategide vathu va manago mathomo yaya, va kategide vathu Pfhumu, a gu Nungungulu wawe.

Dzindzimo 43:4

Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

Dzindzimo 50:15

Nyi rane litshigu nya sigaradzo; eni nyi na gu vbanyisa, uwe u na nyi dhumisa.”

Dzindzimo 91:15

A gu nyi rana, eni nyi na mu phindrula, gusanisekani gwaye nyi na bani nyiri naye, nyi na mu vbanyisa nyi mu ninga wuzundzo.

Mavingu 17:3

Parata ya gu lingwa khu nilo ni ndralama ya gu nyiviligiswa khu lidhingiso, aholu myonyo ya vathu ya gu lingwa khu Pfhumu Nungungulu.

Gizimba 2:16

Gigodwa gyangu gya gulumba eni, eni neni nya gulumba uye tshambi waye a gu havisela vbakari nya senge.

Isaya 43:2

Ambari wa guvbindra khu matini, eni nyi na bani nyiri nago, wa gu tsemakanya mitsongo, gima khu na dzama. Wa guvbindra khu vbakari nya nilo, gima khu na nga vbya, ambari gu vbiswa khu malavbelavbe.

Isaya 48:10

Wona nya gukhuwe nyi gu hutide ambari u gu siri parata; nyi gu lingide umo nya nilo nya guthise.

Isaya 58:9

Khavbo avbo, wa gu rana Pfhumu Nungungulu, a na gu hakha; wa gu khusa lito u lomba guphaswa, Uye a na hakha, khuye: Nyi womo avba! Isoso si na kodzega basi mwa gu tshulani mikanga mu gu nayo, ni gu diga gu sungedza muthu khu nyala ni gu ganela silo nya malipha

Jeremiya 24:5

“Pfhumu Nungungulu wa Israyeli, a ngu ganela kharati, khuye: Kha nga u wonago dzindzawa dzedzi nya dzadi, nyi na gira gambe kharati ga vathu va vbagedwego va na Judha, va yiswa wugumbini nyi nga va yisago tigoni nya Vakalidhiya, hwindzo ni wulanga wowu, Eni nyi na va sayisa gwadi va fanana ni dzindzawa dzedzi.”

Jeremiya 30:22

Enu mu na bani muri vathu vangu, ni Eni nyi na bani nyiri Nungungulu wanu.”

Jeremiya 31:33

Kholu egi khigyo gidzumeledzwano nyi na gu girago ni ndranga ya Israyeli hwane nya matshigu yale, nyi na lova nayo wangu myonyoni gwawe nyi wu vega mapimoni gwawe; Eni nyi na khala Nungungulu wawe, avo va na khala vathu vangu; a ngu ganela Pfhumu Nungungulu.

Jeremiya 32:38

Avo va na khala vathu vangu, Eni nyi na bani nyiri Nungungulu wawe.

Jeremiya 9:6

Va gu vbanya vbakari nya guvivbe; khu kotani nya isoso, kha va khathali khu Eni; a ngu ganela Pfhumu Nungungulu.

Ezekiyeli 11:20

Satshavbo soso gasi va kodza gu landrisa silayelo sangu ni gu vegisa milayo yangu, va wuya va yi thuma; avo va na khala vathu vangu, Eni nyi na khala Nungungulu wawe.

Ezekiyeli 14:11

gasi va na Israyeli va si hambani gambe ni Eni, ambari gu dzi nyenyezisa khu sighoho sawe, avo va na khala vathu vangu, ni Eni neni nyi na khala Nungungulu wawe; a ngu ganela Mune Pfhumu Nungungulu.

Ezekiyeli 20:38

Nyi na kasa vbakari gwanu vale va nyi kanyisago ni gu nyi wugela. Nyi va dusa tigoni mule va vbanyago umo, aholu kha va na wuya tigoni ga Israyeli. Khavbo mu na dzitigo gukhenu, eni kheni Pfhumu Nungungulu.

Ezekiyeli 36:28

Mu na vbanya tigoni nyi ningidego vababe vanu; enu mu na khala vathu vangu, Eni nyi na khala Nungungulu wanu.

