Zakariya 13:2 - Bhibhiliya Nya Guage

² Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze.

Zakariya 13:2 Iomraidhean Croise

1 Dzipfhumu 22:22

Ilo li di hakha, khilo: Eni nyi naya duga nyi khala liphuvbo nya vaprofeti nya malipha kanani ga vaprofeti vaye vatshavbo. Khavbo avbo, Pfhumu Nungungulu a di li ruma, khuye: Lisine, gimbila uya gira kharato kha nga idzo u ganedego; u naya mu kanganyisa.”

Dzindzimo 16:4

Avo va khozelago vanungungulu nya malipha, va gu dzi tadzela vanungungulu, va engedzela gutshaniseka gwawe. Eni gima kha nyi na hengela navo wughevenga wawe, likana langu gima kha li na rana malina yawe.

Ekisodha 22:13

Gya gu bani giri gi di hodzwa khu sirengo nya likhabi, oyu a lelisidwego a na resa sipandre si tshadego gasi gu ta nonedza a tiyisa lisine laye. Kharato, kha na nga livba egi gi hodzidwego khu sirengo nya likhabi.

Ekisodha 23:13

Mu na sayisa magana yatshavbo nyi mi embedego. Malina ya vambe vanungungulu ni gu ma khumbuga basi mu nga ma khumbugi. Ma nga tshuki ma pwala maganani gwanu.

Isaya 2:18

Sifananiso satshavbo nya vanungungulu nya malipha si na khungumuledwa muphelo.

Isaya 2:20

Khu litshigu lolo, vathu va na dzudzugela ga magondzo ni makoha sifananiso nya vanungungulu nya parata ni ndralama, iso va nga si girago gasi gu si khozela.

Jeremiya 29:23

kholu va nga girago silo nya gulolele ga va na Israyeli, va bhaya ni vagadzi va vaakelane vawe ni gu dzi gira vaprofeti vangu, va ganela khu lina langu nari malipha, na nya sa va ruma gilo; satshavbo soso nyi ngu siti, gambe kheni fakazi yakone.” A ngu ganela Pfhumu Nungungulu.

Ezekiyeli 12:24

Kholu, kha gu na manega gambe siwoniso nya malipha, mwendro nyatumbatumbane nya wukanganyisi, vbakari ga va na Israyeli.

Ezekiyeli 13:23

Khu kotani nya isoso, kha mu na mana gambe siwoniso nya malipha, gima kha mu na gira gambe wuprofeti. Nyi na tshudzisa vathu vangu mandzani gwanu. Khavbo mu na dzitigo gukhenu Eni kheni Pfhumu Nungungulu.”

Ezekiyeli 14:9

Aholu muprofeti a gu kanganyiswa, a profeta gilo nya gukari, eni kheni Pfhumu Nungungulu nyi nga phazamisago muprofeti yoyo, nyi na thawuludza gyandza gyangu nyi mu fuvisa, vbakari ga vathu vangu va na Israyeli.

Ezekiyeli 30:13

Mune Pfhumu Nungungulu, a ngu ganela kharati, khuye: Nyi na khungumula gambe sifananiso, ni gu vbedza vanungungulu va Menifisi; kha gu na manega gambe vathangeli tigoni ga Egipito, nyi na thela hwanga tigoni gwatshavbo.

Ezekiyeli 36:25

Khu guralo, nyi na mitegedzela mati nya gukatege vbatshani gwanu, mu agani; nyi na mi agisani gunyenyezani gwanu gwatshavbo mu nga dzi nyenyezisa khu sifananiso sanu.

Ezekiyeli 36:29

Nyi na mi vbulugisa guvivbani gwanu gwatshavbo; nyi na mu resela tirigu, gambe nyi na yi andrisa, kha nyi na mu resela gambe ndzala.

Ezekiyeli 37:23

Gima kha va na dzi nyenyezisa gambe khu sifananiso sawe, ambari khu guvivba gwawe, mwendro khu gevbini gimbe nya guhambanise gwawe nya nayo; nyi na va vbulugisa guyeyisani gwawe gu nga va gurumedza gughoha, eni nyi va agisa. Khu guralo, avo va na khala vathu vangu, Eni nyi na khala Nungungulu wawe.

