Zakariya 11:1 - Bhibhiliya Nya Guage

¹ Tula dzinyangwa dzago uwe litigo la Libhanoni, gasi wu bele nilo wu vbisa misimbo yago nya misedhari.

Zakariya 11:1 Iomraidhean Croise

Jeremiya 22:23

Uwe u khalago Libhanoni, u vbahidego gihaga gyago matamoni nya sedhari, litshigu nya mhango u na wona tshanisa ngudzu, guvbisa gakone gu fanana ni ogu gwa nyamayi a lumwago!

Ezekiyeli 31:3

Wonani gukheni Asiriya a diri sena wa Libhanoni, nya matamo nya gumbure, nya mahagane nya yadi ma ningago mutsa, ni tshina nya gulaphe, dzitshoka dzago dzi di vboha kala mapfhini.

Habhakuka 2:17

Kholu dzihanyi u giredego Libhanoni dzi na gu thegela. U na thedwa hwanga khu sirengo u si songetedego. Kholu u vbaladzide novba nya wungi, u sasede mayigo, madhoropa ni vavbanyi vaye.

Habhakuka 2:8

Kholu uwe u phangide dzithomba nya mayigo nya mangi, vathu vatshavbo va tshadego va na gu phanga nuwe. Kholu, uwe u vbaladzide novba nya wungi ngudzu, u girela dzihanyi mayigo, ni madhoropa gumogo ni vavbanyi vakone.

Agewu 1:8

“Gwelani gigomo mu ya dzega misimbo mu ta vbahedza nyumba, yi na gu nyi nengedzisago, gasi nyi kodza gu dhumiswa umo.” A ngu ganela Pfhumu Nungungulu.

Zakariya 10:10

Nyi na va gira va wuya khu tigoni ga Egipito, nyi na va tombanisa va duga tigoni ga Asiriya, nyi na va dzega nyi va yisa tigoni ga Gileyadhi ni Libhanoni, ga avo gu na bani guri mwalo wulanga nya guenele.

Zakariya 11:2

Lilani misimbo nya mipinyu, kholu yi thegide misedhari, va nya tshivba va thesidwe vbavbatshi; lilani miguhu ya Bhasani, kholu likhabi nya guthise lihagatidwe.

Zakariya 12:6

Khu litshigu lolo, nyi na gira vathangeli va Judha va khala kha nga magala nya gudzure vbakari nya dzikhuni, ni mwenge vbakari nya dzinyandra; va na mbembisa, nyamudye ni nyambade, mayigo yatshavbo ma va randredego. Jerusalema a na wuya a manega ni vathu va vbanyago umo, bwelo khavbo a khala gambe wulangani gwaye.

Dhewuteronome 32:22

Kholu wu khondride nilo nya likhulo langu, wu dzura kala phalani nya guete nya vafi; wu vbisa mafu gumogo ni mihandro yaye, wu na nyiviligisa matshina nya sigomo.