Ezekiyeli 37:27

Nyumba yangu nya miphaso, yi na bani yiri navo; eni nyi na khala Nungungulu wawe, avo va na khala vathu vangu.

Dhaniyeli 11:35

Aholu vambe va nya guti, va na songwa gasi gu lingwa, ni gu agiswa kala gikhati nya mahegiso, kholu guhegisa gu na vboha khu gikhati gi emisidwego.

Dhaniyeli 12:10

Va nya gutala va na handzwa va aga ni gu lingwa, aholu va nya guvivbedwa khu myonyo va na gira silo nya guvivbe, mwalo nya avo a na gu si pimago, aholu va nya guti, va na si pima.

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Levhi 26:12

Nyi na bani nyiri vbakari gwanu, nyi khala Nungungulu wanu, enu mu khala vathu vangu.

Zakariya 10:6

Nyi na ninga tshivba nyumba ya Judha, nyi wuya nyi vbanyisa nyumba ya Josefa, eni nyi na va wuyisa nyaluphye, kholu nyi ngu va pwela wusiwana. Va na gira gukhwatshi gima kha nya nga va diga, kholu eni kheni Pfhumu Nungungulu wawe, nyi na va ninga phindrulo.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Zakariya 8:8

nyi na va resa, va ta khala vbakari ga Jerusalema; va na bani vari vathu vangu, Eni neni nyi na bani nyiri Nungungulu wawe khu lisine ni gululama.”

Mithumo 2:21

Muthu watshavbo a gu lombelela khu lina la Pfhumu a na vbanyiswa.’

Vahebheru 8:10

Egi khu gidzumeledzwano nyi na girago ni vathu va na Israyeli, hwane nya matshigu yale, a ngu ganela Pfhumu, khuye: Nyi na thela milayo yangu mapimoni gwawe, nyi yi lova myonyoni gwawe. Eni nyi na khala Nungungulu wawe, avo va na khala vathu vangu.

Jakobe 1:12

Kategide muthu a timiselago gu lingwa kholu, hwane nya gu na lingidwe, a na hakha gihugu nya guvbanye gi nga tumbiswago khu Pfhumu ga vale va mu golago.

1 Pedro 4:12

Sigodwa sangu, mu nga liwugi khu gu wona silingo sesi nya gulemele si mi dugelelago, nga khwatshi silo siphya nya gusamadzise mu si wonago.

Gutuledwa 21:7

Oyu a na palago a na hakha thomba yeyi, eni nyi na khala Nungungulu waye, ni uye a khala gyanana gyangu.

Gutuledwa 8:10

Ngilozi nya wuraru yi di womba niyo pundru waye, nyeledzi nya yikhongolo yi di thega khu ndzadzini, na yi gu dzura kha nga mwenge. Yi thegede gipandre nya wuraru nya mitsongo ni sifefe nya mati.

Gutuledwa 8:11

Nyeledzi yoyo ya gu ranwa gupwani khiyo “Guvava.” Gipandre nya wuraru nya mati ma di vbindrugedza ma vava. Vathu nya vangi va fude khu kotani nya mati, ma nga vbindrugedza ma gu vava.

Gutuledwa 8:12

Ngilozi nya wu na yi di womba pundru, khavbo avbo, gipandre nya wuraru nya lidambo, nigyo nya ngima, nigyo nya dzinyeledzi, si di thapedwa niso; si gu tshimega. Gipandre nya wuraru nya mihani nigyo nya wutshigu si di khala gidemani.

Gutuledwa 8:7

Ngilozi nya guhegule yi di womba pundru. Khavbo avbo, gu di thega maralala ni nilo tigoni, na si patidwe ni novba. Gu divbya gipandre nya wuraru nya litigo ni misimbo yakone, mwasi watshavbo nya guvbanye wu di tsagamiswa khu luvbya.

Gutuledwa 8:8

Ngilozi nya wuvili yi di womba pundru. Gilogyo nya gufanane ni gigomo nya gikhongolo nya gungangamele nga nilo gi di rinywa linene. Khavbo avbo, gipandre nya wuraru nya yiphwa yi di vbindrugedza yi khala novba.

Gutuledwa 8:9

Gipandre nya wuraru nya sivangwa si vbanyago phwani si difa ni gipandre nya wuraru nya dzingalava dzi di mbemba.