Zakariya 12:3 - Bhibhiliya Nya Guage

³ Litshigu lolo, nyi na gira Jerusalema gu khala giwindri nya gulemele ga mayigo yatshavbo; oyu a na yedzago gu gi khusa, a na vbadzuledwa khigyo; mayigo yatshavbo ya mafuni ma na patana ma wugela Jerusalema.

Zakariya 12:3 Iomraidhean Croise

Isaya 60:12

Kholu litigo ni mufumo va na gumba gu thumela, va nafa; mayigo yoyo ma na pfhungumudwa hayo bhi.

Obhadhiya 1:18

Lihundzu la Jakobe, li na khala nilo; lihundzu la Josefe li na khala malavbelavbe; lihundzu la Esawu li na bani liri mavivi, va na rothana khu gyawe va dagarela; mwalo a na tshalago gambe wa nyumbani ga Esawu, kholu Pfhumu Nungungulu a ganede.

Mikeya 5:15

Khu likhulo ni giviti gyangu, nyi na phodza ga mayigo ma ngamba nyi yingisa.”

Mikeya 5:8

Mitshaledwa ya Jakobe yi na bani yiri vbakari nya mafumbu nya mangi, ni vbakari nya vathu nya mangi, kha nga nghala vbakari nya sirengo nya likhabi, kha nga ginghalana vbakari nya mitshambi nya dzinvuta, avbo gi vbindrago, gi na dzi gandredzela ni gu dzi vbadzulela nyamba manega muthu nya gu dzi vbulugise.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Sofoniya 3:19

Wona nya gukhuwe, khu gikhati gyogyo nyi na mbembisa valala vago vatshavbo; nyi vbanyisa silima ni gu wuyisela vatshavbo va nga bani va tutumisidwe; dzitshoni dzawe dzi na vbindrugedza dzi khala litsako, guzundzega ni ndruma yanu yi na phalalega ni mayigo yatshavbo ma nga bani ma mi poyila.

Agewu 2:22

nyi na thesa sikhalo nya mifumo, nyi khungumula dzitshivba nya mifumo ya va nya mayigo, nyi khungumulela dzikareta ni vakhileli vakone, dzikavalu ni vakhileli vakone dzi na theswa, moyo ni moyo a na songwa khu litshari la ndriyaye.

Zakariya 12:11

Khu litshigu lolo, gu na pwala huwa nya yikhongolo Jerusalema, kha nga huwa ya Hadhadhi-Rimoni, kovani ga Megidho.

Zakariya 12:4

Litshigu lolo, a ngu ganela Pfhumu Nungungulu, nyi na wusa pfilupfilu nyi thusa dzikavalu dzatshavbo, nyi handrugisa mapimo ya vakhileli va kone. Nyi na thendregedza maho yangu nyi khedza nyumba ya Judha nyi yi vhikela; nyi na gira dzikavalu dzatshavbo dza va nya mayigo dzi khala sikhumu.

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Zakariya 13:1

Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.

Zakariya 14:13

Litshigu lolo, vbakari gwawe gu na manega pfilupfilu nya yikhongolo ngudzu nya gugirwe khu Pfhumu Nungungulu; muthu ni muthu a na mola libogo la mungana waye, va na wugelana khu gyawe.

Zakariya 14:6

Litshigu lolo, gu na bani guri mwalo guwonegela ni gidema ni pfhuphelo.

Matewu 21:44

[“Uye a na thegelago vbatshani nya giwindri gegi, a na pferuga a gu khala sipandryana, uye a na thegedwago khigyo, gi na mu kuya a gu khala kudzudzwane.”]

Luka 20:18

Watshavbo uye a thegelago vbatshani nya giwindri gegi a na vbadzuledwa; gasi uye a thegedwago khigyo a na pfarwa.”

Gutuledwa 16:14

Aya khu maphuvbo nya mandriki ma girago siliwugiso, ma yago ga vafumeli vatshavbo va mafuni gasi gu va tshanganisa vata dwana nyimbi nya Litshigu Likhongolo la Nungungulu nya Tshivba Yatshavbo.