Ezekiyeli 43:7

“Mwamana wa muthu, owu khuwo wulanga nya gikhalo gyangu nya wufumu, ni wulanga wu gandredzedwago khu migondro yangu, avbo nyi na vbanyago vbakari ga sanana sa na Israyeli kala gupindruga; va na Israyeli gima kha va na nyenyezisa gambe lina langu nya gukatege, avo, mwendro vafumeli vawe, khu kotani nya wubhayi wawe; ni gu vega umo sirumbi sa vafumeli vawe.

Ezekiyeli 6:6

Ni evbini mu na ya vbahago umo, madhoropa ma na khungumudwa, ni siluvelo nya wuhedheni si na pandreledwa si khala marumbi, ni siluvelo sawe nya libani si na khungumudwa ni yatshavbo mithumo ya mandza yanu yi na fuviswa.

Hoseya 14:8

Enu va na Efrayimi: Kha nyi vbweti gambe gupwa gilo khu sifananiso sanu? Kheni kamwe nyi mu ningago phindrulo nyi bwelo khavbo nyi mu sayisa. Eni nya gu nyuga gu fanana ni simbo nya pinyu, mihandro yago, ya gu dugela avbo gwangu.

Hoseya 2:17

Nyi naya mu bweledzela marembwe yaye nya miuvya, nyi vbindrugedza kova wa Akori, wu khala nyangwa nya gitumbo. A naya embelela kha nga matshiguni nya wumbiri waye, ni litshigu a nga dugago khilo khu tigoni ga Egipito.

Hoseya 2:19

Nyi na dusa kanani gwago malina ya Vabhahali, malina yawe khu na ma dundruga gambe.

Mikeya 2:11

A gu manega muthu nya malipha ni wukanganyisi, a ta ganela, khuye: Nyi na mi profetela khu vbinyu ni wadwa nya guvave; muprofeti yoyo a na khala muprofeti wa tigoni momo.

Sofoniya 2:11

Pfhumu Nungungulu a na thisa vbakari gwawe, kholu a na fuvisa vbakari gwawe vanungungulu vatshavbo va mafuni; vatshavbo va nata mu khozela, muthu ni muthu gukhugela tigoni gwawe, ambari sidwa sa hwindzo ni lihundzu lawe.

Matewu 12:43

“Liphuvbo nya guvivbe la gu duga khu ga muthu la gu legalega ni giwula, li gimbila li guvbweta wulanga nya guhefemule, li wu hamuga.

Matewu 7:15

“Dzi woneleni ni vaprofeti nya malipha, va tago vbakari gwanu kha nga dzinvuta, gasi khu ndrani masolwa nya guvbelele.

Luka 11:20

Gani olu, nya gu bani nyi tutumisa maphuvbo nya guvivbe khu tshivba ya Nungungulu, khigyo giyeyedzo nya gupwani Mufumo wa Nungungulu wu vbohide vbakari gwanu.

Dhewuteronome 12:3

mu na khungumulela siluvelo sawe, mu pilela madingo yawe, mu vbisa sihuru sa vanungungulu vawe, mu pandrelela sifananiso nya vanungungulu vawe nya dzisimbi nya gunyiviligiswe, mu futa lina lawe ga wulanga wule.

Dhewuteronome 18:20

Aholu muprofeti a na gu tshuka a ganela khu lina langu nya sa mu ruma, mwendro gu ganela khu lina la vambe vanungungulu, muprofeti yoyo a na songwa afa.

Josuwa 23:7

gasi mu si dzi tshanganisi ni mayigo yaya ma tshadego vbakari gwanu. Mu nga khumbugi malina ya vanungungulu vawe, ambari gu sambanya khavo, mu nga va thumeli ambari gu va khozela.

Gutuledwa 18:2

Yi di huwata khu tshivba khu lito nya gukhugege, khiyo: “Thegide! Thegide Bhabhiloni nya khongolo, gu vbindrugedzide gu khala wulanga nya madhimoni, phago nya maphuvbo yatshavbo nya guvivbe, ni wuthavelo nya sinyoni satshavbo nya gunyenyeze, si vengegago.

Gutuledwa 19:20

Aholu girengo gi di modwa gumogo ni muprofeti nya malipha, a nga girago siliwugiso tshivbani nya girengo, a gu pengisa vatshavbo ava va nga hakhago gifungo nya girengo ni va khozeli nya gifananiso gyaye. Va vavili va rinyidwe na va gu vbanya tsivani nya nilo wu dzurago na wu gu engedzedwa khu solufa.