Zakariya 11:3 - Bhibhiliya Nya Guage

³ Gu pwala huwa nya gililo gya vahavisi! Kholu wudhumo wawe wu pfhungumudwe; gu pwala gubhonga nya dzinghala, kholu gu hafumudwe matshandza ya Joridhani.

Zakariya 11:3 Iomraidhean Croise

Dzindzimo 22:21

Nyi vbulugise kanani nya nghala ni dzikhehoni nya nyari; ina, nyi ninge phindrulo.

Isaya 5:29

Va gu bhonga, va gu fanana ni nghala, va na bhonga kha nga sanana nya nghala. Va na ngurura va gu mana pfimba va wu rwala va hongola, mwalo a na gu va wandrelago.

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Jeremiya 2:15

Singhalana si di bhonga vbakari gwawe, na si gu ngurura khu lito nya gukhugege; va vbisa madhoropa yawe, litigo lawe li khala marumbi nyamba khadwa khu muthu.

Jeremiya 2:30

Nyi tsayiside mahala vathu vago, kholu kha va dzumela gu kawukwa kheni; matshari yanu ma mbembiside vaprofeti vanu kha nga nghala yi vbadzulelago.

Jeremiya 26:6

khu guralo, nyumba yeyi nyi na yi gira yi fanana ni Silo, ni lidhoropa leli nyi na li vbindrugedza li khala givalo ga mayigo yatshavbo ya mafuni.

Jeremiya 49:19

Wonani nya gukhenu nyi nata kha nga nghala, yi dugago khu sipoponi sa Joridhani yi relela panini nya mahawo nya gunyuge; kholu, khu githugedza nyi na mu phalalegisa tigoni gwaye; khu wevbini uye nyi mu hathidego, nyi mu emisidego ga isoso? Khu mani a fananago ni Eni? Khu mani a na gu nyi wudzisago? Khu mani muhavisi a na tiyelago gu dwana ni Eni?

Jeremiya 50:44

Wonani nya gukhenu a nata kha nga nghala yi dugelago sipoponi sa Joridhani, yi bela wuhaviseloni nya mwasi nya gunyuge. Khidzo kharato, nyi na va phalalegisa tigoni momu, nyi vega uye nyi mu golago; kholu, gasi khu mani a fananago ni Eni? Gambe khu mani a yelago gu nyi wudzisa iso nyi girago? Khu mani a gu muhavisi a dzi kodzago gu dwana ni Eni?

Jeremiya 7:4

Mu nga dzi kanganyisi khu gu ganelani, khenu: Eyi khu Nyumba ya Pfhumu Nungungulu, eyi khu Nyumba ya Pfhumu Nungungulu, eyi khu Nyumba ya Pfhumu Nungungulu. Khiyo eyi.

Ezekiyeli 19:2

mu ganela, khenu: “Khu mani mayime wago? Nghala nya ngadzi yi lade vbakari nya dzinghala nya vamatune, yi mamisa singhalana saye na si yi randrede.

Hoseya 10:5

Vathu va vbanyago Samariya va na thuswa khu githombe nya gimombyana gya Bheti-Avheni, kholu vathu vaye, va na lila khu kotani yaye, gumogo gambe ni tsawa waye nya vaphaseli nya sifananiso va nga bani va tsaka khu wudhumo waye, kholu thomba yawe yi dusidwego, vbakari gwawe.

Joyele 1:13

Enu vaphasi nya mhamba, ambalani silendra mu lila; wombani huwa enu mu thumelago vbagiluvelotunu; belani na mu ambade silendra, mu lila wutshigu watshavbo, enu mu thumelago Nungungulu wangu; kholu miningelo nya dzimbewu niyo nya wadwa, kha yi ningedwi gambe Nyumbani ga Nungungulu wanu.

Amosi 8:8

Khu kotani nya isoso, ina litigo kha li na tsekatseka, ni vatshavbo va vbanyago umo, kha va na lila, gani? Litigo leli latshavbo li na khugega nga tsongo nya wukhongolo Nilo, li na khugega bwelo khavbo li bosa nga tsongo wa Egipito.

Sofoniya 1:10

Litshigu lolo, a ngu ganela Pfhumu Nungungulu, gu na pwala huwa gukhugela Nyangwatunu nya Dzindzandzi, ni gu keta gukhugela Talalani nya Guphya, ni ligwaha nya likhongolo gukhugela sigomoni.

Sofoniya 3:11

Litshigu lolo, uwe khu na ngapwa gambe dzitshoni khu sigiro u nyi giredego, kholu nyi na fuvisa vbakari gwago, vatshavbo va nya matshandza ni gu dzi khusedza, uwe gima khu na dzi gugumugisa gambe mugigomoni gwangu nya Gukatege.

Sofoniya 3:3

Vathangeli vaye va gu fanana ni dzinghala dzi ngurangurago vbakari gwaye. Valamuli vaye gu fanana ni masolwa vbasilambotunu, ma hodzago nyamba tshiya sirambo nya gute hodza mindru.

Zakariya 11:2

Lilani misimbo nya mipinyu, kholu yi thegide misedhari, va nya tshivba va thesidwe vbavbatshi; lilani miguhu ya Bhasani, kholu likhabi nya guthise lihagatidwe.

Zakariya 11:8

Khu ngima moyo basi nyi tutumiside vahavisi vararu, kholu hefemulo wangu wu di garade khu dzinvuta dzangu, idzo nidzo dzi di swihala khu eni.

Matewu 15:14

Va digeni; sikhumu si vbwetago gu phara kunga sikhumu sikwawe! Kholu gikhumu gya guvbweta gu phara kunga gikhumu gikwawe, sa sivili si ngu ya thegela phalani.”

Mithumo 7:52

Khu wevbini muprofeti wa gale v ngamba mu tutumisa vababe vanu? Va songide vale va nga hegula gutivisa lipfhumba nya gute ga muthu nya ululamenga mu danga enu mu gu mu songa.