Zakariya 13:3 - Bhibhiliya Nya Guage

³ Ni wevbini muthu a na yedzago gu gira wuprofeti, babe ni mayi waye va nga mu velegago, va na mu embela, khavo: “Khu na nga vbanya, kholu u ganede malipha khu lina la Pfhumu Nungungulu; avbo a na phelago gu profeta, babe ni mayi waye va nga mu velegago, va na mu paya afa nari vbakari nya guprofete.

Zakariya 13:3 Iomraidhean Croise

Jeremiya 23:25

Nyi yingiside malipha ma ganedwego khu vaprofeti khu lina langu, avbo eni nyi ngamba va ninga siwoniso soso, va ganela, khavo: Hi di loriswa! Hi di loriswa!

Jeremiya 23:34

Muprofeti, muphasi nya mhamba mwendro mumbe muthu a na ganelago, khuye: Aya khu magana hi rumedwego khu Pfhumu Nungungulu, muthu yoyo nyi na mu tsayisa uye gumogo ni ndranga yaye.

Jeremiya 28:15

Muprofeti Jeremiya a di embela muprofeti Hananiya, khuye: “Hananiya, olu yingisa malito yangu: Uwe khwa rumedwa khu Pfhumu Nungungulu, uwe wa gu pengisa vathu va khodwa khu malipha yago.

Ezekiyeli 13:23

Khu kotani nya isoso, kha mu na mana gambe siwoniso nya malipha, gima kha mu na gira gambe wuprofeti. Nyi na tshudzisa vathu vangu mandzani gwanu. Khavbo mu na dzitigo gukhenu Eni kheni Pfhumu Nungungulu.”

Ezekiyeli 14:9

Aholu muprofeti a gu kanganyiswa, a profeta gilo nya gukari, eni kheni Pfhumu Nungungulu nyi nga phazamisago muprofeti yoyo, nyi na thawuludza gyandza gyangu nyi mu fuvisa, vbakari ga vathu vangu va na Israyeli.

Ezekiyeli 43:7

“Mwamana wa muthu, owu khuwo wulanga nya gikhalo gyangu nya wufumu, ni wulanga wu gandredzedwago khu migondro yangu, avbo nyi na vbanyago vbakari ga sanana sa na Israyeli kala gupindruga; va na Israyeli gima kha va na nyenyezisa gambe lina langu nya gukatege, avo, mwendro vafumeli vawe, khu kotani nya wubhayi wawe; ni gu vega umo sirumbi sa vafumeli vawe.

Matewu 10:37

“Uye a golago babe mwendro mayi guvbindra idzo a nyi golago khidzo, kha nyi faneli. Ni uye a golago mwanaye nya gikhwathana mwendro nya gyagadzyana guvbindra idzo a nyi golago khidzo, kha nyi faneli.

Luka 14:26

“Uye atago gwangu a mba diga babe, mayi, mwangadzi, sanana, vandriyaye, ni gu dzi diga uye mune, kha dzi kodzi gu khala mupizane wangu.

2 Vakorinto 5:16

Ethu olu kha hi nga gu pimisa gambe muthu khu mawonelo nya wuthu wa mafuni. Ambari olu gale hi nga pimisa kharato khu Kristo, olu kha hi pimisi gambe kharato khu uye.

Dhewuteronome 18:20

Aholu muprofeti a na gu tshuka a ganela khu lina langu nya sa mu ruma, mwendro gu ganela khu lina la vambe vanungungulu, muprofeti yoyo a na songwa afa.

Dhewuteronome 33:9

wule U nga embelago babe ni mayi waye, khuwe: Gima nyi si gu mi woni; ni vandriyaye kha nga vati, uye a si khathaleligo sanana saye, kholu vegedzide magana yago ni gu landrisa gidzumeledzwano gyago.