Zakariya 10:9 - Bhibhiliya Nya Guage

⁹ Nyi na va phalalegisa vbakari nya mahundzu, khu mayigoni ga hwindzo va na nyi dundruga, va na vbanya gumogo ni sanana sawe, khu hwane va na wuya.

Zakariya 10:9 Iomraidhean Croise

Nehemiya 1:9

Aholu mwa gu vbindrugedza mu khodwa gwangu mu landrisa milayo yangu ni gu yi sayisa, ambari nya bani nyi mi phalalegiside kala mi vboha mahegiso nya litigo, khiyoyo nyi na mi wuyisani nyita mi tombanisa danga mwedo avbo nyi gu hathidego gu khala avbo Lina langu.

Isaya 44:21

Dundruga silo sesi uwe Jakobe, ni uwe Israyeli, kholu nyi gu giride githumi gyangu. Nyi gu wumbide gasi gu khala githumi gyangu; uwe Israyeli, gima kha nyi na gu divala.

Isaya 64:4

Kholu gukhugela gikhati gya gale, gu si gu pwali silo nya nga esi, ambari khu dzindzeve, mwalo a si pwidego, mwendro khu maho gu wona Mumbe Nungungulu, vbavbandze ga uwe, u girelago nya singi vale va gu tumbago.

Isaya 65:23

Kha va na thumela mahala, ambari gu velega sanana gasi si tshaniseka, kholu avo gumogo ni situgulwana melego wu kategisidwego khu Pfhumu Nungungulu.

Isaya 65:9

Nyi na dusa ga situgulwana sa Jakobe ni ga Judha, moyo a na khalago gihodzathomba yangu ya musigomoni; sihathwa sangu si na fumela litigo, sithumi sangu si vbaha umo.

Jeremiya 31:27

Pfhumu Nungungulu a ngu ganela kharati, khuye: “Wonani, ma na vboha matshigu nyi na gu yalago ndrangani ga Israyeli ni ga Judha mbewu nya vathu ni mbewu nya sirengo.”

Jeremiya 51:50

Enu mu vbulugidego gu songwa khu matshari, thavani, vbiredzani gu khuga, thavelani mayigo ya hwindzo, ambari na muri hwindzo mu nga divaledwi khu Pfhumu Nungungulu, myonyo yanu yi na alakanye Jerusalema.

Ezekiyeli 6:9

Mayigoni momo mu na vbagedwago mu ya umo, vale va na vbulugago gu songwa va na nyi alakanya mayigoni mule va na yiswago umo guya girwa dzikhumbi; kholu va nyi swihadzide khu kota nya myonyo yawe nya wuphuphulu va hambana ni eni, maho yawe ma dogorela sifananiso sa vanungungulu vawe nya malipha; khu guhegisani, va na dzi laya vabune kamwe khu kotani nya mithumo yawe yatshavbo nya guvivbe va giridego.

Hoseya 2:23

Khu litshigu lolo, Pfhumu Nungungulu a ngu ganela, khuye: Eni nyi na ninga phindrulo Ndzadzini, ni Ndzadzini, gu na ninga phindrulo mafuni.

Amosi 9:9

Kholu wonani nya gukhenu nyi na rumela, nyumba ya Israyeli yi vbevberwa vbakari nya mayigo yatshavbo, kha nga idzo gu vbevberwago khidzo mavbila khu gisalava gu si thegi ni tshotha mweyo mafuni.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Mithumo 8:4

Avo va nga phalalega va di gimbila khu talala ni talala va gu hevbudza Mahungu nya Yadi.

Varoma 11:24

Ambari nya gukhuwe uwe khuri litamo nya mavelego nya ngure nya likhabi, Nungungulu kodzide gu ndraga tumbunugo, a gu koka, a gu tshomega tshinani nya ngure nya wadi. Gasi Vajudha, matamo nya mavelego nya ngure nya wadi. Gu na mu vbevbugela ngudzu gu va tshomega nyaluphye tshinani nya simbo va lumbago uwo khu gale.